JOSHUA 2:11 - KA BAIBL

¹¹ Te katba ngi la ïohsngew ïa kata, ki dohnud jong ngi ki la um, lymne ha uno uno ruh ym sah mynsiem shuh ïa phi: naba U Trai U Blei jong phi u long U Blei ha bneng sha jrong, bad ha ka khyndew shapoh.

Khasi CL Bible (BSI)

¹¹ Ngi tang shu ïohsngew shaphang kata, ngi la sheptieng; ngi la duh ïa ka jingshlur jong ngi baroh namar jong phi. U Trai U Blei jong phi u long U Blei ha bneng shajrong bad hangne ha ka pyrthei.

JOSHUA 2:11 ပူးပေါင်းရင်းမြစ်များ

1 SYIEM 8:60

ba ki kynja bynriew ka pyrthei baroh kin ïoh tip ba U Trai keiñ, uba long U Blei: ym don shuh uwei pat.

2 SYIEM 5:15

Te u la leit phai sha u briew jong U Blei, ma u bad kiba bad u baroh, ki la wan, bad ki la ïeng ha khmat jong u: bad u la ong, “Ha khmih, mynta nga tip ba ym don U Blei ha ka pyrthei baroh, hynrei, tang ha Israel: nga kyrpad ïa me te namar kata, to shim ka jingai sngewbha na u shakri jong me.”

NEHEMAÏAH 6:16

Bad haba ki nongshun jong ngi baroh, ki la ïohsngew ïa kata, ki Jentil baroh kiba sawdong ïa ngi, ki la tieng, bad ki la sngewjew liaw eh ha lade: namar ki la sngewthuh ba la leh ïa kane ka kam da U Blei jong ngi.

ESTHER 8:17

Bad ha ka shnat baroh, bad ha ka nongbah baroh, kat shaba ka hukum u syiem bad ka jingrai jong u ki la poi, ki Jiw ki la ïoh ka jingsngewbha bad ka jingkmen, ka jingkhawai bad ka sngi babha. Bad bun napdeng kita ki kynja bynriew ki la kylla Jiw; namar ka jingsheptieng ïa ki Jiw ka la ngat ha ki.

SALM 102:15

Kumta ki jaid bynriew kin sheptieng ïa ka kyrteng U Trai, bad baroh ki syiem ka pyrthei ïa ka burom jong me:

SALM 22:14

La theh noh ïa nga kum ka um, ki shyieng jong nga baroh ki la lait paiñ: ka dohnud jong nga ka la long kum ka bthing; ka la um noh hapdeng ki snier jong nga.

SALM 58:7

To ai ba kin um noh kum ka um kaba ïaid stet: haba u thew ïa la ki khnam, to ai ba kin long kumba la ot noh ïa ki.

SALM 83:18

khnang ba kin ïoh tip ba tang ma me hi, uba ka kyrteng jong me long U Jehobah, uba U Bahakhlieh Tam Eh halor ka khyndew baroh.

EKSODOS 15:14

Ki briew kin ïohsngew, bad kin ïasheptieng, ki jingkhuslai kin ngat ha ki nongshong ka ri Philistia.

EKSODOS 15:15

Te ki syiem Edom kin kyndit; ki briew bakhraw batri ka Moab, ka jingkhynñiuh kan kem ïa ki: ki Kanaan baroh kin sa um noh.

ISAÏAH 13:7

Namar kata, ki kti baroh kin tlot noh, ka dohnud u briew baroh ruh kan um noh;

ISAÏAH 19:1

Ka jingkit ka Ijipt. Ha khmih U Trai u shong halor u lyoh bastet, bad u wan sha Ijipt: te ïa ki bleithaw ka Ijipt yn sa pynkhynñiuh ha khmat jong u, bad ka dohnud ka Ijipt kan um hapdeng jong ka.

ESEKIEL 21:15

Nga la buh ïa ka khmut jong ka waitlam pyrshah ki khyrdop jong ki baroh, ba ka dohnud jong ki kan um noh, bad ban pynman bun ïa ki jingkyllon jong ki: A! la pynlong ïa ka kum ka leilieh, la pynnep ïa ka khnang ïa ka jingpynïap.

NAHUM 2:10

Ka long kaba suda, bad kaba la pynsuda, bad kaba la pynjot noh: bad ka dohnud ka um noh, ki khohsiew ki ïashoh lang, bad ka jingshitom ka ha ki syngkai baroh, bad ki khmat jong ki baroh ki thangïong.

DEUTERONOMI 1:28

Ngin ïaleit kiew shano? ki para jong ngi ki la ïa-pyntieng ïa ngi, da kaba ong, “Kita ki briew ki kham heh, bad ki kham jrong rynïeng ban ïa ngi; ki nongbah ruh kiba khraw bad ba la tei kynroh haduh ka bneng; nalor kane ruh, ngi la ïohi ïa ki khun shynrang ki Anak hangta.” ’

DEUTERONOMI 20:8

Kita ki rangbah ruh kin nang kren shuh ha uta u paidbah, bad kin ong, ‘Don mano uba pud pud bad uba sngewsyier dohnud? to un leit phai pat sha la ïing, ba ïoh ka dohnud ki para jong u kan jem noh kum ka dohnud jong u hi.’

DEUTERONOMI 4:39

Namar kata, to tip ha kane ka sngi, bad to da pyrkhat ruh ha la ka dohnud, ba U Trai, ma u hi u long U Blei ha ki bneng sha jrong bad ha ka pyrthei shapoh: uwei pat, um don shuh keiñ.

JOSHUA 14:8

Pynban, ki paralok jong nga kiba la leit ryngkat bad nga, ki la pynum ïa ka dohnud u paidbah: hynrei, nga la bud naduh haduh ïa U Trai U Blei jong nga.

JOSHUA 2:24

Bad ki la ong ha u Joshua, “Da shisha U Trai u la ai ha ki kti jong ngi ïa kata ka ri baroh; namar ki trai-shnong baroh ruh ha kata ka ri kim don mynsiem shuh ïa ngi.”

JOSHUA 5:1

Te haba baroh ki syiem ki Amor, kiba sha shiliang ka Jordan shaphang sepngi, bad baroh ki syiem ki Kanaan, kiba hajan ka duriaw, ki la ïohsngew ba U Trai u la pynrngad ïa ki um ka Jordan ha shuwa ki khun Israel, ha ban da ki la ïaleit sha shiliang, kumta ki dohnud jong ki, ki la um noh, ba ym don mynsiem shuh ha ki, namar ki khun Israel.

JOSHUA 7:5

Te kita ki briew jong ka Ai ki la pynïap na ki kumba laiphew hynriew ngut ki briew; bad ki la beh ïa ki na khmat ka khyrdop haduh Shebarim, bad ki la pynïap ïa ki ha ka riat: te ki dohnud uta u paidbah ki la um, bad ki la long kum ka um.

JOSHUA 9:24

Te ki la ïathuh ha u Joshua, bad ki la ong, “Namar ba la ïathuh shisha ha ki shakri jong me, kumno ba U Trai U Blei jong me u la hukum ïa u Moses u shakri jong u ban ai ha phi ïa ka ri baroh, bad ban pynduh baroh ïa ki trai-shnong jong kata ka ri na khmat jong phi; namar kata, ngi la sheptieng shibun ïa la ka jingim namar jong phi, bad ngi la leh ïa kane.

JINGPYNPAW 6:16

bad ki ïa-ong ha kita ki lum bah bad ha kita ki mawsiang, “To hap ha ngi, bad to buhrieh noh ïa ngi na ka khmat uta u bashong halor kata ka khet, bad na ka jingbitar jong uta U Khun langbrot;