JOSHUA 16:8 - KA BAIBL

⁸ Na Tappuah ka pud ka la leit shaphang sepngi haduh ka wah Kanah; bad ki bakut jong ka ki la don ha ka duriaw. Kane ka long ka ri kynti ka jaid ki khun u Ephraim kat kum ki ïing jong ki;

Khasi CL Bible (BSI)

⁸ U pud u suh sha sepngi na Tappuah sha ka wahduid Kanah bad u kut ha ka Duriaw Mediterranian. Kane ka long ka jaka ba la ai ha ki longïing jong ka jait Ephraim kum ka jingïohkynti jong ki,

JOSHUA 16:8 ပူးပေါင်းရင်းမြစ်များ

2 SAMUEL 2:9

bad u la pynlong syiem ïa u halor ka Gilead, bad halor ki Ashur, bad halor ka Jesril, bad halor ki Ephraim, bad halor ki Benjamin, bad halor ki Israel baroh.

1 KHRONIKL 7:28

Te ki jingïoh kynti bad ki jaka shong jong ki, ki la long ka Bethel bad ki shnong jong ka, bad shaphang mihngi ka Naaran, bad shaphang sepngi ka Geser, bad ki shnong jong ki: ka Shikhem ruh bad ki shnong jong ka, haduh ka Assah bad ki shnong jong ka:

ESEKIEL 48:5

Bad hajan ka pud u Manasseh, na ka phang mihngi sha ka phang sepngi; u Ephraim, kawei ka bynta.

JINGKHEIÑ 34:6

“ ‘Te ban long pud kaba shaphang sepngi ha phi, kan long ka Duriaw Bakhraw; kane ka pud kan long ka pud sepngi jong phi.

JOSHUA 12:17

u syiem ka Tappuah, uwei; u syiem ka Hepher, uwei;

JOSHUA 16:9

lem bad kita ki nongbah ba la pynkyrpang ïa ki khun u Ephraim hapdeng ka ri kynti ki khun u Manasseh, ki nongbah baroh bad ki nongrit jong ki de.

JOSHUA 17:7

Bad ka pud u Manasseh ka la long na Asher sha Mikhmethah, kaba marpyrshah ïa ka Shekhem; bad ka pud ka la leit shaphang kamon shaduh ki nong En-tappuah.

JOSHUA 19:28

bad ka Ebron, bad ka Rehob, bad ka Hammon, bad ka Kanah, haduh ka Sidon bah;