JOSHUA 17:14 - KA BAIBL

¹⁴ Bad ki khun u Joseph ki la ïakren ha u Joshua, ki ïa-ong, “Balei me la ai ha nga tang kawei ka jingkhalai bad kawei ka bynta ban long ri kynti, haba nga long uba bun briew ruh, namar U Trai u la kyrkhu ïa nga haduh mynta?”

Khasi CL Bible (BSI)

¹⁴ Ki khun ki ksiew jong u Joseph ki ong ha u Joshua, “Balei phi ai ïa ngi tang shi bynta jong ka ri ba ngin kam kynti kum la ka jong? Ngi ïadon bun ngut namar U Trai u la kyrkhu ïa ngi.”

JOSHUA 17:14 ပူးပေါင်းရင်းမြစ်များ

JENESIS 48:19

Te u kpa jong u, u la kyrngah bad u la ong, “Nga tip ma nga, ko khun, nga tip ma nga: une ruh un long u paidbah, bad un long u bakhraw une ruh de: hynrei, shisha u para uba hadien jong u un long uba kham khraw ïa u, bad u symbai jong u un long ka jingpyndap ki jaid bynriew.”

JENESIS 48:20

Bad u la kyrkhu ïa ki ha kata ka sngi, u da ong, “Ha me u kynja Israel un kyrkhu, u da ong, ‘U Blei un pynlong ïa me kum u Ephraim bad kum u Manasseh:’ ” Bad u la buh ïa u Ephraim ha shuwa ïa u Manasseh.

JENESIS 48:22

Bad nga la ai ha me kawei ka bynta tam nalor ki hynmen hynbew jong me, ïa kaba nga la knieh na ka kti ki kynja Amor da la ka waitlam bad da la ka ryntieh.”

ESEKIEL 48:5

Bad hajan ka pud u Manasseh, na ka phang mihngi sha ka phang sepngi; u Ephraim, kawei ka bynta.

JINGKHEIÑ 13:7

Na ka jaid Issakhar — u Igal u khun u Joseph.

JINGKHEIÑ 26:54

Ha kiba bun, men ai ïa ka bynta pateng kaba kham khraw, bad ha kiba khyndiat, men kham pynduna ïa ka bynta pateng: ha uwei uwei baroh, yn ai ïa ka bynta pateng katba shong kita ïa kiba la kheiñ jong u.

JINGKHEIÑ 36:12

Ki la long ki tnga ha kiba na ki kur ki khun shynrang u Manasseh uba u khun u Joseph, bad ka bynta pateng jong ki ka la ïaisah ha ka jaid ki kur u kpa jong ki.

JOSHUA 16:4

Kumta, ki khun u Joseph, u Manasseh bad u Ephraim, ki la shim ïa la ka ri kynti.

JOSHUA 17:15

Te u Joshua u la ïathuh ha ki, “Lada me long uba bun briew, to leit kiew sha kata ka ri khlaw, bad shyrti ïa me hangta ha ka ri ki Peris bad ki Rephaim; haba u lum Ephraim u khim eh ïa me.”