JOSHUA 15:19 - KA BAIBL

¹⁹ Te ka la ïathuh, “Ai ha nga ka jingkyrkhu; namar ba me la ai ha nga ka khyndew shaphang shathie, to ai ruh ha nga ki umpohliew.” Bad u la ai ha ka, ïa kita ki umpohliew kiba haneng bad kita ki umpohliew kiba harum.

Khasi CL Bible (BSI)

¹⁹ Ka jubab, “Nga kwah katto katne ki pukri um. Ka jaka ba phi ai ïa nga ka don ha ka ri ryngkhiang.” Kumta u Kaleb u ai ha ka ïa ki umpohliew kiba haneng bad kiba harum.

JOSHUA 15:19 ပူးပေါင်းရင်းမြစ်များ

JENESIS 12:9

Bad u Abram u la nang ïaid, u da nang leit shuh shuh shaphang shathie.

JENESIS 33:11

To pdiang, nga kyrpad ïa me, ïa ka jingkyrkhu jong nga, ïa kaba la wallam ha me; naba U Blei u la leh sbun ïa nga, bad namar ba nga don ïa kiei kiei baroh.” Kumta, u la kyrpad eh ïa u, u te u la pdiang ïa ka.

2 KORINTH 9:5

Namar kata, nga la mut ba donkam ban kyntu ïa kita ki parabangeit, ba kin ïoh wan shuwa sha phi, bad ba kin ïoh khreh lypa ïa ka jingai jong phi ïa kaba la lah kular lypa, ba kumta, kata kan long ba la khreh, kum ka jingai sngewbha, te ym kum kaba leh bor.

DEUTERONOMI 33:7

Ïa kane ruh ha u Judah; bad u la ong, “To sngew, A Trai, ïa ka ktien jong u Judah, bad to wallam ïa u sha ki briew jong u: to ai ba ki kti jong u kin biang ïa u: bad to long u nongïarap na ki nongshun jong u.”

JOSHUA 15:18

Bad ka la jia, haba ka la wan ha u, ka la kyntu ïa u ban pan ka lyngkha na u kpa jong ka: bad ka la hiar nalor ka kadda jong ka; te u Kaleb u la ong ha ka, “Pha kwah aïu?”

JOSHUA 15:20

Kane ka long ka ri kynti ka jaid ki khun u Judah kat kum ki ïing jong ki.

1 SAMUEL 25:27

Te mynta kane ka jingai sngewbha kaba ka shakri jong me ka la wallam ïa u kynrad jong nga, to kan long ka jong kine ki samla kiba bud ïa u kynrad jong nga.