JOSHUA 18:19 - KA BAIBL

¹⁹ bad ka pud ka la pom harud ka Beth-hoglah shaphang shatei: bad ki bakut jong ka pud ki la don ha ka khmut kaba shaphang shatei ka Duriaw Mluh, ha ka bakut ka Jordan shaphang shathie: kane ka pud shaphang shathie.

Khasi CL Bible (BSI)

¹⁹ u da ïaid na shatei jong ka sharing lum jong ka Beth Hoglah, bad u kut ha ka jaka ba ka wah Jordan ka wan tuid ha ka bynta bashatei jong ka Duriaw Baïap. Une u dei u pud uba shaphang shathie.

JOSHUA 18:19 ပူးပေါင်းရင်းမြစ်များ

JENESIS 14:3

Kine baroh, ki la ïashem lang ha ka pynthor Siddim, kaba long ka Duriaw Mluh.

JENESIS 19:25

kumta, u la pynkyllon thiaw ïa kita ki nongbah, bad ïa kata ka pynthor baroh, bad ïa ki trai-shnong jong kita ki nongbah baroh, bad ïa kiei kiei ruh kiba mih na ka khyndew.

ISAÏAH 11:15

Bad U Trai un pynjot noh thiaw ïa u thylliej ka duriaw Ijipt; bad da ka lyer shit jong u, un pynkhih la ka kti halor ka Wah, te un shoh ïa ka ha ki hynñiew tylli ki wah duid, bad un pynïaid ïa ki briew syndah juti.

JINGKHEIÑ 34:3

te ka phang kaba shaphang shathie jong phi kan long naduh ka ri khlaw Sin ter ter, ryngkat bad ka pud ka ri Edom, bad ka pud ka bashathie jong phi kan long naduh ka rud ka bakut eh kata ka Duriaw Mluh shaphang mihngi:

DEUTERONOMI 3:17

ïa kata ka madan ruh, bad ïa ka Jordan bad ïa ka phang jong ka, naduh Khinnereth haduh ka duriaw ka pyntha, ka Duriaw Mluh keiñ, hapoh ki umpohliew Piskah shaphang mihngi.

JOSHUA 12:3

bad naduh ka ri madan haduh ka duriaw Khinneroth, shaphang mihngi, bad haduh ka duriaw ka madan, ka Duriaw Mluh keiñ, shaphang mihngi, ka lynti sha Beth-jeshimoth; bad shaphang shathie, harum ki ranab Piskah:

JOSHUA 15:2

Bad ka pud jong ki shaphang shathie ka la long naduh ka bakut ka Duriaw Mluh, naduh ka khmut kaba phai shaphang shathie:

JOSHUA 18:18

bad ka la pom sha ka phang ha pyrshah ka Arabah shaphang shatei; bad ka la hiar haduh Arabah:

JOSHUA 18:20

Bad ka Jordan ka la long ka pud jong ka shaphang mihngi. Kane ka ri kynti ki khun u Benjamin, da ki pud jong ka sawdong, katba kum ki ïing jong ki.

JOSHUA 3:16

te kita ki um kiba hiar na neng ki la ïeng, bad ki la ïeng kum ka kynton, kham sha jngai eh, hajan ka shnong Adam, kaba ha syndah ka Sarethan: bad kita kiba hiar sha ka duriaw ka madan, ka Duriaw Mluh keiñ, ki la duh khoit: kumta, u paidbah u la leit sha shiliang marpyrshah ka Jerikho.