JOSHUA 18:1 - KA BAIBL

¹ Bad u paidbah ki khun Israel baroh ki la ïalum lang ha Sheiloh, bad ki la pynïeng ïa Ka Tabernakl ka jingïaseng hangta: bad la lah jop ïa ka ri ha shuwa jong ki.

Khasi CL Bible (BSI)

¹ Hadien ba ki la jop ïa ka ri, ka kynhun Israel baroh kawei ka la ïalumlang ha Shiloh bad pynïeng ïa ka Ïingjaiñ Ka Jingdon Ryngkat U Trai.

JOSHUA 18:1 ပူးပေါင်းရင်းမြစ်များ

2 SAMUEL 7:6

Namar ngam shym shong ha ka ïing naduh kata ka sngi ba nga la wallam artet ïa ki khun Israel na ka ri Ijipt, haduh kane ka sngi, hynrei, nga la ïaid ha ka ïingjaiñ bad ïa Ka Tabernakl.

1 SYIEM 14:2

Bad u Jeroboam u la ong ha la ka tnga, “Nga kyrpad ïa pha, to ïeng, bad to pynkylla dur ïa lade, ba kin ym ithuh ba pha long ka tnga u Jeroboam; bad to leit sha Sheiloh; ha khmih, hangta don u Ahijah u nongïathuhlypa, uba la kren shaphang jong nga ba ngan long syiem halor une u paidbah.

1 SYIEM 14:4

Te ka tnga u Jeroboam ka la leh kumta bad haba ka la ïeng, ka la leit sha Sheiloh, bad ka la poi ha ïing u Ahijah. Te u Ahijah um lah ban ïohi; namar ki khmat jong u ki la byrïe namar ba u la tymmen.

1 SYIEM 2:27

Kumta, u Solomon u la beh noh ïa u Abiathar na kaba long lyngdoh ha U Trai; ba un pyndep ïa ka ktien U Trai, kaba u la kren shaphang ka ïing u Eli ha Sheiloh.

NEHEMAÏAH 9:24

Kumta, ki khun jong ki, ki la leit shapoh bad ki la ïoh ïa kata ka ri, bad me la pynjop ïa ki trai-shnong kata ka ri, ki Kanaan, ha khmat jong ki, bad me la ai ïa ki ha ka kti jong ki, bad ki syiem jong ki, bad ki kynja bynriew kata ka ri, ba kin leh bad ki katba ki mon.

SALM 78:60

kumta, u la iehnoh ïa kata Ka Tabernakl Sheiloh, kata ka ïingjaiñ kaba u la buh hapdeng ki briew;

SALM 78:66

U la shoh da dien ïa ki nongïaleh pyrshah jong u: u la buh ïa ki ha ka jingrkhiebeiñ kaba ha la ka rta.

JEREMAÏAH 26:6

te ngan pynlong ïa kane ka ïing kum ka Sheiloh, bad ngan pynlong ka jingtim ïa kane ka shnong ha ki jaid bynriew baroh jong ka khyndew.” ’ ”

JEREMAÏAH 26:9

Balei ba me la ïathuhlypa ha ka kyrteng U Trai, me da ong, ‘Kane ka ïing kan long kum ka Sheiloh, bad kane ka shnong kan long kaba kynjah, ka bymshong briew’?” Bad u paidbah baroh ki la ïalang ha u Jeremaïah ha ka ïing U Trai.

JEREMAÏAH 41:5

don kiba la wan na Shekhem, na Sheiloh, bad na Samaria, phraphew ngut ki briew keiñ, kiba la khi ïa la ki 'ñiuh tmoh bad kiba la kad la ki jaiñ, bad kiba la tar ïa lade, bad ki jingainguh bam bad ka jingiwbih ha ki kti jong ki, ban wallam ïa ki sha ka ïing U Trai.

JINGKHEIÑ 32:22

bad ba la jop thiaw ïa kata ka ri ha khmat U Trai: te hadien kata, phin ïoh wan phai pat, bad phin long ruh kiba khlem pop ha khmat U Trai, bad ha khmat ki Israel; bad kane ka ri kan long ka bynta trai jong phi ha khmat U Trai.

KI KAM 7:45

Ïa kata ruh, ki kpa jong ngi pat de ki la wallam shapoh lem bad u Joshua, mynba ki la leit rung sha kata ka bynta jong kita ki jaid bynriew, ïa kiba U Blei u la beh noh na khmat ki kpa jong ngi, haduh ki sngi jong u Dabid;

JOSHUA 18:2

Bad la dang sah hynñiew jaid hapdeng ki khun Israel, ki bym pat ïoh ïa la ka ri kynti.

JOSHUA 18:8

Bad kita ki briew ki la ïaïeng, bad ki la ïaleit: bad u Joshua u la hukum ïa kita kiba leit jurib ïa ka ri, u da ong, “Khie leit ïaid ïa ka ri baroh, bad jurib ïa ka, bad wan pat sha nga, bad ngan pynkhalai na ka bynta jong phi hangne ha khmat U Trai ha Sheiloh.”

JOSHUA 19:51

Kine ki jingïoh kynti, kiba u Eleasar lyngdoh, bad u Joshua u khun u Nun bad ki rangbah ki kpa ki jaid ki khun Israel, ki la ïasam ban long ri kynti da ka jingkhalai ha Sheiloh ha khmat U Trai, ha ka jingkhang Ka Tabernakl ka jingïaseng. Kumta, ki la dep kaba ïasam ïa ka ri.

JOSHUA 21:2

bad ki la kren ha ki ha Sheiloh ha ka ri Kanaan, ki da ong, “U Trai u la hukum da ka kti u Moses ban ai ha ngi ki nongbah ba ngin shong, bad ki rudnong jong ki, ïa ki jingri jong ngi.”

JOSHUA 22:12

Te haba ki khun Israel ki la ïohsngew ïa kata, u paidbah ki khun Israel baroh ki la ïalum lang ha Sheiloh, ban ïaleh thma ïa ki.

JOSHUA 22:19

Hynrei, lada ka ri ka bynta jong phi ka tngit, kumta wan sha shiliang sha ka ri ka bynta U Trai, ha kaba Ka Tabernakl U Trai ka shong, bad shim bynta hapdeng jong ngi: hynrei, wat ïaleh pyrshah ïa U Trai, lymne ïaleh pyrshah ïa ngi, da kaba tei ha phi kawei pat ka duwan nalor ka duwan U Trai U Blei jong ngi.

JOSHUA 22:9

Te ki khun u Reuben bad ki khun u Gad bad ka shiteng jaid u Manasseh ki la phai, bad ki la mih noh na ki khun Israel na Sheiloh, kaba ha ka ri Kanaan, ban leit sha ka ri Gilead, sha ka ri ka bynta jong ki, kaba ki la ïoh, katba kum ka ktien U Trai da ka kti u Moses.

NONGBISHAR 18:31

Kumta, ki la pynïeng ïa kata ka dur bleithaw jong u Mikah kaba u la thaw, baroh shi katta katba ka ïing U Blei ka la don ha Sheiloh.

NONGBISHAR 21:12

Te ki la shem hapdeng ki nong Jabesh-gilead sawspah ngut ki theisotti samla, ki bym shym la ithuh ïa u briew da kaba la thiah bad u: bad ki la wallam ïa ki sha ka dara ha Sheiloh, kaba don ha ka ri Kanaan.

NONGBISHAR 21:19

Ki la ong te, “Ha khmih, ka don Ka Jingkhawai Niam jong U Trai man la ka snem ha Sheiloh, kaba shaphang shatei na Bethel, shaphang mihngi ka lynti bah kaba leit kiew na Bethel sha Shekhem, bad shaphang shathie na Lebonah.”

1 SAMUEL 1:24

Te haba ka la pyniehnoh buiñ ïa u, ka la leit lam ïa u lem bad ka, bad lai tylli ki masi dab, bad shi ephah u 'purew, bad shi lywa ka Waiñ, bad ka la ïalam ïa u sha kata ka ïing U Trai ha Sheiloh: te u khynnah u dang khynnah eh.

1 SAMUEL 1:3

Te une u briew, man ka snem u la ju leit kiew na la ka shnong sha Sheiloh ban mane bad ban kñia ha U Trai ki paid. Te ki ar ngut ki khun u Eli, u Hophni bad u Phinehas keiñ, ki lyngdoh jong U Trai, ki la don hangta.