JOSHUA 13:3 - KA BAIBL

³ na Shihor, kaba ha shuwa ka Ijipt, haduh ka pud ka Ekron shaphang shatei, ïa kata, la ñiew ka jong ki Kanaan: san ngut ki doloi ki Philistia; ki Gasa, ki Ashdod, ki Ashkelon, ki Gath, bad ki Ekron; ki Abbim ruh, shaphang shathie:

Khasi CL Bible (BSI)

³ kumjuh ruh ka ri jong ka Abbim ha ka phang bashathie (ka jaka naduh ka wahduid Shihor ha ki khappud jong ka Ijipt haduh khappud Ekron ha ka phang bashatei, ïa kaba la ñiew ba ka dei ka jong ki Kanaan; ki syiem Philistia ki la shong ha Gasa, Ashdod, Ashkelon, Gath, bad Ekron).

JOSHUA 13:3 ပူးပေါင်းရင်းမြစ်များ

JENESIS 10:6

Bad ki khun shynrang ki jong u Ham: u Kush, bad u Misraim, bad u Put, bad u Kanaan.

JENESIS 15:18

Ha kata ka sngi, U Trai u la teh ka jutang bad u Abram, u da ong, “Ha u symbai jong me nga la ai ïa kane ka ri, naduh ka wah ka ri Ijipt haduh ka wah bah, kaba ka wah Ïuphratis:

1 SYIEM 8:65

Kumta, u Solomon ha kata ka por, u la pynlong ïa kata ka jingkhawai ha khmat U Trai U Blei jong ngi, bad ki Israel baroh lem bad u, u paidbah babun byllien, na kaba bsut sha Hamath haduh ka wah Ijipt, hynñiew sngi bad hynñiew sngi, khatsaw sngi keiñ.

1 KHRONIKL 13:5

Kumta, u Dabid u la pynïaseng lang ïa ki Israel baroh, naduh Shihor ka wah Ijipt haduh kaba rung sha Hamath, ïa ka ban wallam ïa ka synduk U Blei na Kiriath-jearim.

ISAÏAH 23:3

Halor ki um bah ruh u symbai Sihor, ka jingot ka Neil, ka long ka phoida jong ka; bad ka la long ka ïew ki jaid bynriew.

JEREMAÏAH 2:18

Mynta te me donkam aïu ha ka lynti sha Ijipt, ban dih ïa ki um ka Shihor? lane me donkam aïu ha ka lynti sha Assyria, ban dih ïa ki um jong kata ka wah?

DEUTERONOMI 2:23

kumta, kita ki Abbim kiba la ju shong sah ha Haserim haduh Gasa, kita ki Kaphtor kiba la ïawan mih noh ha ka ri Kaphtor, ki la pynjot noh ïa ki, bad ki la shong sah ha ka jaka jong ki.)

JOSHUA 13:13

Pynban, ki khun Israel kim shym beh ïa ki Geshur, lymne ki Maakath; hynrei, ki Geshur bad ki Maakath ki la shong hapdeng ki Israel, haduh kane ka sngi.

NONGBISHAR 16:5

Ki doloi ki Philistia te ki la wan kiew sha ka, bad ki la ong ha ka, “To ïapah ïa u, bad to khmih ha-ei ka borbah jong u ka shong, bad da kumno ka lad ngi lah ban jop ïa u, ba ngi lah ban khum ïa u ban pynshitom ïa u: bad ngin ai de ha pha uwei uwei na ngi khatwei spah ki sbai rupa.”

NONGBISHAR 3:3

ki san doloi ki Philistia, ki Kanaan baroh, bad ki Sidon, bad ki Hib kiba shong ha u lum Lebanon, naduh u lum Baal-hermon haduh ka lynti sha Hamath.

1 SAMUEL 5:1

Te ki Philistia ki la shim ïa ka synduk U Blei na Ebeneser, bad ki la leit lam noh ïa ka sha Ashdod.

1 SAMUEL 5:10

Kumta, ki la phah lam noh ïa ka synduk U Blei sha Ekron. Te haba ka synduk U Blei ka la poi ha Ekron, ki Ekron ki la lynñiar, ki la ong, “Ki la wallam ïa kane ka synduk U Blei ki Israel ha ngi, ïa ka ban pynïap ïa ngi bad ïa ki briew jong ngi.”

1 SAMUEL 5:8

Namar kata, ki la phah ïalum lang sha ki, ïa ki doloi ki Philistia baroh, bad ki la ïa-ong, “Ngin leh kumno ïa kane ka synduk U Blei ki Israel?” Ki te ki la ong, “Ai ba yn bah noh ïa kata ka synduk U Blei ki Israel sha Gath.” Te ki la ïabah noh ïa ka synduk U Blei ki Israel shata.

1 SAMUEL 6:4

Te ki ruh ki la ïa-ong, “Kaei kata ka jingainguh namar ka jingpalat kaba ngin ai ha u?” Te ki la ïathuh, “San tylli ki dur ki jingat lang snam da ka ksiar, bad san tylli ki khnai ksiar, katba kum ka jingkheiñ ki doloi ki Philistia: naba ha phi baroh bad ha ki doloi jong phi, ka la ngat kajuh ka jingpang.