JOSHUA 14:2 - KA BAIBL

² da ka jingkhalai ka jingïoh kynti jong ki, kumba U Trai u la hukum da ka kti u Moses, ha kita ki khyndai jaid, bad ha kata ka shiteng jaid.

Khasi CL Bible (BSI)

² Kumba U Trai u la hukum ïa u Moses, ïa ki jaka jong ki khyndai jait bad kawei ka shiteng jait ha ka phang sepngi jong ka Jordan la rai da kaba kynting sbai.

JOSHUA 14:2 ပူးပေါင်းရင်းမြစ်များ

PROBERB 16:33

Ïa ka jingkhalai la pynnoh sha ka pneh; hynrei, ka jingpynbeit jong ka baroh ka long na U Trai.

PROBERB 18:18

Ka jingkhalai ka pynwai noh ïa ki jingïapyneh, bad ka pynkhlad hapdeng ki bakhlaiñ.

ESEKIEL 45:1

Haba phin ïasam ruh ïa ka ri da jingkhalai ban long ka jingïoh kynti, phin ai ka jingainguh ha U Trai, ka bynta bakhuid na ka ri: ka lynter kan long ka lynter arphew san hajar dieng, bad ka pyngkiang kan long shiphew hajar: kan long ka bakhuid ha ka rud jong ka baroh sawdong.

JINGKHEIÑ 26:52

Bad U Trai u la kren ha u Moses, U da ong,

JINGKHEIÑ 33:54

Bad phin ïasam ïa kata ka ri ïa ka ban long ka bynta pateng hapdeng ki kur jong phi da ka jingkhalai; te ha kiba kham bun, phin ai ka bynta pateng da kaba kham khraw, bad ha kiba kham khyndiat, phin ai ka bynta pateng da kaba kham rit: ka bynta pateng jong uwei uwei baroh kan long ha kata ka jaka ha kaba kan hap ka jingkhalai jong u; phin ïoh bynta pateng katba kum ki jaid ki kpa jong phi.

JINGKHEIÑ 34:13

Te u Moses u la hukum ïa ki khun Israel, u da ong, “Kane ka long kata ka ri ïa kaba phin ïoh bynta da ka jingkhalai, ïa kaba U Trai u la hukum ban ai ha ki khyndai jaid, bad ha kata ka shiteng kawei ka jaid:

JINGKHEIÑ 34:17

“Kine ki long ki kyrteng jong kita ki rangbah ki ban pynïabynta ïa kata ka ri ha phi: u Eleasar lyngdoh, bad u Joshua u khun u Nun.

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

KI KAM 1:26

Bad ki la pynnoh ïa ki jingïathong na ka bynta jong ki; te kata ka jingïathong ka la hap ha u Matthias; kumta, la ñiew ïa u lem bad kita ki khatwei ngut ki apostol.

JOSHUA 13:7

Namar kata te, to ïasam ïa kane ka ri ban long ka ri kynti ha ki khyndai jaid, bad ha shiteng ka jaid u Manasseh.”

JOSHUA 18:10

Bad u Joshua u la pynkhalai na ka bynta jong ki ha Sheiloh ha khmat U Trai: bad u la ïasam ïa ka ri ha ki khun Israel katba kum ki bynta jong ki.

JOSHUA 18:6

Bad phin jurib ïa kata ka ri hynñiew bynta, bad phin wallam shane ha nga: bad ngan pynkhalai na ka bynta jong phi hangne ha khmat U Trai uba U Blei jong ngi.