JOSHUA 2:19 - KA BAIBL

¹⁹ Kan long ruh, ba jar uba mih na ki jingkhang ka ïing jong pha sha lynti shnong, ka snam jong u kan long halor ka khlieh jong u hi, bad ngi ngin long khlem jingrem: bad jar ba don lem bad pha ha ïing, ka snam jong u kan long halor ka khlieh jong ngi, lada yn buh ka kti ha u.

Khasi CL Bible (BSI)

¹⁹ Lada uno uno u mih shabar jong kane ka ïing, ka jingïap jong u kan dei ka jingbakla jong u hi, bad ngin ym kitkhlieh ei ei; hynrei lada la pynmynsaw ïa uno uno uba hapoh ka ïing, te ngi ngin kitkhlieh.

JOSHUA 2:19 ပူးပေါင်းရင်းမြစ်များ

2 SAMUEL 1:16

U Dabid te u la ong ha u, “To ka snam jong me kan long halor ka khlieh jong me; naba ka shyntur jong me hi ka la phla sakhi pyrshah ïa me, ka la ong, ‘Nga la pynïap ïa uba la sleh jong U Trai.’ ”

2 SAMUEL 4:11

Katno tam te, haba ki briew bymman ki la pynïap ïa u briew u bahok ha la ïing halor ka jingthiah jong u, ngan ym dawa ïa ka snam jong u na ki kti jong phi, bad pynduh noh ïa phi na ka khyndew?”

1 SYIEM 2:32

Te U Trai un pynphai ïa ka snam jong u halor ka khlieh jong u hi, namar u la ktah kti ïa ki ar ngut ki rangbah kiba kham hok bad kham bha ban ïa u, bad u la pynïap ïa ki da ka waitlam, te u Dabid u kpa jong nga um shym da tip ïa kata, kita, u Abner u khun u Ner, u kaptan ki paidïapom ki Israel, bad u Amasa u khun u Jether, u kaptan ki paidïapom ki Judah.

EKSODOS 12:13

Kata ka snam te kan sa long ka dak ïa phi ha ki ïing ha kiba phi don: bad haba nga ïohi ïa kata ka snam, ngan ïaid palat ïa phi, bad kata ka jingpynïap kan ym long ïa ka ban pynjot ïa phi, haba nga shoh ïap ïa ka ri Ijipt.

EKSODOS 12:22

Bad to shim ruh shi song u Hyssop, bad haba phi la wieh ïa u ha ka snam kaba ha ka pliang, to kyllan ïa ka khlieh jingkhang bad ïa baroh ar liang ki shawkad da kata ka snam kaba ha kata ka pliang; te mano mano ruh na phi wat mih shabar ka jingkhang la ka jong ka ïing haduh mynstep.

EKSODOS 12:23

Naba U Trai un sa ïaid lyngba ïa ka ban shoh ïap ïa ki Ijipt; te haba u ïohi ïa kata ka snam ha khlieh jingkhang, bad ha baroh ar liang ki shawkad, U Trai un ïaid palat ïa kata ka jingkhang, bad un ym shah ïa uta u nongpynjot ban wan hapoh ki ïing jong phi ïa ka ban pynjot.

LEBITIKOS 20:11

U briew uba thiah bad ka tnga u kpa jong u, u la pynpaw ïa ka jinglyngkhuit u kpa jong u: yn pynïap shisha ïa ki baroh ar ngut; ka snam jong ki kan long halor jong ki hi.

LEBITIKOS 20:9

Bad jar uba tim ïa la u kpa lane ïa la ka kmie yn pynïap shisha ïa u: u la tim ïa la u kpa lane ïa la ka kmie; ka snam jong u kan long halor jong u hi.

MATHAÏOS 24:17

Jar uba halor ïing, wat ai un hiar ban shim ei ei ruh na ka ïing jong u.

KI KAM 18:6

Te haba ki la ïeng ïaleh pyrshah bad krenbeiñ, u la kynther noh ïa la ki jaiñ, bad u la ong ha ki, “Ka snam jong phi kan long halor ka khlieh jong phi hi! nga khuid: naduh mynta ngan leit sha ki Jentil.”

KI KAM 20:26

Naba kumta, nga phla ha phi ha kane ka sngi, ba nga khuid na ka snam ki briew baroh.

KI KAM 27:31

u Paul u la ong ha uta u rangbah shispah, bad ha kita ki shipai, “Lymda kine ki sah ha ka lieng, phi phim lah ban ïohlait im.”

PHILIPPI 3:9

bad ba yn shem ïa nga ha u, u bymdon ka hok ka jong nga hi, kata keiñ kaba na ka hukum, hynrei, kata kaba da ka jingngeit ha U Khrist, ka hok kaba na U Blei da ka jingngeit:

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

JOSHUA 2:12

Te namar kata, nga duwai ha phi, to smai ha nga da U Trai, namar ba nga la leh isynei ïa phi, ba phi ruh phin leh isynei ïa ka ïing u kpa jong nga, bad ba phin ai ka dak kaba shisha ha nga:

JOSHUA 2:14

Te kita ki briew ki la ïathuh ha ka, “Ka jingim jong ngi namar ka jong phi, lada phin ym pynpaw ïa kane ka kam jong ngi; kan long ruh, haba U Trai un ai ïa kane ka ri ha ngi, ba ngin leh isynei bad kaba shisha ïa phi.”

JOSHUA 2:20

Te lada phan pynpaw ïa kane ka kam jong ngi, ynda kumta, ngi la lait na ka jingsmai jong pha ïa kaba pha la pynsmai ïa ngi.”