JOSHUA 2:12 - KA BAIBL

¹² Te namar kata, nga duwai ha phi, to smai ha nga da U Trai, namar ba nga la leh isynei ïa phi, ba phi ruh phin leh isynei ïa ka ïing u kpa jong nga, bad ba phin ai ka dak kaba shisha ha nga:

Khasi CL Bible (BSI)

¹² Mynta to smai da u ba phin lehbha ïa ka longïing jong nga kumba nga la leh ïa phi, bad ai ha nga katto katne ka dak ba nga lah ban shaniah ïa phi.

JOSHUA 2:12 ပူးပေါင်းရင်းမြစ်များ

JENESIS 21:23

te mynta, namar kata, to smai noh ha nga hangne ha ka kyrteng U Blei ba men ym leh shukor ïa nga, lymne ïa u khun jong nga, lymne ïa u ksiew jong nga: hynrei, kat kum kata ka jinglehsbun ïa kaba nga la leh ïa me, ba me men leh kylliang pat ïa nga, bad ïa ka ri ha kaba me la shong nongwei.”

JENESIS 24:3

bad ngan pynsmai ïa me da U Trai uba U Blei jong ka bneng, bad U Blei jong ka khyndew, ba men ym shim ka tnga ïa u khun jong nga na ki khun kynthei jong ki kynja Kanaan, kiba nga shong sah hapdeng jong ki:

JENESIS 24:9

Te uta u shakri u la buh ïa la ka kti hapoh ka ksang lbong u Abraham u kynrad jong u, bad u la smai ha u shaphang kane ka kam.

JENESIS 40:14

Hynrei, to kynmaw me ïa nga ynda ka la bha bad me, bad to leh sbun ïa nga, nga kyrpad ïa me, bad to pynkynmaw ïa nga ha u Pharaoh, bad to ïalam noh ïa nga na kane ka ïing:

2 KHRONIKL 36:13

U la ïaleh pyrshah ruh ïa u syiem Nebukhadnessar, uba la lah pynsmai ïa u da U Blei: hynrei, u la pyneh ïa la ka ryndang, bad u la pynkhlaiñ ïa la ka dohnud ïa ka ban ym phai sha U Trai U Blei ki Israel.

ESTHER 8:6

namar kumno nga lah ban shah ban ïohi ïa kata ka jingsniew ka ban jia ha ki briew jong nga? Lane kumno nga lah ban shah ban ïohi ïa ka jingpynjot ïa ki kha ki man jong nga?”

EKSODOS 12:13

Kata ka snam te kan sa long ka dak ïa phi ha ki ïing ha kiba phi don: bad haba nga ïohi ïa kata ka snam, ngan ïaid palat ïa phi, bad kata ka jingpynïap kan ym long ïa ka ban pynjot ïa phi, haba nga shoh ïap ïa ka ri Ijipt.

JEREMAÏAH 12:16

Te lada kin hikai minot ïa ki lynti ki briew jong nga, ïa ka ban smai ha ka kyrteng jong nga, ‘Katba u im U Trai;’ kumjuh kumba ki la hikai ïa ki briew jong nga ban smai da u Baal; kumta yn sa tei ïa ki hapdeng ki briew jong nga.

MARKOS 14:44

Te uta uba la die noh ïa U, u la lah ai ka dak ïakut bad ki, u da ong, “Ïa uba ngan doh, U dei uta; to phin kem ïa U, bad ïalam noh skhem.”

Ka Shithi U Paul Sha Ki Nong Rom 1:31

kiba khlem sngewthuh, ki nongpynkheiñ jutang, kiba khlem jingieit ïa la ki jong, kiba khlem jingisynei;

1 TIMOTHI 5:8

Hynrei, lada uno uno ruh um sumar sukher ïa la ki jong hi, bad kham tam ïa kiba dei ha la ïing, u la len ïa ka jingngeit, bad u long kham sniew ban ïa u bymngeit.

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.

JOSHUA 2:13

bad ba phin pynim ïa u kpa jong nga bad ïa ka kmie jong nga, bad ïa ki para jong nga kynthei bad shynrang, bad ïa baroh ba ki don, bad ba phin pyllait ïa ki mynsiem jong ngi na ka jingïap.”

JOSHUA 2:18

Ha khmih, ynda ngin wan sha kane ka ri, phan teh ïa une u 'sai saw na kata ka jingkhang ïit na kaba pha la pynhiar ïa ngi: ïalum ruh ïa la u kpa bad ïa la ka kmie, bad ïa la ki para, bad ïa baroh ba dei ïa u kpa jong pha, ha pha ha kane ka ïing.

JOSHUA 2:19

Kan long ruh, ba jar uba mih na ki jingkhang ka ïing jong pha sha lynti shnong, ka snam jong u kan long halor ka khlieh jong u hi, bad ngi ngin long khlem jingrem: bad jar ba don lem bad pha ha ïing, ka snam jong u kan long halor ka khlieh jong ngi, lada yn buh ka kti ha u.

JOSHUA 6:22

Hynrei, u Joshua u la ong ha kita ki ar ngut ki briew kiba la leit ban syntiat ïa kata ka ri, “Khie leit ha ka ïing kata ka nuti, bad wallam noh nangta ïa kata ka briew, bad ïa baroh ba ka don, kumba phi la smai ha ka.”

JOSHUA 9:15

Bad u Joshua u la pynlong ka jingïasuk bad ki, bad u la ïateh jutang bad ki, ban ri im ïa ki: ki rangbah jong u paidbah ruh ki la smai ha ki.

NONGBISHAR 1:24

Te kita ki nongsyntiat ki la ïohi ïa u briew ba u mih noh na kata ka shnong, bad ki la ong ha u, “Pyni ïa ngi, ngi kyrpad ïa me, ïa ka lynti ban rung sha shnong, bad ngi ruh ngin leh sbun ïa me.”

1 SAMUEL 30:15

Te u Dabid u la kylli ïa u, “Me lah ban ïalam arsut ïa nga sha une u paid?” U ruh u la ïathuh, “To smai ha nga ha U Blei, ba men ym pynïap ïa nga, lymne aiti noh ïa nga ha ka kti uta u kynrad jong nga, bad nga ruh ngan ïalam arsut ïa me sha une u paid.”