JOSHUA 17:4 - KA BAIBL

⁴ Bad ki la wan hajan ha khmat u Eleasar lyngdoh, bad ha khmat u Joshua, u khun u Nun, bad ha khmat kita ki rangbah, ki ïa-ong, “U Trai u la hukum ïa u Moses ban ai ïa ngi ka ri kynti hapdeng ki para jong ngi:” namar kata, katba kum ka hukum U Trai u la ai ïa ki ka ri kynti hapdeng ki para u kpa jong ki.

Khasi CL Bible (BSI)

⁴ Ki la leit sha u Eleasar u lyngdoh bad sha u Joshua u khun jong u Nun bad sha ki nongïalam, bad ki ong, “U Trai u la hukum ïa u Moses ban ai ïa ngi, kumjuh ruh ïa ki ba-ha-ïing shynrang jong ngi, shi bynta jong ka ri ban ïohkynti.” Kumta, kumba U Trai u la hukum, la ai jaka ha ki lem bad ha ki ba-ha-ïing shynrang jong ki.

JOSHUA 17:4 ပူးပေါင်းရင်းမြစ်များ

JINGKHEIÑ 27:1

Ynda kumta, ki la wan ki khun kynthei ki jong u Selophehad, uba u khun u Hepher, uba u khun u Gilead, uba u khun u Makhir, uba u khun u Manasseh, na ki kur u Manasseh u khun u Joseph: te kine ki kyrteng ki khun kynthei jong u: “ka Mahlah”, “ka Noah”, “ka Hoglah”, “ka Milkah”, bad “ka Tirsah”.

JINGKHEIÑ 27:4

Te namar ba um shym la don khun shynrang, balei ba yn pyndam ïa ka kyrteng u kpa jong ngi napdeng ki kur jong u? To ai te ïa ka bynta trai ha ngi hapdeng ki para u kpa jong ngi.”

JINGKHEIÑ 36:10

Kumba u la hukum U Trai ha u Moses, kumta keiñ ki la leh ki khun kynthei u Selophehad:

GALATIA 3:28

Ym lah don u Jiw lymne u Grik, ym lah don u mraw lymne uba laitluid, ym lah don shynrang bad kynthei: namar phi baroh phi ïalong uwei ha U Khrist Jisu.

JOSHUA 14:1

Te kine ki long kita ki ri kynti kiba ki khun Israel ki la ïoh ha ri Kanaan, ïa kiba u Eleasar lyngdoh, bad u Joshua u khun u Nun, bad ki rangbah ki ïing ki kpa na ki jaid ki khun Israel, ki la ïasam ha ki,

JOSHUA 17:5

Bad ka la hap ha u Manasseh shiphew bynta, nalor ka ri Gilead bad ka Bashan, kiba sha shiliang ka Jordan;

JOSHUA 21:1

Ynda kumta, ki rangbah ki kpa ki Lebi ki la wan hajan ha u Eleasar lyngdoh, bad ha u Joshua u khun u Nun, bad ha ki rangbah ki kpa ki jaid ki khun Israel;