JOSHUA 21:44 - KA BAIBL

⁴⁴ Bad U Trai u la ai ha ki ka jingshongthait baroh sawdong, kat kumba u la smai baroh ha ki kpa jong ki: bad ym shym don uwei u briew na ki nongshun jong ki baroh uba la ïeng ha khmat jong ki; U Trai u la ai noh ïa ki nongshun jong ki baroh ha ka kti jong ki.

Khasi CL Bible (BSI)

⁴⁴ U Trai u la ai ha ki ka jingshongsuk ha kata ka ri baroh kawei, kumba u la kular ïa ki kpa tymmen jong ki. Ym don uwei ruh na ki nongshun jong ki baroh uba lah ban ïeng pyrshah ïa ki, namar U Trai u la ai ha ki Israel ka jingjop ïa ki nongshun jong ki baroh.

JOSHUA 21:44 ပူးပေါင်းရင်းမြစ်များ

2 KHRONIKL 13:16

Ki khun Israel te ki la phet ïap na khmat ki Judah: bad U Trai u la ai noh ïa ki ha ka kti jong ki.

EKSODOS 23:31

Ïa ki pud jong me te ngan buh, naduh ka Duriaw Basaw haduh ka duriaw ki Philistia, bad naduh ka ri khlaw haduh kata ka wah: namar ngan aiti ïa ki trai-shnong jong kata ka ri ha ka kti jong phi; te men beh noh ïa ki na khmat jong phi.

EKSODOS 33:14

U te u la ong, “Ka khmat jong nga kan leit lem bad me bad ngan ai ka jingshongthait ruh ïa me.”

ISAÏAH 63:14

Kum u jingri uba leit hiar sha ka them, U Mynsiem U Trai u la pynshong thait ïa ki: kumta me la ïalam ïa la u paidlang, bad pynlong ïa lade ka nam kaba donburom.

DEUTERONOMI 2:36

Naduh Aroer, kaba harud ka wah Arnon, bad naduh kata ka nongbah kaba harud kata ka wah, haduh Gilead, ym don kawei ka nongbah kaba la ïohlait na ngi: U Trai uba U Blei jong ngi, u la aiti ïa ki baroh ha ngi:

DEUTERONOMI 21:10

“Haba me leit ban ïaleh thma ïa ki nongshun jong me, bad ba U Trai uba U Blei jong me u la ai ïa ki ha ki kti jong me, bad me la ring mraw ïa ki,

HEBRU 4:9

Namar kata, ka dang sah ka jingshongthait ka Sabbaton ïa u paidlang U Blei.

JOSHUA 1:13

“To kynmaw ïa kata ka ktien ba u Moses u shakri U Trai u la hukum ha phi, u da ong, ‘U Trai U Blei jong phi u ai ha phi ka jingshongthait, bad un ai ha phi ïa kane ka ri.’

JOSHUA 1:15

ha ban da U Trai u la ai ka jingshongthait ha ki para jong phi, kumba ha phi, bad ba ki ruh ki la ïoh ïa kata ka ri kaba U Trai U Blei jong phi u ai ha ki: hadien kata, phin phai sha ka ri ka bynta jong phi, bad phin ïoh ïa ka ruh, ïa kaba u Moses u shakri U Trai u la ai ha phi ha kane ka liang ka Jordan shaphang mihngi.”

JOSHUA 1:5

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

JOSHUA 11:12

Ïa ki shnong jong kita ki syiem baroh, bad ïa ki syiem jong ki baroh ruh, u Joshua u la jop, bad u la pom ïa ki da ka syrti waitlam, bad u la pynduh khoit ïa ki; kumba u Moses u shakri U Trai u la hukum.

JOSHUA 11:23

Kumta, u Joshua u la shim ïa kata ka ri baroh, kat kumba U Trai u la ong ha u Moses baroh; bad u Joshua u la ai kynti ïa ka ha ki Israel katba kum ki bynta jong ki ha la ki jaid ki jaid. Bad ka ri ka la shongthait na ka thma.

JOSHUA 11:8

Bad U Trai u la ai noh ïa ki ha ka kti ki Israel, ki te ki la pom ïa ki, bad ki la beh ïa ki haduh ka Sidon bah, bad haduh Misrephoth-maim, bad haduh ka them Mispeh shaphang mihngi; bad ki la pom ïa ki, haduh ba kim shym pynsah shuh uwei ruh.

JOSHUA 2:24

Bad ki la ong ha u Joshua, “Da shisha U Trai u la ai ha ki kti jong ngi ïa kata ka ri baroh; namar ki trai-shnong baroh ruh ha kata ka ri kim don mynsiem shuh ïa ngi.”

JOSHUA 22:4

Mynta te, U Trai U Blei jong phi u la ai ka jingshongthait ïa ki para jong phi, kumba u la ong ïa ki: namar kata, mynta phin phai noh, bad phin leit noh sha la ki ïingjaiñ, bad ha ka ri ka bynta jong phi, ïa kaba u Moses u shakri U Trai u la ai ha phi sha shiliang ka Jordan.

JOSHUA 22:9

Te ki khun u Reuben bad ki khun u Gad bad ka shiteng jaid u Manasseh ki la phai, bad ki la mih noh na ki khun Israel na Sheiloh, kaba ha ka ri Kanaan, ban leit sha ka ri Gilead, sha ka ri ka bynta jong ki, kaba ki la ïoh, katba kum ka ktien U Trai da ka kti u Moses.

JOSHUA 23:1

Te kham slem, ynda U Trai u la ai ka jingshongthait ïa ki Israel na ki nongshun jong ki baroh kylleng sawdong, u Joshua u la man tymmen bad u la hiar arsut ka rta;