JOSHUA 13:22 - KA BAIBL

²² Ïa u Balaam ruh u khun u Beor, u nongkren byrtong, ki khun Israel ki la pynïap da ka waitlam hapdeng kita kiba ki la pynïap.

Khasi CL Bible (BSI)

²² Napdeng kito kiba ki paid Israel ki la pynïap, u dei u Balaam, u nongkren byrtong, u khun jong u Beor.

JOSHUA 13:22 ပူးပေါင်းရင်းမြစ်များ

JINGKHEIÑ 23:23

Namar shisha ym don kaba ai ksuid pyrshah ïa u Jakob, lymne ruh kaba leh byrtong pyrshah ïa u Israel: ha kane ka por yn ong shaphang u Jakob bad shaphang u Israel, ‘Katno u la leh U Blei!’

JINGKHEIÑ 24:1

Te haba u Balaam u la ïohi ba U Trai u la sngewbha ban kyrkhu ïa ki Israel, um shym la leit shuh ïa ka ban wad ïa ki jingkhan jingluh, kumba mynshuwa, hynrei, u la thew ïa la ka khmat sha ka ri khlaw.

JINGKHEIÑ 24:14

Mynta te, ha khmih, ngan sa leit noh sha la ki jong ki briew: to ale te, bad ngan ïathuh ïa me ïa kaba kine ki briew kin leh ïa ki briew jong me ha kita ki sngi ki bakhatduh.”

JINGKHEIÑ 31:8

Bad nalor kita kiwei ïa kiba la pynïap, ki la pynïap ruh ïa ki syiem ki Midian: ïa u Ebi, bad ïa u Rekem, bad ïa u Sur, bad ïa u Hur, bad ïa u Reba, san ngut ki syiem ki Midian: ïa u Balaam ruh u khun u Beor, ki la pynïap da ka waitlam.

JOSHUA 13:23

Bad ka pud ki khun u Reuben ka la long ka Jordan, bad ka rud jong ka. Kane ka la long ka ri kynti ki khun u Reuben katba kum ki ïing jong ki, ki nongbah bad ki nongrit jong ki.

2 PETROS 2:15

kiba haba ki la iehnoh noh ïa ka lynti kaba beit, ki la leit sakma, da kaba bud noh ïa ka lynti u Balaam u khun u Beor, uba la ieit ïa ka bainong ka jingbymhok;

JUDAH 1:11

Kordit ïa ki! naba ki la ïaleit ïaid ha kata ka lynti u Kain, bad ki la ïaphet kyrthep ha kata ka jingsakma u Balaam namar ka bainong, bad ha kata ka jingïaleh kiat u Korah ki la jot noh.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.

JINGPYNPAW 2:14

Hynrei, nga don khyndiat kiei kiei ruh pyrshah ïa pha, naba pha don hangta kiba bat ïa kata ka jinghikai u Balaam, uba la hikai ïa u Balak ban buh ïa ka jingjynthut ha khmat kita ki khun Israel, ban bam ïa kiei kiei ruh ba la kñia ïa ki bleithaw, bad ban klim sih.