JOSHUA 13:8 - KA BAIBL

⁸ Lem bad u, ki Reuben bad ki Gad ki la ïoh ïa la ka ri kynti, kaba u Moses u la ai ha ki, sha shiliang ka Jordan shaphang mihngi, kumba u Moses u shakri U Trai u la ai ha ki;

Khasi CL Bible (BSI)

⁸ Ka jait Reuben bad ka jait Gad, bad kawei pat ka shiteng na ka jait Manasseh ki la ïohpdiang lypa ïa ka ri kaba u Moses, u shakri U Trai, u la ai ha ki; ka don ha ka liang mihngi jong ka wah Jordan.

JOSHUA 13:8 ပူးပေါင်းရင်းမြစ်များ

JINGKHEIÑ 32:19

Bad ngi ngin ym ïaïoh bynta trai ryngkat bad ki sha shiliang ka Jordan, lane sha lyndet; namar ka jingïoh pateng jong ngi ka la hap ha ngi sha kane ka liang ka Jordan shaphang mihngi.”

DEUTERONOMI 3:8

Ngi la ïashim ruh ha kata ka por, na ka kti kita ar ngut ki syiem ki kynja Amor, ïa kata ka ri kaba ha kane ka liang jong ka Jordan, naduh ka wah Arnon haduh u lum Hermon;”

JOSHUA 12:1

Te kine ki long ki syiem jong kata ka ri, kiba ki khun Israel ki la jop, bad ki la ïoh ïa ka ri jong ki sha shiliang ka Jordan shaphang mihngi, naduh ka them Arnon haduh u lum Hermon, bad ka ri madan baroh shaphang mihngi:

JOSHUA 12:6

Ïa kita, u Moses u shakri U Trai bad ki khun Israel, ki la jop: bad u Moses u shakri U Trai u la ai ïa ka ban long ka bynta ïa ki Reuben, bad ki Gad, bad ki shiteng ka jaid u Manasseh.

JOSHUA 13:7

Namar kata te, to ïasam ïa kane ka ri ban long ka ri kynti ha ki khyndai jaid, bad ha shiteng ka jaid u Manasseh.”

JOSHUA 13:9

naduh Aroer, kaba long ha ka rud ka them Arnon, bad kata ka shnong kaba hapdeng kata ka them, bad ka madan Medeba baroh haduh Dibon;

JOSHUA 22:4

Mynta te, U Trai U Blei jong phi u la ai ka jingshongthait ïa ki para jong phi, kumba u la ong ïa ki: namar kata, mynta phin phai noh, bad phin leit noh sha la ki ïingjaiñ, bad ha ka ri ka bynta jong phi, ïa kaba u Moses u shakri U Trai u la ai ha phi sha shiliang ka Jordan.

JOSHUA 4:12

Ki khun u Reuben, bad ki khun u Gad, bad ka shiteng ka jaid Manasseh ruh, ki la leit sha shiliang kiba la kieng atiar, ha khmat ki khun Israel, kumba u Moses u la kren ha ki:

1 SAMUEL 13:7

Bad na ki Hebru don kiba la leit sha shiliang ka Jordan sha ka ri Gad bad Gilead; u Saul te u dang sah ha Gilgal, bad kita ki paidbah baroh ki la bud ïa u ki da kyiuh that that.