JOSHUA 22:10 - KA BAIBL

¹⁰ Te haba ki la wan sha ki rud ka Jordan, kiba ha ka ri Kanaan, ki khun u Reuben bad ki khun u Gad bad ka shiteng jaid u Manasseh ki la tei hangta ka duwan harud ka Jordan, ka duwan kaba khraw kaba paw bha.

Khasi CL Bible (BSI)

¹⁰ Haba ki jait Reuben, Gad, bad Manasseh ba sha Mihngi ki la poi ha Geliloth, kaba dang dei ha ka liang sepngi jong ka Jordan, ki la tei hangta ka duwan kaba khraw bad kaba ishongkun harud ka wah.

JOSHUA 22:10 ပူးပေါင်းရင်းမြစ်များ

JENESIS 12:7

Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 12:8

Bad nangta u la kynriah noh sha u lum uba ha ka Bethel shaphang mihngi, bad u la pynïeng ïa la ka ïingtrep, ba la don ka Bethel sha sepngi, bad ka Ai sha mihngi: bad hangta ruh, u la tei ïa ka duwan ha U Trai, bad u la khot ha ka kyrteng U Trai.

JENESIS 28:18

Bad u Jakob u la khie dang step phyrngab, bad u la shim ïa uta u maw da uba u la lah pynlong syngkhlieh ïa lade, bad u la thung mawbynna ruh ïa u bad u la theh ka umphniang ha kliar jong u.

ISAÏAH 19:19

Ha kata ka sngi, yn long ka duwan ha U Trai hapdeng ka ri Ijipt, bad u mawbynna harud jong ka ha U Trai.

JOSHUA 22:11

Te ki khun Israel ki la ïohsngew ba la ong, “Ha khmih, ki khun u Reuben bad ki khun u Gad bad ka shiteng jaid u Manasseh ki la tei ka duwan marpyrshah ka ri Kanaan, ha ki rud ka Jordan, ha kaba ki khun Israel ki la ryngkang.”

JOSHUA 22:9

Te ki khun u Reuben bad ki khun u Gad bad ka shiteng jaid u Manasseh ki la phai, bad ki la mih noh na ki khun Israel na Sheiloh, kaba ha ka ri Kanaan, ban leit sha ka ri Gilead, sha ka ri ka bynta jong ki, kaba ki la ïoh, katba kum ka ktien U Trai da ka kti u Moses.