JOSHUA 17:1 - KA BAIBL

¹ Te kane ka la long ka bynta ïa ka jaid u Manasseh; namar u la long u khun nyngkong u Joseph. Te u Makhir, u khun nyngkong u Manasseh u kpa u Gilead, namar ba u la long u riewïapom, u la ïoh ïa ka Gilead bad ïa ka Bashan.

Khasi CL Bible (BSI)

¹ Shi bynta jong ka ri ha ka phang sepngi jong ka Jordan la ai ha ki katto katne ki longïing kiba hiarpateng na u Manasseh, u khun nyngkong jong u Joseph. U Makhir, u kpa jong u Gilead, u dei u khun nyngkong jong u Manasseh bad u khla-ka-wait uba pawnam; kumta ïa ka Gilead bad ka Bashan, ha ka phang mihngi ka Jordan, la ai ha u.

JOSHUA 17:1 ပူးပေါင်းရင်းမြစ်များ

JENESIS 41:51

Bad u Joseph u la khot kyrteng “u Manasseh” ïa uba la kha nyngkong: “Naba U Blei u la pynklet ïa nga ïa ka jingleh shitom jong nga baroh, bad ïa ka ïing u kpa jong nga baroh.”

JENESIS 41:52

Bad ïa u ba-ar u la khot kyrteng “ ‘u Ephraim’: “Naba U Blei u la pynman ïa nga ha ka ri ba la ban shitom ïa nga.”

JENESIS 46:20

Bad ïa u Joseph ha ka ri Ijipt la kha ïa u Manasseh, bad ïa u Ephraim, ïa kiba la kha ka Asenath ka khun u Potipherah, u lyngdoh ka shnong On, ïa u.

JENESIS 48:17

Bad u Joseph haba u la ïohi ba u kpa jong u, u buh ïa ka kti kamon jong u halor ka khlieh u Ephraim, ka la pynsngewsih ïa u: bad u la bat ïa ka kti u kpa jong u, ïa ka ban pynkynriah ïa ka na ka khlieh u Ephraim sha ka khlieh u Manasseh.

JENESIS 48:18

U Joseph u la ong ruh ha la u kpa, “Ym kumta, ko kpa: naba une u long u khun nyngkong; to buh ïa la ka kti kamon halor ka khlieh jong u.”

JENESIS 50:23

Bad u Joseph u la ïohi ïa la ki ksiew ar pateng ksiew ruh na u Ephraim: bad la ri bsa ïa ki khun u Makhir u khun u Manasseh ruh ha ki khohsiew u Joseph.

2 SAMUEL 2:9

bad u la pynlong syiem ïa u halor ka Gilead, bad halor ki Ashur, bad halor ka Jesril, bad halor ki Ephraim, bad halor ki Benjamin, bad halor ki Israel baroh.

1 KHRONIKL 2:23

Bad u Geshur bad u Aram ki la knieh noh ïa ki shnong u Jair na ki, lem bad ka Kenath, bad ki nongrit jong ka, jin hynriewphew ki shnong. Kine baroh ki la long ki khun shynrang u Makhir u kpa u Gilead.

ESEKIEL 47:13

Kumne u ong U Trai U Blei: “Kane kan long ka pud, da kaba phin pynïabynta ïa ka ri ban long ka jingïoh pateng katba kum ki khat-ar ki jaid Israel: u Joseph un ïoh ki bynta.

ESEKIEL 48:4

Bad hajan ka pud u Naphtali, na ka phang mihngi sha ka phang sepngi; u Manasseh, kawei ka bynta.

JINGKHEIÑ 26:29

Ki khun shynrang u Manasseh: na u Makhir, ka ïing ki Makhir; u Makhir te u la pynkha ïa u Gilead; na u Gilead, ka ïing ki Gilead.

JINGKHEIÑ 27:1

Ynda kumta, ki la wan ki khun kynthei ki jong u Selophehad, uba u khun u Hepher, uba u khun u Gilead, uba u khun u Makhir, uba u khun u Manasseh, na ki kur u Manasseh u khun u Joseph: te kine ki kyrteng ki khun kynthei jong u: “ka Mahlah”, “ka Noah”, “ka Hoglah”, “ka Milkah”, bad “ka Tirsah”.

JINGKHEIÑ 32:33

Bad u Moses u la ai ha ki, kata ka long, ha ki khun u Gad, bad ha ki khun u Reuben, bad ha kaba shiteng na ka jaid u Manasseh u khun u Joseph, ïa ka hima u Sihon u syiem ki Amor, bad ïa ka hima u Og u syiem ka Bashan, ïa ka ri, bad ïa ki nongbah jong ka ha la ki phang, kita keiñ, ki nongbah jong kata ka ri baroh sawdong.

DEUTERONOMI 21:17

hynrei, un kohnguh khun nyngkong ïa u khun jong kata ïa kaba u isih, da kaba u ai ha u ïa kaba ar shah na kaba u don baroh: namar une u long kaba sdang keiñ ka bor jong u; ka hok u khun nyngkong ka dei ka jong u.

JOSHUA 17:2

Bad kata ka bynta ka la long ïa kiba dang sah na ki khun u Manasseh, kat kum ki ïing jong ki; ïa ki khun u Abieser, bad ïa ki khun u Helek, bad ïa ki khun u Asriel, bad ïa ki khun u Shekhem, bad ïa ki khun u Hepher, bad ïa ki khun u Shemida; kine ki la long ki khun shynrang u Manasseh u khun u Joseph katba kum ki ïing jong ki.

JOSHUA 22:7

Te ha ka shiteng ka jaid u Manasseh, u Moses u la ai ka bynta ha Bashan: hynrei, ha kata kawei pat ka shiteng, u Joshua u la ai hapdeng ki para jong ki ha kane ka liang ka Jordan shaphang sepngi. Bad haba u Joshua u la phah noh ïa ki ha la ki ïingjaiñ, u la kyrkhu ïa ki,

NONGBISHAR 5:14

Na u Ephraim ki la wan hiar kita kiba u thied jong ki u long ha u Amalek; hadien jong me, u Benjamin, hapdeng ki paidbah jong me; na u Makhir la wan hiar ki nongsynshar, bad na u Sabulon kita kiba bat u dieng u nongïalam.