JOSHUA 21:1 - KA BAIBL

¹ Ynda kumta, ki rangbah ki kpa ki Lebi ki la wan hajan ha u Eleasar lyngdoh, bad ha u Joshua u khun u Nun, bad ha ki rangbah ki kpa ki jaid ki khun Israel;

Khasi CL Bible (BSI)

¹ Ki nongïalam jong ki longïing na ka jait Lebi ki leit sha u Eleasar u lyngdoh, sha u Joshua u khun jong u Nun, bad sha ki khlieh jong ki longïing na ki jait Israel baroh.

JOSHUA 21:1 ပူးပေါင်းရင်းမြစ်များ

JENESIS 49:7

Long ba la tim ïa ka jingbitar jong ki, naba ka la sat eh; bad ïa ka jingpynhiar kput jong ki, naba ka la i runar eh: ngan pynïakhlad ïa ki ha u Jakob, bad ngan pynsaphred ïa ki ha Israel.

EKSODOS 6:14

Kine te ki rangbah ha ki ïing ki kpa jong ki: ki khun shynrang u Reuben u khun nyngkong jong u Israel: u Hanokh, bad u Pallu, u Hesron, bad u Karmi: kine ki long ki ïing jong u Reuben.

EKSODOS 6:25

Bad u Eleasar u khun u Aaron u la shim ïa kawei na ki khun kynthei jong u Putiel ban long ka tnga jong u; ha u te ka la kha ïa u Phinehas. Kine ki long ki rangbah jong ki kpa jong ki Lebi, katba kum ki ïing jong ki.

JINGKHEIÑ 35:1

Te U Trai u la kren ha u Moses ha ki pyntha ka ri Moab, harud ka Jordan, marpyrshah ka Jerikho, U da ong,

JINGKHEIÑ 35:8

Bad kita ki nongbah ïa kiba phin ai na ka jingïoh pateng ki khun Israel, na kita kiba bun, phin shim shibun; bad na kita kiba khyndiat, phin shim khyndiat: uwei uwei baroh un ai na la ki nongbah ha kita ki Lebi katba shong ka bynta pateng jong u, ïa kaba u la ïoh pateng.”

JOSHUA 14:1

Te kine ki long kita ki ri kynti kiba ki khun Israel ki la ïoh ha ri Kanaan, ïa kiba u Eleasar lyngdoh, bad u Joshua u khun u Nun, bad ki rangbah ki ïing ki kpa na ki jaid ki khun Israel, ki la ïasam ha ki,

JOSHUA 17:4

Bad ki la wan hajan ha khmat u Eleasar lyngdoh, bad ha khmat u Joshua, u khun u Nun, bad ha khmat kita ki rangbah, ki ïa-ong, “U Trai u la hukum ïa u Moses ban ai ïa ngi ka ri kynti hapdeng ki para jong ngi:” namar kata, katba kum ka hukum U Trai u la ai ïa ki ka ri kynti hapdeng ki para u kpa jong ki.

JOSHUA 19:51

Kine ki jingïoh kynti, kiba u Eleasar lyngdoh, bad u Joshua u khun u Nun bad ki rangbah ki kpa ki jaid ki khun Israel, ki la ïasam ban long ri kynti da ka jingkhalai ha Sheiloh ha khmat U Trai, ha ka jingkhang Ka Tabernakl ka jingïaseng. Kumta, ki la dep kaba ïasam ïa ka ri.