JOSHUA 14:12 - KA BAIBL

¹² Mynta namar kata, to ai ha nga ïa une u lum, shaphang uba u la kren U Trai, myn ha kata ka sngi; namar me la ïohsngew ha kata ka sngi kumno ba ki Anak ki la don hangta, bad ba ki nongbah kiba khraw bad ba la ker kynroh: toi U Trai un don ryngkat bad nga, ba ngan beh noh ïa ki, kumba U Trai u la ong.”

Khasi CL Bible (BSI)

¹² Kumta mynta, ai ha nga ïa ka ri lum ba U Trai u la kular ïa nga ha kata ka sngi mynba ki briew jong nga lem bad nga, ngi la wanrah ïa kata ka khubor. Ngi la ïathuh ïa phi ha kato ka por ba ka jait ki ramhah kiba la khot ki Anakim ki la don hangta ha ki nongbah ba la ker sawdong da ki kut bakhraw. Lehse U Trai hi un don ryngkat bad nga, bad ngan beh krad ïa ki, kumba U Trai u la ong.”

JOSHUA 14:12 ပူးပေါင်းရင်းမြစ်များ

2 SYIEM 19:4

Lehse U Trai U Blei jong me un sngew ïa ki ktien u Rabshakeh baroh, uba u syiem ka Assyria u kynrad jong u, u la phah ban krenbeiñ ïa U Blei u ba-im, bad un sneng ïa kita ki ktien kiba U Trai U Blei jong me u la ïohsngew: namar kata, to pynkyntiew noh ïa la ka jingduwai na ka bynta kita kiba dang sah ïa kiba la iehnoh.’ ”

2 KHRONIKL 14:11

Bad u Asa u la khot kyrpad ha U Trai U Blei jong u, bad u la ong, “A Trai, ym don shuh nalor jong me u ban ïarap, hapdeng u badonbor bad u bymdonbor: to ïarap ïa ngi, A Trai U Blei jong ngi; namar ngi shaniah ha me, bad ha ka kyrteng jong me ngi wan ïaleh ïa une u paidbah. A Trai, me long U Blei jong ngi; wat ai ïa u briew ban jop ïa me.”

SALM 44:3

Namar kim shym ïoh ha ki ïa ka ri da la ka jong ka wait, lymne ym shym la pynim ïa ki da la ka jong ka ksang'ti: hynrei, ka kti kamon jong me, bad ka ksang'ti jong me, bad ka jingshai ka khmat jong me, namar ba me la ieit ïa ki.

SALM 60:12

Da U Blei ngin leh shlur: naba u long ma u keiñ u ban ïuh roit ïa ki nongïaleh pyrshah jong ngi.

JINGKHEIÑ 13:28

Hynrei, kita ki briew kiba shong ha kata ka ri, ki long kiba khlaiñ, ki shnong ruh ïa kiba la ker kynroh, bad ki bakhraw eh; hangta ruh, ngi la ïohi ïa ki khun u Anak.

JINGKHEIÑ 13:33

Hangta ruh, ngi la ïohi ïa kita ki radbah, ki khun shynrang u Anak keiñ, kiba la mih na kita ki radbah: bad ha ka jingñiew jong ngi, ngi la long kum ki puit, kumta ruh ngi la long, ha ka jingñiew jong ki de.”

JINGKHEIÑ 21:34

Bad U Trai u la ong ha u Moses, “To wat sheptieng ïa u: naba ha ka kti jong me nga la aiti ïa u, bad ïa ki briew jong u baroh, bad ïa ka khyndew jong u; te men leh ïa u kumba me la leh ïa u Sihon u syiem ki Amor, uba la shong sah ha Heshbon.”

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

DEUTERONOMI 1:28

Ngin ïaleit kiew shano? ki para jong ngi ki la ïa-pyntieng ïa ngi, da kaba ong, “Kita ki briew ki kham heh, bad ki kham jrong rynïeng ban ïa ngi; ki nongbah ruh kiba khraw bad ba la tei kynroh haduh ka bneng; nalor kane ruh, ngi la ïohi ïa ki khun shynrang ki Anak hangta.” ’

DEUTERONOMI 9:1

“To sngew, A Israel: Ha kane ka sngi men sa leit sha shiliang ka Jordan, ban ïoh leit hapoh ïa ka ban ïoh ïa ki jaid bynriew kiba kham khraw, bad kiba kham don bor ban ïa me, ïa ki nongbah bakhraw, bad ba la ker haduh ki bneng,

DEUTERONOMI 9:3

To sngewthuh namar kata ha kane ka sngi, ba U Trai uba U Blei jong me u long uba ïaid sha shiliang ha shuwa jong me kum ka ding babam duh; un pynjot noh ïa ki, bad un pynkyllon ruh ïa ki ha khmat jong me; kumta keiñ, men beh noh ïa ki, bad men pynjot noh shen ïa ki, kumba U Trai u la ong ha me.

PHILIPPI 4:13

Nga lah ban leh ïa kiei kiei baroh ha uta uba pynshaitbor ïa nga.

HEBRU 11:33

kiba, da ka jingngeit, ki la jop noh ïa ki hima, ki la leh ïa ka hok, ki la ïoh ïa ki jingkular, ki la set ïa ka shyntur ki sing,

JOSHUA 15:14

Te u Kaleb u la beh nangta ïa ki lai ngut ki khun u Anak, u Sheshai, u Ahiman, bad u Talmai, ki khun u Anak.

NONGBISHAR 1:20

Te ki la ai ïa ka Hebron ha u Kaleb, kumba u Moses u la kren: bad u la beh noh nangta ïa ki lai ngut ki khun u Anak.

1 SAMUEL 14:6

Bad u Jonathan u la ong ha uta u samla uba rah ïa ki atiar jong u, “Ïa ngin ïaryngkang sha kata ka karod jong kine kiba khlem otsher: lehse U Trai un ïatrei lem bad ngi: namar ym don ka jingwit ïa U Trai ban pynim da ki babun lane da ki bakhyndiat.”