JOSHUA 20:4 - KA BAIBL

⁴ Bad haba uta uba phet ïap ha kano kano na kita ki nongbah, un ïeng ha khmat ka khyrdop ka shnong, bad un ïathuh ïa la ka kam ha ki shkor ki tymmen basan jong kata ka shnong; te kin shim ïa u shapoh shnong ha ki, bad kin ai jaka ïa u, ba un ïoh shong hapdeng jong ki.

Khasi CL Bible (BSI)

⁴ U lah ban phet ïap sha kawei na kine ki nongbah, un leit sha ka jaka bishar ha ka khyrdop sha ka nongbah, bad batai ha ki nongïalam ïa kaba la jia. Nangta kin shah ba un rung shapoh ka nongbah bad kin ai jaka sah ïa u, ba kumta u lah ban shong ban sah hangta.

JOSHUA 20:4 ပူးပေါင်းရင်းမြစ်များ

Ka Kitab U Job 29:7

mynba nga ju leit mih sha ka khyrdop sha shnong, mynba nga la khreh la kaba shong ha ka lynti shnong,

Ka Kitab U Job 5:4

Ki khun jong u ki jngai na kaba suk skhem, bad la pynlwet ïa ki ha ka khyrdop, ym don ruh u ban pyllait ïa ki.

SALM 26:9

Wat lum ïa ka mynsiem jong nga bad ki nongpop, lymne ïa ka jingim jong nga bad ki briew kiba bit snam:

PROBERB 31:23

Ïa u tnga jong ka la ithuh ha ki khyrdop, haba u shong hapdeng ki tymmen basan jong ka ri.

JEREMAÏAH 38:7

Te haba u Ebed-melek u nong Ethiopia, u ïunok, uba la don ha ka ïing u syiem, u la ïohsngew ba ki la thep ïa u Jeremaïah ha ka byndi khrum; mynba u syiem u dang shong ha ka khyrdop u Benjamin;

HEBRU 6:18

ba da ki ar tylli kiei kiei ki bymkylla, ha kiba ka long ka bym lah ïa U Blei ban lamler, ngi lah ban ïoh ka jingpynshlur badonbor, kiba la phet ban rieh ïa ka ban ïoh bat ïa kata ka jingkyrmen ba la buh ha khmat jong ngi;

JOSHUA 20:3

ba u nongpynïap briew uba kum pynïap klep ïano ïano ruh u lah ban phet ïap hangta: bad kin long ka jaka rieh jong phi na u nongpynhiar kput ka snam.