JOSHUA 17:2 - KA BAIBL

² Bad kata ka bynta ka la long ïa kiba dang sah na ki khun u Manasseh, kat kum ki ïing jong ki; ïa ki khun u Abieser, bad ïa ki khun u Helek, bad ïa ki khun u Asriel, bad ïa ki khun u Shekhem, bad ïa ki khun u Hepher, bad ïa ki khun u Shemida; kine ki la long ki khun shynrang u Manasseh u khun u Joseph katba kum ki ïing jong ki.

Khasi CL Bible (BSI)

² Ïa ka jaka ha ka phang sepngi jong ka Jordan la ai ïa ki longïing kiba sah na ka jait Manasseh: u Abieser, u Helek, u Asriel, u Shekhem, u Hepher, bad u Shemida. Kine ki long ki khun ki ksiew shynrang jong u Manasseh, u khun jong u Joseph bad ki long ki khlieh jong ki longïing.

JOSHUA 17:2 ပူးပေါင်းရင်းမြစ်များ

1 KHRONIKL 7:18

Bad ka para jong u ka Hammolekheth ka la kha ïa u Ishhod, bad u Abieser, bad u Mahlah.

JOSHUA 17:1

Te kane ka la long ka bynta ïa ka jaid u Manasseh; namar u la long u khun nyngkong u Joseph. Te u Makhir, u khun nyngkong u Manasseh u kpa u Gilead, namar ba u la long u riewïapom, u la ïoh ïa ka Gilead bad ïa ka Bashan.

JOSHUA 17:3

Hynrei, u Selophehad, u khun u Hepher, u khun u Gilead, u khun u Makhir, u khun u Manasseh, um don khun shynrang, tang ki khun kynthei: bad kine ki kyrteng ki khun kynthei jong u, “ka Mahlah”, bad “ka Noah”, “ka Hoglah”, “ka Milkah”, bad “ka Tirsah”.

NONGBISHAR 6:11

Ynda kumta, u angel U Trai u la wan, bad u la shong hapoh uta u dieng Sning uba ha Ophrah, uba dei ïa u Joash u nong Abieser; te u khun jong u, u Gideon u dang shoh Kew ha ka jaka khem umsoh, ban buhrieh ïa u na ki Midian.

NONGBISHAR 8:2

Bad u la ong ha ki, “Aïu nga la leh te ban ïapyrshang bad ka jong phi? Kaba shu khar ei u soh Waiñ jong u Ephraim kam long kham bha ïa kaba kheit soh u Abieser?