JOSHUA 2:6 - KA BAIBL

⁶ Hynrei ka, ka la lah lam ïa ki, shalor ïing, bad ka la buhrieh ïa ki da ki dieng 'saihon, ïa kiba ka la lah thad ter ter halor ïing.

JOSHUA 2:6 ပူးပေါင်းရင်းမြစ်များ

2 SAMUEL 11:2

Ka la jia te ha kawei ka janmiet, ba u Dabid u la khie na la ka jingthiah bad u la ïaid kai hajrong ïing ka ïing u syiem: bad na jrong ïing, u la ïohi ïa ka kynthei ba ka da sum; te kata ka kynthei ka la long kaba bhabriew eh ban khmih ïa ka.

2 SAMUEL 17:19

Bad kata ka briew ka la shim ïa ka jingtap bad ka la siang halor kata ka pukri bad ka la thad ïa u Kew ba la tylliat halor kata; kumta ym shym tip ei ei.

1 SYIEM 18:13

Ym shym la ïathuh ïa u kynrad jong nga ïa kaei ba nga la leh, mynba ka Jesebel ka la pynïap ïa ki nongïathuhlypa U Trai, kumno ba nga la buhrieh shispah ngut na ki nongïathuhlypa U Trai sanphew sanphew ha ka krem, bad nga la bsa ïa ki da u kpu bad da ka um?

1 SYIEM 18:4

naba mynba ka Jesebel ka la pynïap ïa ki nongïathuhlypa U Trai, u Obadaïah u la shim shispah ngut ki nongïathuhlypa, bad u la buhrieh ïa ki sanphew sanphew ha ka krem, bad u la bsa ïa ki da u kpu bad da ka um.)

2 SYIEM 11:2

Hynrei ka Jehosheba, ka khun u syiem Joram, ka para u Ahasaïah, ka la shim ïa u Joash u khun u Ahasaïah, bad ka la rah noh ïa u napdeng ki khun u syiem ïa kiba la pynïap, ma u keiñ bad ka aïa jong u, bad la buh ïa ki ha kamra thiah; bad ki la buhrieh ïa u na ka Athaliah, kumta, ym shym la pynïap ïa u.

EKSODOS 2:2

Bad kata ka kynthei ka la punkhun, bad ka la kha khun shynrang de; te haba ka la ïohi ba u long uba bhabriew, ka la buhrieh ïa u, lai bnai.

JEREMAÏAH 36:26

Bad u syiem u la hukum ïa u Jerahmil u khun jong u syiem, bad ïa u Seraïah u khun u Asriel, bad ïa u Shelemaïah u khun u Abdil, ban leit kem ïa u Baruk u nongthoh bad ïa u Jeremaïah u nongïathuhlypa: hynrei, U Trai u la buhrieh ïa ki.

MATHAÏOS 24:17

Jar uba halor ïing, wat ai un hiar ban shim ei ei ruh na ka ïing jong u.

DEUTERONOMI 22:8

“Haba me tei ka ïing thymmai, to buh ïa ka jingker baroh sawdong ïa ka jingsop jong me, ba men ym pynwan ïa ka snam halor la ka ïing, haba da hap mano mano nangta.

KOLOSSAI 3:3

Namar phi la ïap noh, bad ïa ka jingim jong phi la buhrieh lem bad U Khrist ha U Blei.

HEBRU 11:23

Da ka jingngeit, ïa u Moses haba la kha ïa u, la buhrieh da ki kmie ki kpa jong u lai bnai, naba ki la ïohi ba u long u khunlung babha lymphuin; bad kim shym sheptieng ïa ka hukum u syiem.

JAKOB 2:25

Kumjuh ruh de ym shym la pynksan da ki jingleh ïa ka Rahab ka nuti, mynba ka la pdiang sngewbha ïa kita ki nonglam-ktien, bad ba ka la phah noh ïa ki na kawei pat ka lynti?

JOSHUA 2:5

ka la jia ruh hamar ka por ban khang ïa ka khyrdop, haba ka la dum, ba kita ki briew ki la leit noh: shano kita ki briew ki la leit, ngam tip shuh: beh kloi nadien jong ki; namar phin lap ïa ki.”

JOSHUA 2:7

Te kita ki briew ki la beh nadien jong ki ha lynti ka Jordan haduh ka jaka khriang: te ki tang shu lah mih kita kiba la beh nadien jong ki, la khang ïa ka khyrdop.

JOSHUA 2:8

Bad haba kim pat thiah, ka la wan kiew sha ki, shalor ïing;

JOSHUA 6:25

Bad u Joshua u la ri pynim ïa ka Rahab ka nuti, bad ïa ka ïing u kpa jong ka, bad ïa baroh ba ka la don; bad ka la shong ha Israel haduh kane ka sngi; namar ba ka la buhrieh ïa kita ki nonglam-ktien, ïa kiba u Joshua u la phah ban syntiat ïa ka Jerikho.