JOSHUA 21:43 - KA BAIBL

⁴³ Kumta U Trai u la ai ha ki Israel ïa kata ka ri baroh ïa kaba u la smai ban ai ha ki kpa jong ki; bad ki la ïoh ïa ka, bad ki la shong ha ka.

Khasi CL Bible (BSI)

⁴³ Kumta U Trai u la ai ha ki Israel ïa ka ri baroh ïa kaba u la kular da kaba kyntang ha ki kpa tymmen jong ki ba un ai ha ki. Haba ki la shimti ïa ka, ki la shongduh hangta.

JOSHUA 21:43 ပူးပေါင်းရင်းမြစ်များ

JENESIS 12:7

Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 13:15

naba ïa kata ka ri baroh katba me ïohi, ngan ai ha me bad ha u symbai jong me ha la ka rta.

JENESIS 28:4

Bad un ai ha me ïa ka jingkyrkhu u Abraham: ha me bad ha u symbai jong me lem bad me; ba men ïoh pateng ïa ka ri ka jingwan hap jong me, ïa kaba U Blei u la ai duh ha u Abraham.”

2 KHRONIKL 20:8

Bad ki la shong ha ka, bad ha ka ki la thaw ïa me ka jaka kyntang ïa ka kyrteng jong me, ki ïa-ong,

NEHEMAÏAH 9:24

Kumta, ki khun jong ki, ki la leit shapoh bad ki la ïoh ïa kata ka ri, bad me la pynjop ïa ki trai-shnong kata ka ri, ki Kanaan, ha khmat jong ki, bad me la ai ïa ki ha ka kti jong ki, bad ki syiem jong ki, bad ki kynja bynriew kata ka ri, ba kin leh bad ki katba ki mon.

NEHEMAÏAH 9:8

bad me la shem ïa ka dohnud jong u kaba ïaineh ha khmat jong me, bad me la thaw jutang bad u, ban ai ka ri ki Kanaan, ki Hit, ki Amor, ki Peris, ki Jebus, ki Girgash, ban ai keiñ ha u symbai jong u, bad me la pyndep ïa la ki ktien; namar me long u bahok.

SALM 105:8

U la kynmaw ïa la ka jutang junom, ïa kata ka ktien kaba u la hukum ïa hajar ki pateng bynriew;

SALM 44:3

Namar kim shym ïoh ha ki ïa ka ri da la ka jong ka wait, lymne ym shym la pynim ïa ki da la ka jong ka ksang'ti: hynrei, ka kti kamon jong me, bad ka ksang'ti jong me, bad ka jingshai ka khmat jong me, namar ba me la ieit ïa ki.

SALM 78:55

U la beh noh ïa kita ki jaid bynriew ruh ha khmat jong ki, bad u la sam ïa ki da u dieng thew ban long ka jingïoh kynti, bad u la pynshong ïa ki jait Israel ha ki ïingjaiñ jong ki.

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

JEREMAÏAH 32:23

te ki la wan, bad ki la ïoh ïa ka; hynrei, kim shym la kohnguh ïa ka ktien jong me, lymne ïaid ha ka hukum jong me; kim shym la leh ei ei na kata baroh ba me la hukum ïa ki ban leh: namar kata, me la pynwan ha ki ïa kane baroh ka jingsniew:

JINGKHEIÑ 33:53

bad phin ïaknieh kynthet ïa kata ka ri, bad phin ïashongneh ha ka: naba nga la aiti ïa kata ka ri ha phi, ba phin ïoh pateng ïa ka.

JINGKHEIÑ 34:2

“To hukum ïa ki khun Israel, to ong ruh ha ki, ‘Ynda phi la poi ha ka ri Kanaan, (kane, ka long kata ka ri ka ban sa hap ha phi ïa ka ban long ka bynta pateng, kata ka long keiñ, ka ri Kanaan, bad ki rud jong ka,)

DEUTERONOMI 11:31

Namar phin ïaleit sha shiliang ka Jordan, ïa ka ban leit ban ïoh ïa kata ka ri, ïa kaba U Trai uba U Blei jong phi u ai ha phi, bad phin ïoh ïa ka, bad phin ïashongneh ha ka ruh.

DEUTERONOMI 12:29

“Ynda U Trai uba U Blei jong me u la pynjot noh ïa kita ki jaid bynriew na khmat jong me, sha kiba me leit ban ïoh ïa ki, bad me bud pateng ïa ki, bad me shongneh ha ka ri jong ki;

DEUTERONOMI 17:14

“Ynda me la wan sha kata ka ri ïa kaba U Trai uba U Blei jong me u ai ha me, bad ba me la ïoh ïa ka, bad ba me la shongneh ha ka; te lada men ong, ‘Ngan thung da u syiem halor jong nga, kum kita ki jaid bynriew baroh kiba don baroh sawdong ïa nga’;

DEUTERONOMI 34:4

Bad U Trai u la ong ha u, “Kane ka long kata ka ri kaba nga la smai ha u Abraham, ha u Isaak, bad ha u Jakob, da kaba ong, ‘Ïa u symbai jong me ngan ai ïa ka: nga la phah ïa me ban ïohi ïa ka da la ki khmat, hynrei, men ym ïoh leit sha shiliang shato keiñ.’ ”

JOSHUA 1:6

Pynkhlaiñ bad pynshlur bha ïa lade: namar men pynïoh bynta ha une u paidbah ïa kata ka ri ba nga la smai ha ki kpa jong ki ban ai ha ki.

JOSHUA 21:42

Kine ki shnong ki la long kawei pa kawei bad la ki rudnong baroh sawdong: kumta ka la long ha kine ki shnong baroh.

NONGBISHAR 11:24

Men ym ïoh ïa kata kaba u Khemosh, u blei jong me, u ai ïa me ban ïoh? Kumta ïano ïano ba U Trai U Blei jong ngi u la pynduh ha khmat jong ngi, ïa kita ngin ïoh keiñ.

1 SAMUEL 12:8

Mynba u Jakob u la poi sha Ijipt, bad ki kpa jong phi ki la ïam ha U Trai, hangta U Trai u la phah ïa u Moses bad u Aaron, kiba la wallam noh ïa ki kpa jong phi na Ijipt, bad ki la pynshong ïa ki ha kane ka jaka.