JOSHUA 22:22 - KA BAIBL

²² “U Trai, U Blei ki blei, U Trai, U Blei ki blei, u tip, bad u Israel un sa tip; lada ka long ha ka jingïaleh pyrshah, lane lada ha ka jingpalat ïa U Trai, (wat pynim ïa ngi ha kane ka sngi,)

Khasi CL Bible (BSI)

²² “U Bakhrawbor tam u dei U Blei! U long U Trai! U Bakhrawbor tam dei U Blei! U long U Trai! U tip balei ngi leh ïa kane, bad ngi kwah ba phi ruh phin tip! Lada ngi ïaleh pyrshah bad ngim ïai bat ïa ka jingngeit bad U Blei, wat shah shuh ïa ngi ban im!

JOSHUA 22:22 ပူးပေါင်းရင်းမြစ်များ

1 SYIEM 8:39

te to sngew ma me ha bneng ka jaka shongneh jong me, bad to map, bad to leh, bad to ai ha u briew baroh katba kum ki lynti jong u baroh, uba ka dohnud jong u me tip; (naba me, tang ma me hi keiñ, me tip ïa ka dohnud ki khun bynriew baroh;)

Ka Kitab U Job 10:7

la me tip ruh ba ngam long bymman; bad ym don uba lah ban pyllait na ka kti jong me?

Ka Kitab U Job 23:10

Hynrei, u ithuh ïa ka lynti ba nga ïaid; ynda u la tynjuh ïa nga, ngan mih noh kum ka ksiar.

Ka Kitab U Job 31:22

ai te ba ka tyrpeng jong nga kan hap na ka siang tyrpeng, bad ba yn pynkheiñ ïa ka ksang'ti jong nga na ka shyieng.

SALM 136:2

To ainguh ïa U Blei jong ki blei: naba ka jingisynei jong u ka bymjukut.

SALM 37:6

Bad un pynmih noh ïa ka hok jong me kum ka jingshai, bad ïa ka jingbishar jong me kum ka shiteng sngi.

SALM 40:9

Nga la pynbna ïa ka hok ha ka jingïaseng bah; ha khmih, ngan ym khang ïa la ki rmiang shyntur, A Trai, me tip.

SALM 44:21

hato, U Blei un ym wad noh ïa kata? naba u tip ïa ki jingbuhrieh ka dohnud.

SALM 44:22

Shisha keiñ, na ka bynta jong me la pynïap ïa ngi baroh shi sngi; la ñiew ïa ngi kum ki langbrot ïa ka jingpynïap.

SALM 50:1

U Blei, U Blei keiñ, U Trai u la kren, bad u la khot ïa ka khyndew naduh kaba mih ka sngi haduh ka jingsep jong ka.

SALM 82:1

U Blei u ïeng ha ka jingïaseng U Blei; u bishar hapdeng ki blei.

SALM 95:3

Naba U Trai u long U Blei u bakhraw, bad U Syiem u bakhraw halor ki blei baroh.

SALM 97:7

To kin lehrain khop kita baroh kiba shakri ïa ki dur bleithaw, kiba sngewsarong ha ki bleithaw: to mane ïa u, phi ki blei baroh.

EKSODOS 18:11

Mynta nga tip keiñ, ba U Trai u long uba kham khraw ïa ki blei baroh: wat ha kata hi keiñ, ha kaba ki la ïaleh sarong eh halor jong ki.”

JEREMAÏAH 12:3

Hynrei me, A Trai, me ithuh ïa nga; me ïohi ïa nga, bad me tynjuh ïa ka dohnud jong nga sha me: to ring shabar ïa ki kum ki langbrot ïa ka jingpynïap, bad to khreh ïa ki ïa ka sngi ka jingpynïap.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 2:47

U syiem u la ïathuh ha u Daniel, bad u la ong, “Da kaba shisha, U Blei jong phi u long U Blei ki blei, bad U Trai ki syiem, bad u nongpynpaw ïa ki jingbuhrieh, naba me la lah ban pynpaw ïa kane ka jingbuhrieh.”

MIKAH 7:9

Ngan shah ïa ka jingbitar U Trai, namar nga la leh pop ïa u; tad ynda un ïasaid ïa ka kam jong nga, bad un leh ïa ka jingbishar na ka bynta jong nga: un pynmih noh ïa nga sha bashai, te ngan ïohi ïa ka hok jong u.

MALAKHI 3:18

Hangta te phin phai bad phin sngewthuh ïa u bahok na u bymman, bad ïa uba shakri ïa U Blei na uta u bym shakri ïa u.”

ÏOANNIS 21:17

U ong ha u ka balai sien, “Ko Simon, u khun u Jona, me ieit ïa nga?” U Petros u la sngewsih naba U la kylli ka balai sien ïa u, “Me ieit ïa nga?” U la ïathuh te ha U, “Ko Trai; me, me tip ïa kiei kiei baroh, me tip ba nga ieit ïa me.” U Jisu u ïathuh ha u, “To bsa ïa ki langbrot jong nga.

KI KAM 1:24

Bad ki la ïaduwai, ki la ong, “A me, U Trai uba ithuh ïa ki dohnud baroh, to pyni uno na kine ar ngut ba me la jied,

KI KAM 25:11

Lada shisha nga la leh bymdei, bad nga la leh ei ei kaba dei ban ïap, ngam kyrngah ïa ka ban ïap; hynrei, lada kine kiei kiei ruh kim long kiba shisha ba kine ki mudui ïa nga, ym don uba lah ban aiti noh ïa nga ha ki. Nga appil ha u Kaisar.”

2 KORINTH 11:11

Hato na ka balei? naba ngam ieit ïa phi? U Blei u tip keiñ.

2 KORINTH 11:31

U Blei bad U Kpa U Jisu Khrist uba U Trai jong ngi, uba long ba la kyrkhu sha ki bymjukut, u tip ba ngam lamler.

2 KORINTH 5:11

Namar kata, haba ngi tip ïa kane ka jingsheptieng ïa U Trai, ngi pyrshang pynkohnguh ïa ki briew; hynrei, la pynpaw ïa ngi ha U Blei, bad nga kyrmen ba la pynpaw ïa ngi ha ki jingïatiplem jong phi ruh.

DEUTERONOMI 10:17

Namar U Trai uba U Blei jong phi, u long U Blei jong ki blei, bad U Trai jong ki trai, U Blei u bakhraw, u badonbor, bad ba-itieng, u bymñiew shiliang khmat, lymne um bamsap.

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

HEBRU 4:13

Bad ym don ka jingthaw ba khlem paw ha khmat jong u; hynrei, kiei kiei baroh ki long lyngkhuit bad kiba paw pyrshah ha ki khmat jong u, bad uba ngi ïadonkam.

JOSHUA 22:21

Ynda kumta, ki khun u Reuben bad ki khun u Gad bad ka shiteng jaid u Manasseh ki la ïathuh, bad ki la ong ha ki rangbah ki hajar jong ki Israel,

JINGPYNPAW 19:16

Bad u don halor ka jaiñkup, bad halor ka lbong jong u, ka kyrteng ba la thoh, “U Syiem Ki Syiem bad U Trai Ki Trai”.

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.

1 SAMUEL 15:23

Namar ka jingleh kiat ka long kat ka pop ka jingleh byrtong hi, bad ka jingmutlop ka long kum kaba mane bleithaw bad ki teraph. Namar ba me la kyntait ïa ka ktien U Trai, ma u ruh u la kyntait ïa me na kaba long syiem.”

1 SAMUEL 2:3

Wat da kren sarong eh shuh; wat ai ban mih ka jingmeng na ka shyntur jong phi: namar U Trai u long U Blei ka jingtip, bad u ju thew ïa ki jingleh.