JOSHUA 18:8 - KA BAIBL

⁸ Bad kita ki briew ki la ïaïeng, bad ki la ïaleit: bad u Joshua u la hukum ïa kita kiba leit jurib ïa ka ri, u da ong, “Khie leit ïaid ïa ka ri baroh, bad jurib ïa ka, bad wan pat sha nga, bad ngan pynkhalai na ka bynta jong phi hangne ha khmat U Trai ha Sheiloh.”

Khasi CL Bible (BSI)

⁸ Ki rangbah ki la leit ban jurip ïa ka ri hadien ba u Joshua u la ai ha ki ïa kine ki jingbthah: “Khie ïaid ïa ka ri baroh kawei bad jurip ïa ka, bad wan phai pat sha nga. Nangta, hangne ha Shiloh ngan ïakren bad U Trai na ka bynta jong phi da kaba kynting sbai.”

JOSHUA 18:8 ပူးပေါင်းရင်းမြစ်များ

JENESIS 13:17

To khie noh, to ïaid lyngba ïa kata ka ri, ïa ka lynter jong ka, bad ïa ka pyngkiang jong ka; naba ha me keiñ ngan sa ai ïa ka.”

ISAÏAH 34:17

Bad u la pynnoh ïa ka jingkhalai na ka bynta jong ki, bad ka kti jong u ka la pynïabynta ïa ka ha ki da u ksai thew: kin ïoh ïa ka, junom, pateng la pateng bynriew kin shong ha ka.

Ka Shithi U Paul Sha Ki Nong Rom 14:19

Naba kumta te, ïa, ngin ïabeh brai ïa kita kiei kiei ruh ki jong kata ka jingïasuk, bad ïa kita kiei kiei ruh da kiba ngin ïatei paralok hi.

JOSHUA 13:7

Namar kata te, to ïasam ïa kane ka ri ban long ka ri kynti ha ki khyndai jaid, bad ha shiteng ka jaid u Manasseh.”

JOSHUA 15:1

Te ka bynta ka jaid ki khun u Judah katba kum ki ïing jong ki ka la long haduh ka pud ka Edom, jin haduh ka ri khlaw Sin shaphang shathie, ha ka bakut shaphang shathie.

JOSHUA 18:1

Bad u paidbah ki khun Israel baroh ki la ïalum lang ha Sheiloh, bad ki la pynïeng ïa Ka Tabernakl ka jingïaseng hangta: bad la lah jop ïa ka ri ha shuwa jong ki.

JOSHUA 18:10

Bad u Joshua u la pynkhalai na ka bynta jong ki ha Sheiloh ha khmat U Trai: bad u la ïasam ïa ka ri ha ki khun Israel katba kum ki bynta jong ki.

JOSHUA 18:6

Bad phin jurib ïa kata ka ri hynñiew bynta, bad phin wallam shane ha nga: bad ngan pynkhalai na ka bynta jong phi hangne ha khmat U Trai uba U Blei jong ngi.

JOSHUA 18:9

Te kita ki briew ki la leit bad ki la ïaid ïa kata ka ri, bad ki la jurib ïa ka katba kum ki shnong, hynñiew bynta ha ka kot, bad ki la wan pat ha u Joshua ha ka dara ha Sheiloh.

1 SAMUEL 14:41

Namar kata, u Saul u la ong ha U Trai, U Blei ki Israel, “To pyni ïa ka hok.” Te la bat ïa u Saul bad u Jonathan: hynrei, kita ki briew ki la lait.