JOSHUA 15:8 - KA BAIBL

⁸ bad ka pud ka la kiew artet ïa ka them u khun u Hinnom ha ka liang kaba shaphang shathie ki Jebus (kata ka long “ka Jerusalem”): bad ka pud ka la leit kiew sha kliar uta u lum uba ha khmat ka them Hinnom shaphang sepngi, kaba don ha ka bakut ka them Rephaim shaphang shatei:

Khasi CL Bible (BSI)

⁸ bad artet lyngba ka Them Hinnom ter ter sha ka phang bashathie jong u lum ha kaba don ka nongbah Jerusalem jong ki Jebus. Nangta u pud u kiew artet sha ka kliar u lum ha ka phang sepngi jong ka Them Hinnom, ha ka tduh bashatei jong ka Them Rephaim.

JOSHUA 15:8 ပူးပေါင်းရင်းမြစ်များ

2 SAMUEL 5:18

Bad ki Philistia ki la wan bad ki la saphred ïa lade ha ka them Rephaim.

2 SAMUEL 5:22

Bad ki Philistia ki la wan kiew pat sa shi sien, bad ki la saphred ïa lade ha ka them Rephaim.

2 SYIEM 23:10

Bad u la pynsang ïa ka Tophet, kaba ha ka them ki khun u Hinnom, ba ym don ba lah ban pynïaid ïa la u khun lane ka khun lyngba ka ding ïa u Molek.

1 KHRONIKL 11:4

Bad u Dabid bad ki Israel baroh ki la ïaleit sha Jerusalem (kata ka long “ka Jebus”); bad ki Jebus, ki trai-shnong kata ka ri, ki la don hangta.

2 KHRONIKL 28:3

Bad u la thang ïa ka jingiwbih ha ka them u khun u Hinnom, bad u la thang ïa la ki khun ha ka ding, katba kum ki jingijli jong ki nongmane bleithaw, ïa kiba U Trai u la beh noh na khmat ki khun Israel.

NEHEMAÏAH 11:30

Sanoah, Adullam, bad ha ki shnong jong ki, ha Lakhish bad ki lyngkha jong ka, Asekah bad ki shnong jong ka. Kumta, ki la shong dara na Beer-sheba haduh ka them Hinnom.

ISAÏAH 17:5

Te kan long kum haba u nongot u lum Kew, bad ka ksang'ti jong u ka ot ïa u soh Kew; shisha keiñ, kan long kum haba uno uno u tam ei ïa u soh Kew ha ka them Rephaim.

JEREMAÏAH 19:14

Ynda kumta, u Jeremaïah u la wan noh na Tophet, sha kaba U Trai u la phah ïa u ban ïathuhlypa; bad u la ïeng ha ka phyllaw ka ïing U Trai, bad u la ong ha u paidbah baroh:

JEREMAÏAH 19:2

bad khie leit sha ka them u khun u Hinnom, kaba ha ka jingkhang ka khyrdop Harsith, bad to pynbna hangta ïa ki ktien kiba ngan ïathuh ha me:

JEREMAÏAH 19:6

namar kata, ha khmih, ki sngi kin wan,” ’ ” ong U Trai, “ba ïa kane ka jaka yn ym khot shuh ‘Ka Tophet,’ lymne ‘Ka them u khun u Hinnom,’ hynrei, ‘Ka them ka Jingpynïap.’

JOSHUA 15:63

Hynrei, ki khun u Judah kim shym lah ban beh ïa ki Jebus, kiba shong ha Jerusalem: hynrei, ki Jebus ki shong ryngkat bad ki khun u Judah ha Jerusalem, haduh kane ka sngi.

JOSHUA 18:16

bad ka pud ka la hiar sha ka bakut uta u lum uba ha pyrshah ka them u khun u Hinnom, kaba ha ka them ki Rephaim shaphang shatei; bad ka la hiar sha ka them u Hinnom, markhap ki Jebus shaphang shathie, bad ka la hiar sha En-rogel;

JOSHUA 18:28

bad ka Selah, ka Eleph, bad ka Jebus (kata ka long “ka Jerusalem”), ka Gibeah, bad ka Kiriath; khatsaw ki nongbah bad ki nongrit jong ki de. Kane ka long ka ri kynti ki khun u Benjamin kat kum ki ïing jong ki.

NONGBISHAR 1:21

Bad ki khun u Benjamin kim shym la beh noh ïa ki Jebus kiba shong ha Jerusalem: hynrei, ki Jebus ki la shong lem bad ki khun u Benjamin ha Jerusalem haduh kane ka sngi.

NONGBISHAR 1:8

Te ki khun u Judah ki la ïaleh ïa ka Jerusalem, bad ki la jop ïa ka, bad ki la pom ïa ka da ka syrti waitlam, bad ki la wiang ding ïa ka shnong.

NONGBISHAR 19:10

Hynrei, uta u briew um treh ban sah ha kata ka miet, hynrei, u la ïeng joit bad u la leit noh, bad u la poi ha pyrshah ka Jebus (kata ka long “ka Jerusalem”): te la don bad u ar tylli ki kadda ba la teh jin: ka tnga kliar jong u ruh ka la don lem bad u.