JOSHUA 22:15 - KA BAIBL

¹⁵ Bad ki la wan ha ki khun u Reuben, bad ha ki khun u Gad, bad ha ka shiteng jaid u Manasseh, ha ka ri Gilead, bad ki la ïakren bad ki, ki da ong,

Khasi CL Bible (BSI)

¹⁵ Ki la wan sha ka ri Gilead, sha ki paidbah jong ki jait Reuben, Gad, bad Manasseh ba sha Mihngi,

JOSHUA 22:15 ပူးပေါင်းရင်းမြစ်များ

1 KHRONIKL 21:3

Te u Joab u la ong, “To U Trai un pynlong ïa la u paidlang shispah shah shuh ïa kaba ki long: hynrei, ko kynrad u syiem, hato kim long baroh ki shakri u kynrad jong nga? Balei u kynrad jong nga u pan kum ïa kane? Balei un long ka daw ka jingbit pop ha ki Israel?”

2 KHRONIKL 10:19

Kumta, ki Israel ki la ïaleh pyrshah ïa ka ïing u Dabid, haduh kane ka sngi.

2 KHRONIKL 25:27

Te naduh kata ka por ba u Amasaïah u la phai noh na kaba bud ïa U Trai ki la pynlong ka jingïashet pyrshah ïa u ha Jerusalem; te u la phet ïap sha Lakhish: hynrei, ki la phah beh ïa u sha Lakhish, bad ki la pynïap ïa u hangta.

2 KHRONIKL 26:18

bad ki la ïaïeng pyrshah ïa u syiem Ussiah, bad ki la ong ha u, “Ym dei ka jong me, ko Ussiah, ban thang jingiwbih ha U Trai, hynrei, ka jong ki lyngdoh hi ki khun u Aaron, ïa kiba la pynkyntang ban thang jingiwbih: to mih noh na ka jaka kyntang; naba me la leh palat; lymne kan ym long burom ïa me na U Trai U Blei.”

2 KHRONIKL 28:13

bad ki la ong ha ki, “Phin ym wallam hapoh hangne ïa kita ki mraw: naba phi thmu ïa kata ka ban wallam halor jong ngi ïa ka jingpalat pyrshah ïa U Trai, ban nang kynton halor ki pop jong ngi bad halor ka jingpalat jong ngi: naba ka jingpalat jong ngi ka long ka bakhraw, bad don ka jingbitar ba-itieng pyrshah ïa ki Israel.”

ESRA 9:15

A Trai, U Blei ki Israel, me long u bahok; namar la pynsah ïa ngi khyndiat kiba la ïohlait, kumba ka long ha kane ka sngi: ha khmih, ngi long ha khmat jong me ha ka jingrem jong ngi; namar ym don uba lah ban ïeng ha khmat jong me namar kane.”

ESRA 9:2

Namar ki la shim na ki khun kynthei jong ki ïa lade bad ïa ki khun shynrang jong ki; ba kumta u symbai bakyntang u la pynïakhleh ïa lade bad ki briew kita ki ri: ho-oid keiñ, ka kti ki rangbah bad ki nongsynshar ka la long ka banyngkong ha kane ka jingpalat.”

SALM 78:8

bad ba kin ym long kum ki kpa jong ki, ka pateng bynriew kaba mutlop bad ba ïaleh pyrshah; ka pateng bynriew ka bym shym la buh beit la ka dohnud, bad kiba ka mynsiem jong ki kam shym ïaineh bad U Blei.

EKSODOS 32:8

ki la ïaid sakma noh kloi na kata ka lynti ïa kaba nga la hukum ïa ki: ki la ïathaw dur khun masi ba la shu saiñ ha ki, bad ki la ïamane ïa u, ki la ai jingkñia ruh ha uta, bad ki la ïa-ong, ‘Une u blei jong me, A Israel, uba la wallam noh artet ïa me na ka ri Ijipt.’ ”

ISAÏAH 63:10

Hynrei, ki la ïaleh pyrshah, bad ki la pynsngewsih ïa U Mynsiem Bakhuid jong u: namar kata, u la kylla ban long uba shun ïa ki, bad u hi u la ïaleh ïa ki.

LEBITIKOS 26:40

“Bad kin phla ïa ka jingleh bymman jong ki, bad ïa ka jingleh bymman ki kpa jong ki, bad ïa ka jingpalat ïa kaba ki la leh palat pyrshah ïa nga, bad ba ki, ki la ïaid pyrshah ïa nga,

LEBITIKOS 5:19

Ka long ka jingkñia namar ka jingpalat: shisha keiñ u la leh palat pyrshah ïa U Trai.”

JINGKHEIÑ 14:43

Namar kita ki Amalek, bad kita ki Kanaan, ki don ha khmat jong phi, bad phin hap da ka waitlam: naba phi la phai dien noh na U Trai, namar kata, U Trai un ym long lem keiñ bad phi.”

JINGKHEIÑ 32:15

Naba lada phin phai noh na kaba bud ïa U, un iehnoh pat keiñ ïa ki briew ha kata ka ri khlaw; phi ruh phin pynjot noh ïa une u paidbah baroh.”

JINGKHEIÑ 5:6

“To kren ha ki khun Israel, ‘Lada u shynrang ne ka kynthei kin leh ïa kawei na kita ki pop ba ju leh ki briew, da kaba leh palat pyrshah ïa U Trai, bad ba kata ka mynsiem ka la rem;

MATHAÏOS 18:17

Te lada um treh ban sngew ïa kita, to ïathuh ha ka balang; te lada um treh ban sngew ïa kata ka balang ruh, to ai un long ïa me kum u Jentil bad u nongkhrong.

1 KORINTH 1:10

Te nga kyrpad ïa phi, ko parabangeit, da ka kyrteng U Jisu Khrist uba U Trai jong ngi, ba phi baroh phin ïakren ïa kajuh, bad ba kin ym long ki jingïaprat hapdeng jong phi; hynrei, ba phin long ïa kiba la pynjanai lang ha kajuh ka jingmut bad ha kajuh ka jingïapyrkhat.

1 KORINTH 5:4

ha ka kyrteng U Jisu uba U Trai jong ngi, haba phi la ïaseng lang, bad ka mynsiem jong nga, lem bad ka bor U Trai jong ngi U Jisu,

DEUTERONOMI 30:17

Hynrei, lada ka dohnud jong me kan kylla noh, ba men ym shahshkor shuh, hynrei, la ring noh ïa me, bad men mane ïa kiwei pat ki blei, bad shakri ïa ki;

DEUTERONOMI 7:4

Naba kin pynphai noh ïa u khun jong me na kaba bud ïa nga, ba kin ïoh shakri ïa kiwei pat ki blei; kumta keiñ, kan meh ka jingbitar U Trai pyrshah ïa phi, bad un pynjot noh ïa me shisyndon.

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

JOSHUA 22:12

Te haba ki khun Israel ki la ïohsngew ïa kata, u paidbah ki khun Israel baroh ki la ïalum lang ha Sheiloh, ban ïaleh thma ïa ki.

JOSHUA 22:14

lem bad u ruh shiphew ngut ki rangbah, uwei uwei u rangbah na kawei kawei ka ïing u kpa na ki jaid Israel baroh; bad uwei uwei ruh u la long u rangbah ha ka ïing ki kpa jong ki hapdeng ki hajar jong ki Israel.

JOSHUA 22:16

“Kumne u ong u paidbah U Trai baroh, ‘Ka jingryngkang kaba kumno kane kaba phi la leh pyrshah ïa U Blei ki Israel, ban phai noh ha kane ka sngi na kaba bud ïa U Trai, ha kaba phi la tei ka duwan ha phi, ïa ka ban ïaleh pyrshah ïa U Trai ha kane ka sngi?

JOSHUA 22:18

ba phin shu phai noh ha kane ka sngi na kaba bud ïa U Trai? bad kan long, naba phi ïaleh pyrshah ïa U Trai ha kane ka sngi, ba lashai un bitar ïa u paidbah Israel baroh.

1 SAMUEL 15:23

Namar ka jingleh kiat ka long kat ka pop ka jingleh byrtong hi, bad ka jingmutlop ka long kum kaba mane bleithaw bad ki teraph. Namar ba me la kyntait ïa ka ktien U Trai, ma u ruh u la kyntait ïa me na kaba long syiem.”