JOSHUA 2:1 - KA BAIBL

¹ Te u Joshua u khun u Nun u la phah ar ngut ki briew jar jar na Shittim ban syntiat, u da ong, “Khie leit jngoh ïa ka ri, bad ïa ka Jerikho.” Te ki la leit, bad ki la poi ruh ha ka ïing kawei ka nuti kaba kyrteng “ka Rahab,” bad ki la shong basa hangta.

Khasi CL Bible (BSI)

¹ Nangta u Joshua u la phah ar ngut ki nongsyntiat na ka jaka shong dara ha Akasia lem bad ka hukum ba kin leit bad swar jar jar ïa ka ri Kanaan, khamtam eh ïa ka nongbah Jerikho. Haba ki la poi ha ka nongbah, ki la leit ban sahmiet ha ka ïing jong ka nuti kaba kyrteng ka Rahab.

JOSHUA 2:1 ပူးပေါင်းရင်းမြစ်များ

JENESIS 42:16

To phah noh ïa uwei na phi ban leit shaw ïa u para jong phi, bad ïa phi yn sa khum, khnang ba yn pynshisha ïa ka ktien jong phi la ka don ne em ka jingshisha ha phi: lada ym don, katba u im u Pharaoh phi long ki nongsyntiat shisha.”

JENESIS 42:9

Bad u Joseph u la kynmaw ïa la ki jingphohsniew ba u la lah phohsniew shaphang jong ki, bad u la ong ha ki, “Phi long kiba ïawan syntiat; ïa ka ban khmih na-ei ka lait jingda ka ri phi la wan.”

MIKAH 6:5

A phi ki briew jong nga, to kynmaw te ïa kaba u Balak u syiem ka Moab u la thmu, bad kumno u Balaam u khun u Beor u la phai ktien ha u; to kynmaw naduh Shittim haduh Gilgal, ba phin tip ïa ki jinglehhok jong U Trai.”

JINGKHEIÑ 13:1

Bad U Trai u la kren ha u Moses, u da ong,

JINGKHEIÑ 13:2

“To men phah ki briew, ba kin ïakhmih syntiat ïa ka ri Kanaan, ïa kaba ngan sa ai ha ki khun Israel: ïa uwei u briew na kawei kawei ka jaid ki kpa jong ki men phah; ïa uwei uwei ruh uba rangbah hapdeng jong ki.”

JINGKHEIÑ 25:1

Bad ki Israel ki la ïashong sah ha Shittim, bad ki briew ki la sdang ban klim bad ki khun kynthei ki Moab:

JINGKHEIÑ 33:49

Te ki la ïashong dara harud ka Jordan, naduh Beth-jeshimoth jin haduh Abel-shittim ha ki pyntha ka ri Moab.

MATHAÏOS 1:5

bad u Salmon u la pynkha ïa u Boas na ka Rahab; bad u Boas u la pynkha ïa u Obed na ka Ruth; bad u Obed u la pynkha ïa u Jesse;

MATHAÏOS 10:16

“Ha khmih, nga phah noh ïa phi kum ki langbrot hapdeng ki suri; namar kata, phin ïalong ki basian kum ki bseiñ, bad ki bajemnud kum ki paro.

EPHESOS 5:5

Namar phi tip skhem ïa kane, ba uwei pa uwei uba klim, bad uba leh jakhlia, bad uba ikwah lalot, uba long uba mane bleithaw, um don ka bynta ha ka hima U Khrist bad U Blei.

HEBRU 11:31

Da ka jingngeit, ym shym la pynjot noh ïa ka Rahab ka nuti lem bad kita ki bymkohnguh, haba ka la pdiang ïa kita ki nongsyntiat da ka jingsuk.

JAKOB 2:25

Kumjuh ruh de ym shym la pynksan da ki jingleh ïa ka Rahab ka nuti, mynba ka la pdiang sngewbha ïa kita ki nonglam-ktien, bad ba ka la phah noh ïa ki na kawei pat ka lynti?

JOSHUA 1:18

Jar uba ïaleh pyrshah ïa ka hukum jong me, bad u ban ym sngap ïa ki ktien jong me ha baroh ba me hukum ïa u, yn pynïap ïa uta: tang ba men long khlaiñ bad shlur bha.”

JOSHUA 2:2

Te la ïathuh ha u syiem ka Jerikho, da kaba ong, “Ha khmih, la wan ki briew shane ha kane ka miet na ki khun Israel ban syntiat ïa ka ri.”

JOSHUA 21:31

ka Helkath bad la ki rudnong, bad ka Rehob bad la ki rudnong; saw tylli ki nongbah.

JOSHUA 3:1

Te u Joshua u la khie dang step, bad ki la ïamih na Shittim, bad ki la ïapoi sha Jordan, ma u bad ki khun Israel baroh; bad ki la shong shuwa hangta, ki sa ryngkang sha shiliang.

JOSHUA 5:10

Bad ki khun Israel ki la shong dara ha Gilgal; bad ki la rakhe ïa Ka Jingkhawai Ka Jinglait ha ka bakhatsaw sngi jong uta u bnai mynmiet ha ki madan Jerikho.

NONGBISHAR 1:23

Bad ka ïing u Joseph ka la phah syntiat ïa ka Bethel. (Te ka kyrteng kata ka shnong mynshuwa ka la long “ka Lus”).

NONGBISHAR 18:14

Te ki la ong kita ki san ngut ki rangbah kiba la leit ban syntiat ïa ka ri Laish, bad ki la ong de ha la ki para, “Phi tip ne em ba ha kine ki ïing don ka ephod, bad ki teraph, bad ka bleithaw ba la mutdur, bad ka durblei ba la saiñ? mynta te to pyrkhat kumno phi dei ban leh.”

NONGBISHAR 18:17

Te kita ki san ngut ki rangbah kiba la leit syntiat ïa kata ka ri ki la leit kiew, bad ki la rung shapoh shata, bad ki la shim ïa kata ka bleithaw ba la mutdur, bad ïa ka ephod, bad ïa ki teraph, bad ïa ka bleithaw ba la saiñ: uta u lyngdoh te u la ïeng hajan ka jingkhang ka khyrdop bad kita ki hynriewspah ki rangbah ba la kieng atiar ïapom,

NONGBISHAR 18:2

Te ki khun u Dan ki la phah na ki kur jong ki, san ngut ki rangbah napdeng jong ki baroh, ki briew ki bashlur, na Sorah, bad na Eshtaol, ban syntiat ïa ka ri, bad ban jngoh ïa ka; ki la ong te ha ki, “Khie leit jngoh ïa kata ka ri:” bad ki la wan poi sha ri lum Ephraim, sha ka ïing u Mikah, bad ki la thiah basa hangta.