JOSHUA 18:10 - KA BAIBL

¹⁰ Bad u Joshua u la pynkhalai na ka bynta jong ki ha Sheiloh ha khmat U Trai: bad u la ïasam ïa ka ri ha ki khun Israel katba kum ki bynta jong ki.

Khasi CL Bible (BSI)

¹⁰ U Joshua u la kynting sbai ban ïakren bad U Trai na ka bynta jong ki, bad u la ai ha kawei pa kawei na ki jait kiba sah jong ki Israel shi bynta jong ka ri.

JOSHUA 18:10 ပူးပေါင်းရင်းမြစ်များ

1 KHRONIKL 24:5

Kumne la ïa-pynbynta ïa ki da ka jingkhalai, kawei ka jaid bad kawei pat; namar la don ki rangbah ka jaka kyntang, bad ki rangbah U Blei, na ki khun u Eleasar ruh, bad na ki khun u Ithamar.

NEHEMAÏAH 11:1

Bad ki rangbah u paidbah ki la shong sah ha Jerusalem: kiwei pat de na u paidbah ki la pynnoh ïa ki jingkhalai, ban wallam ïa uwei na shiphew ban shong duh ha Jerusalem ka nongbah bakhuid, bad ki khyndai bynta ha kiwei pat ki shnong.

SALM 47:4

Un jied ha ngi ïa ka jingïoh kynti jong ngi, ka jinglong burom u Jakob ïa uba u la ieit. Selah.

SALM 61:5

Namar me, A U Blei, me la ïohsngew ïa ki kular jong nga: me la ai ha nga ïa ka bynta jong kita kiba sheptieng ïa ka kyrteng jong me.

PROBERB 18:18

Ka jingkhalai ka pynwai noh ïa ki jingïapyneh, bad ka pynkhlad hapdeng ki bakhlaiñ.

JEREMAÏAH 7:12

“Hynrei, to khie leit mynta sha ka jaka jong nga kaba la long ha Sheiloh, ha kaba nga la pynshong ïa la ka kyrteng ha ka banyngkong, bad to khmih aïu nga la leh ïa ka namar ka jingsniew ki briew jong nga ki Israel.

ESEKIEL 47:22

Te kan long ba phin pynïabynta ïa ka da ka jingkhalai ban long ka jingïoh kynti ha phi bad ha ki sohshnong kiba wan shong hapdeng jong phi, kiba pynkha khun hapdeng jong phi; te kin long ha phi kum kiba kha ha ïing hapdeng ki khun Israel; kin ïaïoh bynta lem bad phi hapdeng ki jaid Israel.

ESEKIEL 48:29

Kane ka long ka ri kaba phin pynïabynta da ka jingkhalai ha ki jaid Israel ban long ka jingïoh kynti, bad kine ki long la ki bynta bynta,” ong U Trai U Blei.

MIKAH 2:5

Namar kata, men ym don u ban ring ksai da ka jingkhalai ha ka jingïaseng ka jong U Trai.

JINGKHEIÑ 34:16

Te U Trai u la kren ha u Moses, u da ong,

MATHAÏOS 27:35

Te haba ki la sahnarphna ïa U, ki la ïabynta ïa ki jaiñ jong U, ki da ïakhalai, ba yn pyndep ïa kata ba la ong da u nongïathuhlypa: “Ki la ïabynta ïa ki jaiñ jong nga hapdeng jong ki, bad ki la ïakhalai ïa ka jingphong jong nga.”

ÏOANNIS 17:2

kumba me la ai ha u ka bor halor ka doh baroh, ba ïa kita baroh kiba me la ai ha u, un ai ha ki ka jingim bymjukut.

KI KAM 13:19

Bad haba u la lah pynjot ïa ki hynñiew ki jaid bynriew ha ka ri Kanaan, u la ai ha ki, ïa ka ri jong ki ban long ka jingïoh kynti, kumba sawspah sanphew snem.

KI KAM 26:18

ban pynpeit ïa ki khmat jong ki, ba kin ïoh phai na ka jingdum sha ka jingshai, bad na ka bor jong u Soitan sha U Blei, ba kin ïoh pdiang kaba map ki pop, bad ka bynta hapdeng kita ïa kiba la pynkhuid da ka jingngeit kaba ha nga.’ ”

KOLOSSAI 1:12

da kaba ainguh ha U Kpa, uba la pynbit ïa ngi ban long ki nongïoh bynta na kata ka bynta jong ki riewkhuid ha ka jingshai;

JOSHUA 14:2

da ka jingkhalai ka jingïoh kynti jong ki, kumba U Trai u la hukum da ka kti u Moses, ha kita ki khyndai jaid, bad ha kata ka shiteng jaid.

JOSHUA 14:5

Kumba U Trai u la hukum ïa u Moses, kumta ki khun Israel ki la leh, bad ki la ïabynta ïa ka ri.

JOSHUA 18:11

Bad ka bynta ka jaid ki khun u Benjamin ka la hap kat kum ki ïing jong ki bad ka pud ka bynta jong ki ka la hap hapdeng ki khun u Judah bad ki khun u Joseph.

JOSHUA 18:6

Bad phin jurib ïa kata ka ri hynñiew bynta, bad phin wallam shane ha nga: bad ngan pynkhalai na ka bynta jong phi hangne ha khmat U Trai uba U Blei jong ngi.

JOSHUA 18:8

Bad kita ki briew ki la ïaïeng, bad ki la ïaleit: bad u Joshua u la hukum ïa kita kiba leit jurib ïa ka ri, u da ong, “Khie leit ïaid ïa ka ri baroh, bad jurib ïa ka, bad wan pat sha nga, bad ngan pynkhalai na ka bynta jong phi hangne ha khmat U Trai ha Sheiloh.”

JOSHUA 18:9

Te kita ki briew ki la leit bad ki la ïaid ïa kata ka ri, bad ki la jurib ïa ka katba kum ki shnong, hynñiew bynta ha ka kot, bad ki la wan pat ha u Joshua ha ka dara ha Sheiloh.

JOSHUA 19:51

Kine ki jingïoh kynti, kiba u Eleasar lyngdoh, bad u Joshua u khun u Nun bad ki rangbah ki kpa ki jaid ki khun Israel, ki la ïasam ban long ri kynti da ka jingkhalai ha Sheiloh ha khmat U Trai, ha ka jingkhang Ka Tabernakl ka jingïaseng. Kumta, ki la dep kaba ïasam ïa ka ri.

JOSHUA 23:4

Ha khmih, nga la ïasam ha phi ïa kine ki jaid bynriew ba dang sah, ban long ki jingïoh kynti ïa ki jaid jong phi, naduh Jordan, lem bad kita ki jaid bynriew baroh ba nga la ot noh, haduh ka duriaw bad shaphang sepngi.