JOSHUA 2:4 - KA BAIBL

⁴ Hynrei, kata ka kynthei ka la shim ïa kita ki ar ngut ki briew bad ka la buhrieh ïa ki; ka la ong ruh, “La wan kita ki briew ha nga shisha, hynrei, ngam shym tip kiba na-ei:

Khasi CL Bible (BSI)

^4-6 “Katto katne ngut ki rangbah ki la wan sha ïing jong nga,” ka la jubab; “hynrei ngam tip ki dei kiba nangno. Ki la mihnoh ha ka por sep sngi shuwa ban khang ïa ka khyrdop shnong. Ngam tip shano ki leit, hynrei lada phin leit beh kloi kloi ïa ki, phi lah ban lap ïa ki.” (Mynta ka Rahab ka la ïalam ïa ki ar ngut ki nongsyntiat sha tnum ïing bad pynrieh ïa ki hapoh ki jyntang 'saihon ba ka la buh hangta.)

JOSHUA 2:4 ပူးပေါင်းရင်းမြစ်များ

2 SYIEM 6:19

Te u Elisha u la ong ha ki, “Kane kam dei ka lynti, lymne kam dei kata ka shnong: to bud ïa nga, bad ngan ïalam ïa phi sha uta u briew uba phi ïawad.” Te u la ïalam ïa ki sha Samaria.

EKSODOS 1:19

Kita ki nongbat khun te ki la ong ha u Pharaoh, “Namar ki kynthei Hebru kim long kum ki kynthei Ijipt; naba ki long kiba shait, bad ki kha haba ki nongbat khun kim pat poi ha ki.”

JAKOB 2:25

Kumjuh ruh de ym shym la pynksan da ki jingleh ïa ka Rahab ka nuti, mynba ka la pdiang sngewbha ïa kita ki nonglam-ktien, bad ba ka la phah noh ïa ki na kawei pat ka lynti?

JOSHUA 2:3

Bad u syiem ka Jerikho u la phah ha ka Rahab, u da ong, “To wallam noh ïa kita ki briew ba la wan ha pha, kiba la rung ha ïing jong pha: namar ki la wan ban syntiat ïa ka ri baroh.”

JOSHUA 2:5

ka la jia ruh hamar ka por ban khang ïa ka khyrdop, haba ka la dum, ba kita ki briew ki la leit noh: shano kita ki briew ki la leit, ngam tip shuh: beh kloi nadien jong ki; namar phin lap ïa ki.”

JOSHUA 6:17

Te kata ka shnong kan long kaba la tim ha U Trai, ma ka bad baroh katba don ha ka: tang ka Rahab ka nuti kan im, ma ka bad baroh kiba bad ka ha ïing, namar ka la buhrieh ïa kita ki nonglam-ktien kiba ngi la phah.

JOSHUA 6:25

Bad u Joshua u la ri pynim ïa ka Rahab ka nuti, bad ïa ka ïing u kpa jong ka, bad ïa baroh ba ka la don; bad ka la shong ha Israel haduh kane ka sngi; namar ba ka la buhrieh ïa kita ki nonglam-ktien, ïa kiba u Joshua u la phah ban syntiat ïa ka Jerikho.