JOSHUA 16:7 - KA BAIBL

⁷ bad ka la hiar na Janoah sha Ataroth, bad sha Naarah, bad ka la poi sha Jerikho, bad ka la leit mih ha Jordan.

Khasi CL Bible (BSI)

⁷ Nangta u hiar arsut na Janoah sha Ataroth bad Naarah, u poi haduh ka Jerikho bad kut ha ka Jordan.

JOSHUA 16:7 ပူးပေါင်းရင်းမြစ်များ

1 KHRONIKL 7:28

Te ki jingïoh kynti bad ki jaka shong jong ki, ki la long ka Bethel bad ki shnong jong ka, bad shaphang mihngi ka Naaran, bad shaphang sepngi ka Geser, bad ki shnong jong ki: ka Shikhem ruh bad ki shnong jong ka, haduh ka Assah bad ki shnong jong ka:

JINGKHEIÑ 33:48

Te ki la ïamih noh na ki lum Abarim, bad ki la ïashong dara ha ki pyntha ka ri Moab, harud ka Jordan marpyrshah ka Jerikho.

JOSHUA 16:6

bad ka pud ka la leit shaphang ka duriaw sha Mikhmethah shaphang shatei; bad kata ka pud ka la phai tawiar shaphang mihngi sha Taanath-sheiloh, bad ka la leit lait shaphang mihngi jong ka Janoah;

JOSHUA 3:16

te kita ki um kiba hiar na neng ki la ïeng, bad ki la ïeng kum ka kynton, kham sha jngai eh, hajan ka shnong Adam, kaba ha syndah ka Sarethan: bad kita kiba hiar sha ka duriaw ka madan, ka Duriaw Mluh keiñ, ki la duh khoit: kumta, u paidbah u la leit sha shiliang marpyrshah ka Jerikho.

JOSHUA 6:1

(Te ïa ka Jerikho la khang khop namar ki khun Israel: ym don ba mih shabar, lane ba rung shapoh.)

JOSHUA 6:26

Te u Joshua u la pynsmai ïa ki ha kata ka por, u da ong, “Long ba la tim ha khmat U Trai ïa uta u briew uba ïeng bad uba tei ïa kane ka shnong Jerikho: “Da kaba un duh ïa la u khun nyngkong un seng ïa ka nongrim jong ka, bad da kaba un duh ïa la u khun khatduh un pynïeng ïa ki khyrdop jong ka.”