JOSHUA 2:3 - KA BAIBL

³ Bad u syiem ka Jerikho u la phah ha ka Rahab, u da ong, “To wallam noh ïa kita ki briew ba la wan ha pha, kiba la rung ha ïing jong pha: namar ki la wan ban syntiat ïa ka ri baroh.”

Khasi CL Bible (BSI)

³ kumta u la phah ktien sha ka Rahab: “Ki rangbah ha ka ïing jong pha ki la wan ban syntiat ïa ka ri baroh kawei! Wallam ïa ki shabar!”

JOSHUA 2:3 ပူးပေါင်းရင်းမြစ်များ

JENESIS 38:24

Bad ka la jia ruh ynda la lai bnai, ba la ïathuh ha u Judah, da kaba ong, “Ka Tamar ka pyrsa kurim jong me ka la kam nuti; bad ha khmih, ka la punkhun ruh da kaba klim.” Ynda kumta, u Judah u la ong, “To pynmih noh ïa ka, bad to ai ba yn thang noh ïa ka.”

JENESIS 42:31

Hynrei, ngi la ong ha u, ‘Ngi long ki briew kiba shisha; ngim long satia ki nongsyntiat;

2 SAMUEL 10:3

Te ki bakhraw batri ki khun u Ammon ki la ïa-ong ha u Hanun u kynrad jong ki, “Me tharai ba u Dabid u pyndonburom ïa u kpa jong me, namar ba u la phah ki nongpyntngen sha me? ym long pynban ïa ka ban jngoh ïa ka shnong, bad ban syntiat ïa ka, bad ban pynjot ïa ka, ba u Dabid u la phah ïa la ki shakri sha me?”

2 SAMUEL 17:20

Bad haba ki shakri u Absalom ki la wan sha kata ka briew ha kata ka ïing, ki la ïakylli, “U Ahimaas bad u Jonathan ki hangno?” Te kata ka briew ka la ïathuh ha ki, “Ki la leit sha shiliang kata ka wah duid.” Kumta, haba ki la wad ïa ki bad ba kim shem, ki la leit phai noh sha Jerusalem.

1 KHRONIKL 19:3

Hynrei, ki rangbah ki khun u Ammon ki la ong ha u Hanun, “Me mut ba u Dabid u burom ïa u kpa jong me, ba u la phah ïa ki nongpyntngen ha me? Hato ki shakri jong u kim shym wan sha me ban jngoh, bad ban pynkyllon, bad ban syntiat ïa ka ri?”

Ka Kitab U Job 21:30

Ba la tyngkai ïa u riewbymman hamar ka sngi ka jingjynjar? Ba yn pynmih noh ïa ki ha ka sngi ka jingbitar?

LEBITIKOS 24:14

“To wallam ïa uta u nongkrenbeiñ blei shabar ka jaka shong dara; bad to ai ba baroh kat kiba la ïohsngew ïa u kin buh ïa la ki kti halor ka khlieh jong u, bad u paidlang baroh un lynthem maw ïa u.

ÏOANNIS 19:4

Bad u Pilat u la mih noh shabar pat, bad u ong ha ki, “Ha khmih nga ïalam shabar ïa U ha phi, ba phin ïoh tip ba ngam shem ka jingpalat satia ha U.”

KI KAM 12:4

Bad haba u la lah kem ïa u, u la set ïa u ha ka ïing byndi, bad u la aiti ïa u ha ki khathynriew ngut ki shipai ban ap phira ïa u, ba u da mut, ynda lah Ka Niam Ka Jinglait ban pynmih ïa u ha u paidbah.

KI KAM 12:6

Te haba u Herod un sa pynmih noh ïa u; ha kata hi ka miet, u Petros u dang ïohthiah hapdeng ar ngut ki shipai, ba la khum da ki ar tylli ki kynjri, bad ki nongap ha khmat ka jingkhang ki la ap phira ïa kata ka ïing byndi.

JOSHUA 10:23

Te ki la leh kumta, bad ki la wallam ïa kita san ngut ki syiem ha u na kata ka krem, u syiem ka Jerusalem, u syiem ka Hebron, u syiem ka Jarmuth, u syiem ka Lakhish, bad u syiem ka Eglon.

JOSHUA 2:2

Te la ïathuh ha u syiem ka Jerikho, da kaba ong, “Ha khmih, la wan ki briew shane ha kane ka miet na ki khun Israel ban syntiat ïa ka ri.”

JOSHUA 2:4

Hynrei, kata ka kynthei ka la shim ïa kita ki ar ngut ki briew bad ka la buhrieh ïa ki; ka la ong ruh, “La wan kita ki briew ha nga shisha, hynrei, ngam shym tip kiba na-ei:

NONGBISHAR 4:20

U te u la ong ha ka, “To ïeng ha jingkhang ka ïingjaiñ, te haba wan mano mano ba kylli ïa pha, da kaba ong, ‘Don uno uno hangne?’ te phan ong, ‘Em.’ ”