JOSHUA 21:45 - KA BAIBL

⁴⁵ Kam shym duh ei ei na kiei kiei ki babha ïa kiba U Trai u la kren ha ka ïing Israel; ka la wan long baroh.

Khasi CL Bible (BSI)

⁴⁵ U Trai u la bat ïa kawei pa kawei na ki jingkular kiba u la pynlong ha ki paid Israel.

JOSHUA 21:45 ပူးပေါင်းရင်းမြစ်များ

1 SYIEM 8:15

Te u la ong, “Long ba la kyrkhu ïa U Trai, U Blei jong ki Israel, uba la kren da la ka shyntur ha u Dabid u kpa jong nga, bad u la pyndep ïa ka da la ka kti, u da ong,

1 SYIEM 8:20

Bad U Trai u la pynskhem ïa la ka ktien kaba u la kren; naba nga la ïeng ha ka jaka u Dabid u kpa jong nga, bad nga shong halor ka khet Israel, kumba U Trai u la kular, bad nga la tei ïa kata ka ïing ïa ka kyrteng U Trai, U Blei ki Israel.

1 SYIEM 8:24

uba la sumar bad la u shakri u Dabid u kpa jong nga ïa kata kaba me la kular ha u: me la kren ruh da la ka shyntur, bad me la pyndep da la ka kti, kumba ha kane ka sngi.

1 SYIEM 8:56

“To long ba la kyrkhu ïa U Trai, uba la ai ka jingshongthait ha la ki briew ki Israel, katba kum kaba u la kular baroh: ym shym la duh ei kawei ka ktien na ka jingkular babha jong u baroh, kaba u la kular da ka kti u Moses u shakri jong u.

NEHEMAÏAH 9:8

bad me la shem ïa ka dohnud jong u kaba ïaineh ha khmat jong me, bad me la thaw jutang bad u, ban ai ka ri ki Kanaan, ki Hit, ki Amor, ki Peris, ki Jebus, ki Girgash, ban ai keiñ ha u symbai jong u, bad me la pyndep ïa la ki ktien; namar me long u bahok.

ISAÏAH 48:3

“Nga la pynbna ïa kiei kiei kiba mynshuwa na mynbarim; bad ki la mih noh na ka shyntur jong nga, bad nga la pyni ïa ki: nga la leh kyndit ïa ki, bad ki la jia ruh.

JINGKHEIÑ 23:19

U Blei um long u briew, ba un lamler; lymne u khun u briew, ba un kylla-ka-bamut: ïa kaba U la ong, un ym leh? Lane ïa kaba U la kren, un ym pyndep noh?

1 KORINTH 1:9

U Blei u long uba lah ban shaniah, da uba la khot ïa phi sha ka jingïasyllok U Khun jong u, U Jisu Khrist uba U Trai jong ngi.

1 THESSALONI 5:24

Uta uba khot ïa phi u long uba lah ban shaniah, u ban leh ruh ïa kata.

TITOS 1:2

ha ka jingkyrmen ïa ka jingim bymjukut, ïa kaba U Blei, u bym lah ban lamler, u la lah kular mynshuwa ki por bymjukut;

HEBRU 6:18

ba da ki ar tylli kiei kiei ki bymkylla, ha kiba ka long ka bym lah ïa U Blei ban lamler, ngi lah ban ïoh ka jingpynshlur badonbor, kiba la phet ban rieh ïa ka ban ïoh bat ïa kata ka jingkyrmen ba la buh ha khmat jong ngi;

1 SAMUEL 3:19

Bad u Samuel u la nang roi, bad U Trai u la don lem bad u, bad um shym shah ïa kawei na ki ktien jong u ban hap duh noh.