JOSHUA 13:6 - KA BAIBL

⁶ kiba shong ha ri lum baroh naduh Lebanon haduh Misrephoth-maim, ki Sidon baroh keiñ: ïa kita, ngan beh na khmat ki khun Israel: tang ba men ïasam ïa ka da ka jingkhalai ha ki Israel ban long ka ri kynti, kumba nga la hukum ïa me.

Khasi CL Bible (BSI)

⁶ Kane ka kynthup ïa ka ri baroh jong ki nong Sidon, kiba shong ha ka ri lum hapdeng ki lum Lebanon bad Misrephoth Maim. Ngan beh noh ïa kine ki briew katba ki Israel ki nang tur sha khmat. Me dei ban pynbynta ïa kane ka ri hapdeng ki Israel, kumba nga la hukum ïa me ban leh.

JOSHUA 13:6 ပူးပေါင်းရင်းမြစ်များ

SALM 80:8

Me la wallam ïa u dieng Waiñ na Ijipt: me la beh noh ïa ki jaid bynriew, bad me la thung ïa u.

JINGKHEIÑ 33:54

Bad phin ïasam ïa kata ka ri ïa ka ban long ka bynta pateng hapdeng ki kur jong phi da ka jingkhalai; te ha kiba kham bun, phin ai ka bynta pateng da kaba kham khraw, bad ha kiba kham khyndiat, phin ai ka bynta pateng da kaba kham rit: ka bynta pateng jong uwei uwei baroh kan long ha kata ka jaka ha kaba kan hap ka jingkhalai jong u; phin ïoh bynta pateng katba kum ki jaid ki kpa jong phi.

JOSHUA 1:6

Pynkhlaiñ bad pynshlur bha ïa lade: namar men pynïoh bynta ha une u paidbah ïa kata ka ri ba nga la smai ha ki kpa jong ki ban ai ha ki.

JOSHUA 11:12

Ïa ki shnong jong kita ki syiem baroh, bad ïa ki syiem jong ki baroh ruh, u Joshua u la jop, bad u la pom ïa ki da ka syrti waitlam, bad u la pynduh khoit ïa ki; kumba u Moses u shakri U Trai u la hukum.

JOSHUA 11:8

Bad U Trai u la ai noh ïa ki ha ka kti ki Israel, ki te ki la pom ïa ki, bad ki la beh ïa ki haduh ka Sidon bah, bad haduh Misrephoth-maim, bad haduh ka them Mispeh shaphang mihngi; bad ki la pom ïa ki, haduh ba kim shym pynsah shuh uwei ruh.

JOSHUA 13:7

Namar kata te, to ïasam ïa kane ka ri ban long ka ri kynti ha ki khyndai jaid, bad ha shiteng ka jaid u Manasseh.”

JOSHUA 23:13

to tip da shisha ba U Trai U Blei jong phi un ym beh shuh ïa kine ki jaid bynriew na khmat jong phi; hynrei, kin long ki shangkhawiah bad ki jingriam ïa phi, bad ki jingsympat ha ki krung jong phi, bad ki shiah ha ki khmat jong phi, ha ban da phin duh noh na kane ka ri ka babha kaba U Trai U Blei jong phi u la ai ha phi.”

JOSHUA 23:4

Ha khmih, nga la ïasam ha phi ïa kine ki jaid bynriew ba dang sah, ban long ki jingïoh kynti ïa ki jaid jong phi, naduh Jordan, lem bad kita ki jaid bynriew baroh ba nga la ot noh, haduh ka duriaw bad shaphang sepngi.

JOSHUA 23:5

Bad U Trai U Blei jong phi un beh noh ma u ïa ki ha shuwa jong phi, bad un beh noh ïa ki na khmat jong phi; bad phin ïoh ïa ka ri jong ki, kumba U Trai U Blei jong phi u la ong ha phi.