JOSHUA 17:16 - KA BAIBL

¹⁶ Te ki khun u Joseph ki la ong, “Ka ri lum kam biang ïa ngi: bad ki Kanaan baroh kiba shong ha ka ri them ki don ki kali nar, kita kiba don ha Beth-shean bad ki shnong jong ka, bad kiba ha ka them Jesril ruh.”

Khasi CL Bible (BSI)

¹⁶ Ki jubab, “Ka ri lum kam biang ïa ngi; hynrei ki Kanaan ha ki ri thor ki don ki kali ïapom da ka nar, na ka bynta kito kiba shong ha Beth Shan bad ïa ki nongrit kiba sawdong jong ka bad na ka bynta kito kiba shong ha ka Them Jesreel.”

JOSHUA 17:16 ပူးပေါင်းရင်းမြစ်များ

1 SYIEM 18:45

Te sa tang katto katne, ka bneng ka la ïong namar ki lyoh bad ka lyer, bad la hap u 'lap bah. Te u Ahab u la shong kali, bad u la leit sha Jesril.

1 SYIEM 18:46

Ka kti U Trai te ka la don ha u Elijah; bad haba u la panpoh la ka syngkai, u la phet sha shuwa u Ahab haduh ban da poi sha Jesril.

1 SYIEM 21:1

Te ka la jia hadien kine kiei kiei ruh, ba u Naboth u nong Jesril u la don ka brisoh Waiñ, kaba ha Jesril, hajan ka ïingsyiem u Ahab u syiem ka Samaria.

1 SYIEM 21:23

Bad shaphang ka Jesebel ruh U Trai u la kren, u da ong, ‘Ki ksew kin bam ïa ka Jesebel hajan ka kynton Jesril.’

1 SYIEM 4:12

u Baana u khun u Ahilud, ha Taanakh bad Megiddo, bad ka Beth-shean baroh kaba hajan ka Sarethan harum ka Jesril, naduh Beth-shean haduh Abel-meholah, jin haduh palat ka Jokmeam:

2 SYIEM 9:10

Bad ki ksew kin bam ïa ka Jesebel ha ka bynta ka Jesril, bad yn ym don ba tep ïa ka.’ ” Te haba u la plie ïa ka jingkhang, u la phet ïap.

2 SYIEM 9:37

bad ka metïap ka Jesebel kan long kum ka kynsha halor ka lyngkha ha ka bynta ka Jesril; kumta kin ym ïa-ong, “Kane ka Jesebel.” ’ ”

JEREMAÏAH 49:2

Namar kata, ha khmih, ki sngi kin wan,” ong U Trai, “ba ngan pynsngew ïa ka jingmaham ka thma pyrshah ïa ka Rabbah ki khun u Ammon; te yn pynkylla ka lymbher bakynjah ïa ka, bad ïa ki khun kynthei jong ka yn thang da ka ding: ynda kumta, u Israel un ïoh ïa kita kiba la ïoh ïa u,” ong U Trai.

JOSHUA 15:56

bad ka Jesril, bad ka Jokdeam, bad ka Sanoah;

JOSHUA 17:11

Bad u Manasseh u la don ha ka jong u Issakhar bad ha ka jong u Asher, ka Beth-shean bad ki shnong jong ka, ka Ibleam bad ki shnong jong ka, bad kiba shong ha Dor bad ki shnong jong ka, bad kiba shong ha Endor bad ki shnong jong ka, bad kiba shong ha Taanakh bad ki shnong jong ka, bad kiba shong ha Megiddo bad ki shnong jong ka, lai tylli ki jaka keiñ.

JOSHUA 17:15

Te u Joshua u la ïathuh ha ki, “Lada me long uba bun briew, to leit kiew sha kata ka ri khlaw, bad shyrti ïa me hangta ha ka ri ki Peris bad ki Rephaim; haba u lum Ephraim u khim eh ïa me.”

JOSHUA 17:17

Te u Joshua u la kren ha ka ïing u Joseph, ha u Ephraim bad u Manasseh, u da ong, “Me long uba bun briew, bad me don ka bor bakhraw ruh: men ym ïoh tang kawei ka bynta:

JOSHUA 17:18

hynrei, kata ka lum kan long ka jong me; namar la ka long khlaw, men shyrti ïa ka, bad ki pud jong ka kin long ki jong me: namar men beh noh ïa ki Kanaan, la ki don ki kali nar, bad la ki long ki bakhrawbor ruh.”

JOSHUA 19:18

Bad ka pud jong ki ka la long haduh Jesril, bad ka Khesulloth, bad ka Shunem;

NONGBISHAR 1:19

U Trai te u la don bad ki Judah; bad ki la jop ïa ki riewlum; naba kim lah ban beh noh ïa kiba shong ha ka ri them, namar ki la don ki kali nar.

NONGBISHAR 4:13

Ynda kumta, u Sisera u la ïalum lang ïa la ki kali baroh, kita ki khyndaispah ki kali nar keiñ, bad u paidbah baroh uba la don lem bad u, naduh Harosheth jong ki Jentil, haduh ka wah Kishon.

NONGBISHAR 4:3

Bad ki khun Israel ki la lynñiar ha U Trai: naba u la don khyndaispah ki kali nar; bad arphew snem u la banbeiñ eh ïa ki khun Israel.

NONGBISHAR 6:33

Te ki Midian baroh bad ki Amalek bad ki khun mihngi ki la ïalum lang; bad ki la leit sha shiliang, bad ki la sher dara ha ka them Jesril.

1 SAMUEL 29:1

Te ki Philistia ki la lum lang ïa ki paidïapom jong ki baroh sha Aphek: bad ki Israel ki la ïashong dara hajan ka pukri kaba ha Jesril.