JOSHUA 13:14 - KA BAIBL

¹⁴ Tang ïa ka jaid u Lebi um shym ai ri kynti; ki jingkñia U Trai, U Blei ki Israel, ba la pynlong da ka ding, ki long ka jingïoh kynti jong ki, kumba u la ong ha ki.

Khasi CL Bible (BSI)

¹⁴ U Moses um shym la ai kano kano ka jaka ha ka jait Lebi. Kumba U Trai u la bthah ha u Moses, ki dei ban pdiang kum ka jingïohkynti jong ki, ïa ka bhah jong ki jingainguh ba la thang ha ka duwan sha U Trai U Blei ki Israel.

JOSHUA 13:14 ပူးပေါင်းရင်းမြစ်များ

ESEKIEL 44:28

“Bad kin ïoh ka jingïoh kynti; nga long ka jingïoh kynti jong ki: te phin ym ai ka ri kynti ïa ki ha Israel; nga long ka ri kynti jong ki.

ESEKIEL 44:29

Kin bam ïa ka jingainguh bam, bad ïa ka jingkñia namar ka pop, bad ïa ka jingkñia namar ka jingpalat, bad kata baroh ïa kaba la pynkyntang ha Israel kan long ka jong ki.

DEUTERONOMI 10:9

Namar kata, u Lebi um don ka bynta, lane ka jingïoh pateng lem bad ki para jong u; U Trai u long keiñ ka bynta pateng jong u, kat kumba U Trai uba U Blei jong me u la kular ha u.)

DEUTERONOMI 12:12

bad phin ïalehkmen ha khmat U Trai uba U Blei jong phi, ma phi, bad ki khun shynrang jong phi, bad ki khun kynthei jong phi, bad ki shakri jong phi shynrang bad kynthei, bad u Lebi ruh uba hapoh ki khyrdop jong phi, namar ba um don ka bynta lane ka jingïoh pateng lem bad phi.

DEUTERONOMI 12:19

To sumar biang ïa lade ba men ym klet ïa u Lebi katba me dang im ha ka pyrthei.

JOSHUA 13:13

Pynban, ki khun Israel kim shym beh ïa ki Geshur, lymne ki Maakath; hynrei, ki Geshur bad ki Maakath ki la shong hapdeng ki Israel, haduh kane ka sngi.

JOSHUA 13:15

Bad u Moses u la ai ha ka jaid ki khun u Reuben katba kum ki ïing jong ki.

JOSHUA 13:33

Hynrei, ha ka jaid u Lebi, u Moses um shym ai ri kynti: U Trai, U Blei ki Israel, u long ka jingïoh kynti jong ki, kumba u la ong ha ki.

JOSHUA 18:7

Naba ki Lebi kim don bynta hapdeng jong phi; namar ka jinglong lyngdoh U Trai ka long ka jingïoh kynti jong ki: bad u Gad bad u Reuben bad shiteng ka jaid u Manasseh ki la ïoh ïa la ka ri kynti sha shiliang ka Jordan shaphang mihngi, ïa kaba u Moses u shakri U Trai u la ai ha ki.”