JOSHUA 14:15 - KA BAIBL

¹⁵ Bad ka kyrteng ka Hebron mynshuwa ka la long “ka Kiriath-arba;” uta u Arba u la long u briew u bakhraw tam hapdeng ki Anak. Bad ka ri ka la ïoh ka jingshongthait na ka thma.

Khasi CL Bible (BSI)

¹⁵ Ha shuwa kane, ïa ka Hebron la khot ka nongbah jong U Arba. (U Arba u la long uba khraw tam napdeng ki Anakim). Mynta ka don ka jingsuk ha ka ri.

JOSHUA 14:15 ပူးပေါင်းရင်းမြစ်များ

JENESIS 23:2

Bad ka Sara ka la ïap noh ha Kirjath-arba; kaba long ka Hebron ha ka ri Kanaan: bad u Abraham u la wan ban leh sngewsih namar ka Sara, bad ban ïam namar jong ka.

JENESIS 35:27

Bad u Jakob u la poi ha u Isaak u kpa jong u sha Mamre, sha ka nongbah Arbah, kaba long ka Hebron, ha kaba u Abraham bad u Isaak ki la ïashong sohshnong.

JENESIS 37:14

Bad u la ong ha u, “To khie leit, nga kyrpad ïa me, to khmih la ka suk bha ne em bad ki hynmen jong me, bad ka bha bad ki kynhun; bad to wallam ktien pat ïa nga.” Kumta, u la phah ïa u na ka pynthor Hebron, bad u la leit poi haduh Shekhem.

1 KHRONIKL 6:4

U Eleasar u la pynkha ïa u Phinehas, u Phinehas u la pynkha ïa u Abishua;

NEHEMAÏAH 11:25

Bad ïa ki nongrit, lem bad ki lyngkha jong ki, don kiba na ki khun u Judah kiba la shong ha Kiriath-arba bad ki shnong jong ka, bad ha Dibon bad ki shnong jong ka, bad ha Jekabsil bad ki shnong jong ka;

JOSHUA 11:23

Kumta, u Joshua u la shim ïa kata ka ri baroh, kat kumba U Trai u la ong ha u Moses baroh; bad u Joshua u la ai kynti ïa ka ha ki Israel katba kum ki bynta jong ki ha la ki jaid ki jaid. Bad ka ri ka la shongthait na ka thma.

JOSHUA 14:14

Namar kata, ka Hebron ka la long ka ri kynti u Kaleb u khun u Jephunneh u nong Kenis, haduh kane ka sngi; namar ba u la bud naduh haduh ïa U Trai, U Blei ki Israel.

JOSHUA 15:13

Te ïa u Kaleb u khun u Jephunneh u la ai ka bynta hapdeng ki khun u Judah, katba kum ka hukum U Trai ha u Joshua, ka shnong u Arba u kpa u Anak keiñ, (kata ka long “ka Hebron”).

JOSHUA 21:11

Bad ki la ai ha ki, ïa ka Kiriath-arba, uta u Arba u la long u kpa u Anak, (kata ka long “ka Hebron”), ha ri lum Judah, bad ki rudnong jong ka baroh sawdong.

JOSHUA 21:12

Hynrei, ïa ki lyngkha jong kata ka nongbah, bad ki nongrit jong ka, ki la ai ha u Kaleb u khun u Jephunneh ban long ka jong u.

NONGBISHAR 1:20

Te ki la ai ïa ka Hebron ha u Kaleb, kumba u Moses u la kren: bad u la beh noh nangta ïa ki lai ngut ki khun u Anak.

NONGBISHAR 3:11

Ka ri ruh ka la suk sawphew snem. Bad u Othniel u khun u Kenas u la ïap.

NONGBISHAR 3:30

Kumta, la jop ïa ka Moab ha kata ka sngi ha ka kti ki Israel. Ka ri te ka la suk phraphew snem.

NONGBISHAR 5:31

“Kumta ai kin jot ki nongshun jong me baroh, A Trai: hynrei, ai ba kita kiba ieit ïa U kin long kum ka sngi haba ka dang ïeng ha ka bor jong ka.” Ka ri te ka la suk sawphew snem.

NONGBISHAR 8:28

Kumta, la jop ïa ki Midian ha khmat ki khun Israel, bad kim shym la pynïeng shuh ïa la ka khlieh. Ka ri te ka la suk sawphew snem ha ki sngi u Gideon.

1 SAMUEL 30:31

bad ha kiba ha Hebron, bad ha kita ki jaka baroh ha kiba u Dabid bad u paidbah jong u ki la ju shong ha ki.