JOSHUA 18:16 - KA BAIBL

¹⁶ bad ka pud ka la hiar sha ka bakut uta u lum uba ha pyrshah ka them u khun u Hinnom, kaba ha ka them ki Rephaim shaphang shatei; bad ka la hiar sha ka them u Hinnom, markhap ki Jebus shaphang shathie, bad ka la hiar sha En-rogel;

Khasi CL Bible (BSI)

¹⁶ Nangta u hiar arsut shaduh trai jong u lum na uba lah ban ïohi ïa ka Them Hinnom, ha ka tduh kaba shaphang shatei jong ka Them Rephaim. Nangta u suh arsut lyngba ka Them Hinnom, shathie na ka sharing lum jong ka Jebus, sha ka Enrogel.

JOSHUA 18:16 ပူးပေါင်းရင်းမြစ်များ

2 SAMUEL 17:17

Te u Jonathan bad u Ahimaas ki dang ïa-ap hajan En-rogel; bad ka samla ka ju leit ïathuh ha ki; ki ruh ki la leit ïathuh ha u syiem Dabid; naba kim bit ban pynpaw ïa lade ban wan sha shnong.

2 SAMUEL 5:18

Bad ki Philistia ki la wan bad ki la saphred ïa lade ha ka them Rephaim.

1 SYIEM 1:9

Te u Adonijah u la pynïap ïa ki langbrot bad ki masi bad ïa kiba sngaid hajan u maw Soheleth, uba hajan En-rogel; bad u la khot ïa ki para jong u baroh ki khun u syiem, bad ïa baroh ki rangbah Judah ki shakri u syiem:

2 SYIEM 23:10

Bad u la pynsang ïa ka Tophet, kaba ha ka them ki khun u Hinnom, ba ym don ba lah ban pynïaid ïa la u khun lane ka khun lyngba ka ding ïa u Molek.

1 KHRONIKL 14:9

Te ki Philistia ki la lah wan bad ki la hiar lute ha ka them Rephaim.

2 KHRONIKL 28:3

Bad u la thang ïa ka jingiwbih ha ka them u khun u Hinnom, bad u la thang ïa la ki khun ha ka ding, katba kum ki jingijli jong ki nongmane bleithaw, ïa kiba U Trai u la beh noh na khmat ki khun Israel.

2 KHRONIKL 33:6

U la pynïaid ruh ïa la ki khun lyngba ka ding ha ka them u khun u Hinnom; bad u la leh byrtong, bad u la leh myntor, bad u leh shong blei, bad u la leit sha kita kiba shong ksuid, bad sha ki nongleh byrtong: u la leh bymman shibun ha khmat U Trai, ban pynkhih bitar ïa U.

ISAÏAH 30:33

Namar ïa ka Topheth la khreh la mynbarim; shisha keiñ, la pynkhreh ïa u syiem; u la pynlong ïa ka, kaba jylliew bad bakylluid: ka jingthang jong ka long ka ding bad shibun ka diengïap; ka jingpyrsad mynsiem U Trai, kum ka wah duid u kyndok, ka pynmeh ïa ka.

JEREMAÏAH 19:11

bad men ong ha ki, ‘Kumne u ong U Trai ki paid: “Kumta keiñ, ngan pynlwet ïa kine ki briew bad ïa kane ka nongbah, kumba pynpait u briew ïa u kum u nongthaw khiew, ïa u bym lah pynlong tylli pat: bad kin tep ïa ki ha Tophet, haduh ba ym ngiam jaka shuh ban tep.

JEREMAÏAH 19:2

bad khie leit sha ka them u khun u Hinnom, kaba ha ka jingkhang ka khyrdop Harsith, bad to pynbna hangta ïa ki ktien kiba ngan ïathuh ha me:

JEREMAÏAH 19:6

namar kata, ha khmih, ki sngi kin wan,” ’ ” ong U Trai, “ba ïa kane ka jaka yn ym khot shuh ‘Ka Tophet,’ lymne ‘Ka them u khun u Hinnom,’ hynrei, ‘Ka them ka Jingpynïap.’

JEREMAÏAH 32:35

Bad ki la tei ïa ki jaka bajrong jong u Baal, kiba long ha ka them u khun u Hinnom, ban pynïaid ïa ki khun shynrang bad khun kynthei jong ki lyngba ïa ka ding sha u Molek; ïa kaba ngam shym la hukum ïa ki, lymne kam shym la poi ha ka jingmut jong nga, ba kin leh ïa kane ka jingijli; ban pynleh pop ïa u Judah.”

JOSHUA 15:63

Hynrei, ki khun u Judah kim shym lah ban beh ïa ki Jebus, kiba shong ha Jerusalem: hynrei, ki Jebus ki shong ryngkat bad ki khun u Judah ha Jerusalem, haduh kane ka sngi.

JOSHUA 18:28

bad ka Selah, ka Eleph, bad ka Jebus (kata ka long “ka Jerusalem”), ka Gibeah, bad ka Kiriath; khatsaw ki nongbah bad ki nongrit jong ki de. Kane ka long ka ri kynti ki khun u Benjamin kat kum ki ïing jong ki.

NONGBISHAR 1:21

Bad ki khun u Benjamin kim shym la beh noh ïa ki Jebus kiba shong ha Jerusalem: hynrei, ki Jebus ki la shong lem bad ki khun u Benjamin ha Jerusalem haduh kane ka sngi.

NONGBISHAR 1:8

Te ki khun u Judah ki la ïaleh ïa ka Jerusalem, bad ki la jop ïa ka, bad ki la pom ïa ka da ka syrti waitlam, bad ki la wiang ding ïa ka shnong.

NONGBISHAR 19:10

Hynrei, uta u briew um treh ban sah ha kata ka miet, hynrei, u la ïeng joit bad u la leit noh, bad u la poi ha pyrshah ka Jebus (kata ka long “ka Jerusalem”): te la don bad u ar tylli ki kadda ba la teh jin: ka tnga kliar jong u ruh ka la don lem bad u.