JOSHUA 2:24 - KA BAIBL

²⁴ Bad ki la ong ha u Joshua, “Da shisha U Trai u la ai ha ki kti jong ngi ïa kata ka ri baroh; namar ki trai-shnong baroh ruh ha kata ka ri kim don mynsiem shuh ïa ngi.”

Khasi CL Bible (BSI)

²⁴ “Ngi thikna ba U Trai u la ai ha ngi ïa ka ri baroh kawei. Ki briew baroh hangta ki la sngewsheptieng ïa ngi.”

JOSHUA 2:24 ပူးပေါင်းရင်းမြစ်များ

EKSODOS 15:15

Te ki syiem Edom kin kyndit; ki briew bakhraw batri ka Moab, ka jingkhynñiuh kan kem ïa ki: ki Kanaan baroh kin sa um noh.

EKSODOS 23:31

Ïa ki pud jong me te ngan buh, naduh ka Duriaw Basaw haduh ka duriaw ki Philistia, bad naduh ka ri khlaw haduh kata ka wah: namar ngan aiti ïa ki trai-shnong jong kata ka ri ha ka kti jong phi; te men beh noh ïa ki na khmat jong phi.

PROBERB 25:13

Kum ka jingkhriat ka ïor ha ka aïom ot, kumta long u nonglam-ktien uba lah ban shaniah ha kiba phah ïa u; naba u pyntngen ïa ka mynsiem ki kynrad jong u.

JOSHUA 1:8

Wat ai ba kane Ka Kitab Ka Hukum kan jah noh na ka shyntur jong me, hynrei, men ïaipyrkhat ïa ka, synñia sngi, khnang ba men ïoh sumar ban leh katba kum ïa baroh ba la thoh ha ka: naba kumta, men roi ha la ka lynti, bad kumta, men man bha.

JOSHUA 2:23

Kumta, kita ar ngut ki briew ki la leit wan noh, bad ki la hiar na uta u lum, bad ki la leit sha shiliang ruh, bad ki la wan ha u Joshua u khun u Nun; bad ki la ïathuh ruh ha u ïa kiei kiei baroh ba la jia ha ki.

JOSHUA 5:1

Te haba baroh ki syiem ki Amor, kiba sha shiliang ka Jordan shaphang sepngi, bad baroh ki syiem ki Kanaan, kiba hajan ka duriaw, ki la ïohsngew ba U Trai u la pynrngad ïa ki um ka Jordan ha shuwa ki khun Israel, ha ban da ki la ïaleit sha shiliang, kumta ki dohnud jong ki, ki la um noh, ba ym don mynsiem shuh ha ki, namar ki khun Israel.

JOSHUA 6:2

Bad U Trai u la ong ha u Joshua, “Ha khmih, nga la ai ha ka kti jong me ïa ka Jerikho, bad ïa u syiem jong ka, bad ki rangbah bakhrawbor.

JOSHUA 8:1

Bad U Trai u la ong ha u Joshua, “Wat sheptieng, lymne wat kyiuh: to shim ïa ki paidïapom baroh bad me, to ïeng ruh, khie leit kiew sha Ai: ha khmih, nga la ai ïa u syiem Ai ha ka kti jong me, bad u paid jong u, ka shnong jong u ruh, bad ka ri jong u ruh de:

NONGBISHAR 1:2

Te U Trai u la ong, “U Judah un leit kiew: ha khmih, nga la ai noh ïa kata ka ri ha ka kti jong u.”

NONGBISHAR 18:10

Ynda phi leit, phin poi sha ki briew ba khlem sumar, bad kata ka ri ruh kaba khraw: naba U Blei u la ai ïa ka ha ka kti jong phi; ka jaka ka bym kyrduh ei ei katba don ha ka khyndew.”

NONGBISHAR 7:9

Te ha kata ka miet, U Trai u la ong ha u, “To ïeng joit, to leit hiar sha uta u paidbah; naba nga la ai noh ïa u ha ka kti jong me.