JOSHUA 14:9 - KA BAIBL

⁹ Te u Moses u la smai ha kata ka sngi, u da ong, ‘Da shisha kata ka khyndew halor kaba ki sla'jat jong me ki la ïuh, kan long ka ri kynti jong me bad ki khun jong me junom, naba me la bud naduh haduh ïa U Trai uba U Blei jong nga.’

Khasi CL Bible (BSI)

⁹ Namar ba nga la leh kumta, u Moses u la kular ïa nga ba ki khun ki kti jong nga bad ma nga, ngin ïohpdiang da kaba thikna kum ka jingïohkynti jong ngi ïa kata ka ri kaba nga la ïuhkjat.

JOSHUA 14:9 ပူးပေါင်းရင်းမြစ်များ

SALM 37:9

Naba ïa ki nongleh sniew yn ot noh: hynrei, kita kiba ap ïa U Trai kin ïoh kynti ïa ka ri.

JINGKHEIÑ 13:22

Bad ki la ïaleit kiew na shathie, bad ki la ïawan poi ha Hebron; hangta ki la don u Ahiman, u Sheshai, bad u Thalmai, ki khun u Anak. (Te haba ym pat tei ïa ka Soan ha Ijipt, ïa ka Hebron la lah tei la hynñiew snem.)

DEUTERONOMI 1:36

hynrei, tang u Kaleb u khun u Jephunneh, u keiñ un ïohi ïa ka; bad ha u ruh ngan ai ïa kata ka ri kaba u la ïaid ha ka, bad ha ki khun jong u de: namar u la bud biang ïa U Trai.’

DEUTERONOMI 11:24

Ka jaka baroh ha kaba kin ïuh ki poh'jat jong phi kan long ka jong phi: naduh ka ri khlaw, bad u Lebanon, naduh kata ka wah, ka wah Ïuphratis keiñ, haduh ka bakut tam eh ka duriaw, kan long ki pud jong phi keiñ.

JOSHUA 1:3

Kat ka jaka baroh ba ka poh'jat jong phi kan ïuh, ïa kata nga la ai ha phi, kumba nga la ong ha u Moses.

JOSHUA 14:10

Mynta te, ha khmih, U Trai u la ri im ïa nga, kumba u la ong, kine sawphew san snem, naduh ba U Trai u la kren ïa kane ka ktien ha u Moses keiñ, mynba ki Israel ki la ïaid ha ka ri khlaw: mynta te, ha khmih, nga long phraphew san snem, ha kane ka sngi.

NONGBISHAR 1:20

Te ki la ai ïa ka Hebron ha u Kaleb, kumba u Moses u la kren: bad u la beh noh nangta ïa ki lai ngut ki khun u Anak.