JOSHUA 18:28 - KA BAIBL

²⁸ bad ka Selah, ka Eleph, bad ka Jebus (kata ka long “ka Jerusalem”), ka Gibeah, bad ka Kiriath; khatsaw ki nongbah bad ki nongrit jong ki de. Kane ka long ka ri kynti ki khun u Benjamin kat kum ki ïing jong ki.

Khasi CL Bible (BSI)

²⁸ ka Sela, ka Haeleph, ka Jebus (lane ka Jerusalem), ka Gibeah, bad ka Kiriath Jearim: khatsaw tylli ki nongbah, lem bad ki nongrit sawdong jong ki. Kane ka long ka ri kaba ki longïing na ka jait Benjamin ki la ïohpdiang kum ka jingïohkynti jong ki.

JOSHUA 18:28 ပူးပေါင်းရင်းမြစ်များ

2 SAMUEL 21:14

Bad ki la tep ïa kita ki shyieng jong u Saul bad ki jong u Jonathan u khun jong u ha ka ri Benjamin ha Sela ha u maw jingtep u Kish u kpa jong u: bad ki la pyndep ïa kiei kiei baroh ba u la hukum u syiem. Hadien kata te, U Blei u la sngewbha ïa ka ri.

2 SAMUEL 23:29

u Heleb u khun u Baanah u nong Netophath, u Ittai u khun u Ribai na Gibeah jong ki khun u Benjamin;

2 SAMUEL 5:6

Te u syiem bad u paid jong u ki la leit sha Jerusalem ban ïaleh ïa ki Jebus, kiba ki trai-shnong jong kata ka ri: kiba la kren ha u Dabid, ki ïa-ong, “Men ym ïoh wan shane, lymda men shim noh ïa ki bamatlah bad ïa ki ba-dkoh:” ki da mut, “U Dabid um lah rung shane.”

2 SAMUEL 5:8

Ha kata ka sngi, u Dabid u la ong, “Jar u ban pom ïa ki Jebus, to un leit kiew na kane ka nur um, bad un pom ïa kita ki ba-dkoh bad ïa ki bamatlah, kiba ka mynsiem u Dabid ka isih.” Namar kata, ki ïa-ong, “Ki bamatlah bad ki ba-dkoh ki hangta; um lah rung ruh shapoh ïing.”

1 KHRONIKL 8:28

Kine ki la long ki rangbah ki ïing ki kpa ha ki jingkha pateng jong ki baroh, ki briew kiba kham rangbah; kine ki la shong ha Jerusalem.

ISAÏAH 10:29

ki la leit shiliang ka phud wah; ki la ïashong basa ha Geba: ka Ramah ka khynñiuh; ka Gibeah u Saul ka la phet ïap.

JEREMAÏAH 6:1

To phet ïap ban lait im, phi ki khun Benjamin, napdeng ka Jerusalem, bad to put ka turoi ha Tekoa, bad sieh ka lama ha Beth-hakherem: naba ka basniew ka mihpaw na shatei, bad ka jingpynjot ka bakhraw.

HOSIA 10:9

“Ko Israel, me la leh pop naduh ki sngi Gibeah: hangta ki la ïeng; ba ka thma ba ïaleh ïa ki khun ka jingbymhok kan ym lap ïa ki ha Gibeah.

JINGKHEIÑ 26:38

Ki khun shynrang u Benjamin katba kum ki ïing jong ki: na u Bela, ka ïing ki Bela; na u Ashbel, ka ïing ki Ashbel; na u Ahiram, ka ïing ki Ahiram;

JINGKHEIÑ 26:54

Ha kiba bun, men ai ïa ka bynta pateng kaba kham khraw, bad ha kiba khyndiat, men kham pynduna ïa ka bynta pateng: ha uwei uwei baroh, yn ai ïa ka bynta pateng katba shong kita ïa kiba la kheiñ jong u.

JINGKHEIÑ 33:54

Bad phin ïasam ïa kata ka ri ïa ka ban long ka bynta pateng hapdeng ki kur jong phi da ka jingkhalai; te ha kiba kham bun, phin ai ka bynta pateng da kaba kham khraw, bad ha kiba kham khyndiat, phin ai ka bynta pateng da kaba kham rit: ka bynta pateng jong uwei uwei baroh kan long ha kata ka jaka ha kaba kan hap ka jingkhalai jong u; phin ïoh bynta pateng katba kum ki jaid ki kpa jong phi.

JOSHUA 15:63

Hynrei, ki khun u Judah kim shym lah ban beh ïa ki Jebus, kiba shong ha Jerusalem: hynrei, ki Jebus ki shong ryngkat bad ki khun u Judah ha Jerusalem, haduh kane ka sngi.

JOSHUA 15:8

bad ka pud ka la kiew artet ïa ka them u khun u Hinnom ha ka liang kaba shaphang shathie ki Jebus (kata ka long “ka Jerusalem”): bad ka pud ka la leit kiew sha kliar uta u lum uba ha khmat ka them Hinnom shaphang sepngi, kaba don ha ka bakut ka them Rephaim shaphang shatei:

JOSHUA 18:16

bad ka pud ka la hiar sha ka bakut uta u lum uba ha pyrshah ka them u khun u Hinnom, kaba ha ka them ki Rephaim shaphang shatei; bad ka la hiar sha ka them u Hinnom, markhap ki Jebus shaphang shathie, bad ka la hiar sha En-rogel;

JOSHUA 18:27

bad ka Rekem, bad ka Irpil, bad ka Taralah;

JOSHUA 19:1

Bad ka jingkhalai ka ba-ar ka la hap ha u Simeon, ha ka jaid ki khun u Simeon keiñ kat kum ki ïing jong ki: bad ka bynta jong ki ka la long ha ka ri kynti ki khun u Judah.

NONGBISHAR 1:21

Bad ki khun u Benjamin kim shym la beh noh ïa ki Jebus kiba shong ha Jerusalem: hynrei, ki Jebus ki la shong lem bad ki khun u Benjamin ha Jerusalem haduh kane ka sngi.

NONGBISHAR 19:10

Hynrei, uta u briew um treh ban sah ha kata ka miet, hynrei, u la ïeng joit bad u la leit noh, bad u la poi ha pyrshah ka Jebus (kata ka long “ka Jerusalem”): te la don bad u ar tylli ki kadda ba la teh jin: ka tnga kliar jong u ruh ka la don lem bad u.

1 SAMUEL 10:26

Bad u Saul ruh u la leit noh sha la ïing sha Gibeah; bad u paidbah, kiba U Blei u la ktah ïa ki dohnud jong ki, ki la leit lem bad u.