JOSHUA 13:7 - KA BAIBL

⁷ Namar kata te, to ïasam ïa kane ka ri ban long ka ri kynti ha ki khyndai jaid, bad ha shiteng ka jaid u Manasseh.”

Khasi CL Bible (BSI)

⁷ Mynta te, pynbynta ïa kane ka ri hapdeng kiwei pat ki khyndai jait bad ha ka shiteng na ka jait Manasseh, na ka bynta jong ki ba kin ïohkynti kum la ka jong.”

JOSHUA 13:7 ပူးပေါင်းရင်းမြစ်များ

SALM 105:44

Bad u la ai ha ki ïa ki khyndew jong kita ki jaid bynriew; bad ki la shimti ïa ka jingminot jong kita ki kynja bynriew:

SALM 78:55

U la beh noh ïa kita ki jaid bynriew ruh ha khmat jong ki, bad u la sam ïa ki da u dieng thew ban long ka jingïoh kynti, bad u la pynshong ïa ki jait Israel ha ki ïingjaiñ jong ki.

ESEKIEL 45:1

Haba phin ïasam ruh ïa ka ri da jingkhalai ban long ka jingïoh kynti, phin ai ka jingainguh ha U Trai, ka bynta bakhuid na ka ri: ka lynter kan long ka lynter arphew san hajar dieng, bad ka pyngkiang kan long shiphew hajar: kan long ka bakhuid ha ka rud jong ka baroh sawdong.

JINGKHEIÑ 33:54

Bad phin ïasam ïa kata ka ri ïa ka ban long ka bynta pateng hapdeng ki kur jong phi da ka jingkhalai; te ha kiba kham bun, phin ai ka bynta pateng da kaba kham khraw, bad ha kiba kham khyndiat, phin ai ka bynta pateng da kaba kham rit: ka bynta pateng jong uwei uwei baroh kan long ha kata ka jaka ha kaba kan hap ka jingkhalai jong u; phin ïoh bynta pateng katba kum ki jaid ki kpa jong phi.

JINGKHEIÑ 34:13

Te u Moses u la hukum ïa ki khun Israel, u da ong, “Kane ka long kata ka ri ïa kaba phin ïoh bynta da ka jingkhalai, ïa kaba U Trai u la hukum ban ai ha ki khyndai jaid, bad ha kata ka shiteng kawei ka jaid:

JOSHUA 13:6

kiba shong ha ri lum baroh naduh Lebanon haduh Misrephoth-maim, ki Sidon baroh keiñ: ïa kita, ngan beh na khmat ki khun Israel: tang ba men ïasam ïa ka da ka jingkhalai ha ki Israel ban long ka ri kynti, kumba nga la hukum ïa me.

JOSHUA 13:8

Lem bad u, ki Reuben bad ki Gad ki la ïoh ïa la ka ri kynti, kaba u Moses u la ai ha ki, sha shiliang ka Jordan shaphang mihngi, kumba u Moses u shakri U Trai u la ai ha ki;

JOSHUA 14:2

da ka jingkhalai ka jingïoh kynti jong ki, kumba U Trai u la hukum da ka kti u Moses, ha kita ki khyndai jaid, bad ha kata ka shiteng jaid.