JOSHUA 21:38 - KA BAIBL

³⁸ Bad na ka jaid u Gad, ïa ka Ramoth ha Gilead bad la ki rudnong, ka shnong jaka rieh ïa u nongpynïap briew, bad ka Mahanaim bad la ki rudnong;

Khasi CL Bible (BSI)

³⁸ Na ka jait Gad ki la ïohpdiang saw tylli ki nongbah: ka Ramoth ha Gilead, lem bad ki pyntha phlang jong ka (kawei na ki nongbah jakarieh), ka Mahanaim,

JOSHUA 21:38 ပူးပေါင်းရင်းမြစ်များ

JENESIS 32:2

Bad u Jakob u la ong ynda u la ïohi ïa ki, “Kane ka long ka kynhun bah U Blei:” bad u la khot kyrteng “ka Mahanaim” ïa kata ka jaka.

2 SAMUEL 17:24

Ynda kumta, u Dabid u la leit sha Mahanaim. Bad u Absalom u la leit sha shiliang ka Jordan, ma u bad u paidbah Israel baroh lem bad u.

2 SAMUEL 19:32

Te u Barsillai u la tymmen eh, jin phraphew snem ka rta: bad u la long ma u uba la ai jingbam ïa u syiem mynba u la don ha Mahanaim; naba u la long u rangbah u bakhraw.

2 SAMUEL 2:8

Hynrei, u Abner u khun u Ner, u kaptan u paidïapom u Saul, u la lah shim ïa u Ishbosheth u khun u Saul, bad u la ïalam ïa u sha shiliang sha Mahanaim;

1 SYIEM 22:3

U syiem ki Israel te u la ong ha ki shakri jong u, “Phim tip ba ka Ramoth-gilead ka long ka jong ngi, bad ngi shu sngap, khlem da knieh ïa ka na ka kti u syiem ka Syria?”

1 SYIEM 4:13

u Ben-geber, ha Ramoth-gilead; ha u ka dei ki shnong u Jair u khun u Manasseh, kiba ha Gilead: ha u ka dei ka ri Argob, kaba ha Bashan, hynñiewphew ki nongbah kiba khraw kiba ker kynroh bad ki dieng khang rnong:

1 SYIEM 4:14

u Ahinadab u khun u Iddo, ha Mahanaim:

1 KHRONIKL 6:80

bad na ka jaid Gad; ïa ka Ramoth ha Gilead bad la ki rudnong, bad ïa ka Mahanaim bad la ki rudnong,

DEUTERONOMI 4:43

kita ki long: ka Beser ha ka ri khlaw, ha ka ri madan, ïa ki Reuben; bad ka Ramoth ha Gilead, ïa ki Gad; bad ka Golan ruh ha Bashan, ïa ki Manasseh.

JOSHUA 13:26

bad naduh Heshbon haduh Ramath-mispeh, bad Betonim; bad naduh Mahanaim haduh ka pud ka Debir;

JOSHUA 13:30

Bad ka pud jong ki ka la long na Mahanaim, ka Bashan baroh, ka hima u Og u syiem ka Bashan baroh, bad baroh ki shnong u Jair, kiba ha Bashan, hynriewphew shnong:

JOSHUA 20:8

Bad sha shiliang ka Jordan shaphang mihngi ïa ka Jerikho, ki la buh ïa ka Beser ha ri khlaw ha ka ri madan na ka jaid u Reuben, bad ïa ka Ramoth ha Gilead na ka jaid u Gad, bad ïa ka Golan ha Bashan na ka jaid u Manasseh.

JOSHUA 21:37

ka Kedemoth bad la ki rudnong, bad ka Mephaath bad la ki rudnong; saw tylli ki nongbah.

JOSHUA 21:39

ka Heshbon bad la ki rudnong, ka Jaser bad la ki rudnong; baroh saw tylli ki nongbah.