JOSHUA 12:6 - KA BAIBL

⁶ Ïa kita, u Moses u shakri U Trai bad ki khun Israel, ki la jop: bad u Moses u shakri U Trai u la ai ïa ka ban long ka bynta ïa ki Reuben, bad ki Gad, bad ki shiteng ka jaid u Manasseh.

Khasi CL Bible (BSI)

⁶ Kine ki ar ngut ki syiem ki la shahjop ha u Moses bad ki paid Israel. U Moses, u shakri U Trai, u la ai ïa ka ri jong ki ha ka jait Reuben bad ka jait Gad, bad ha shiteng na ka jait Manasseh, ba kan long ka jingïohkynti jong ki.

JOSHUA 12:6 ပူးပေါင်းရင်းမြစ်များ

1 SYIEM 4:19

u Geber u khun u Uri, ha ka ri Gilead, ka ri u Sihon u syiem ki Amor bad ka jong u Og u syiem ka Bashan; te tang ma u, u rangbah uba ha kata ka ri.

JINGKHEIÑ 32:29

Te u Moses u la ong ha ki, “Lada ki khun u Gad, bad ki khun u Reuben, kin ïaleit sha shiliang ka Jordan lem bad phi, uwei uwei baroh ba la kieng atiar sha ka thma, ha khmat U Trai, bad ba yn jop thiaw ïa ka ri ha khmat jong phi; te kumta, phin ai ïa ka ri Gilead ha ki, ban long ka bynta trai jong ki:

JINGKHEIÑ 32:32

Ngin ïaleit keiñ sha shiliang sha ka ri Kanaan ha khmat U Trai ba la kieng atiar ïa ngi, bad ka hok ban ïoh ïa la ka bynta trai shaphang shane ïa ka Jordan kan ïoh long ka jong ngi.”

JINGKHEIÑ 32:33

Bad u Moses u la ai ha ki, kata ka long, ha ki khun u Gad, bad ha ki khun u Reuben, bad ha kaba shiteng na ka jaid u Manasseh u khun u Joseph, ïa ka hima u Sihon u syiem ki Amor, bad ïa ka hima u Og u syiem ka Bashan, ïa ka ri, bad ïa ki nongbah jong ka ha la ki phang, kita keiñ, ki nongbah jong kata ka ri baroh sawdong.

JOSHUA 14:3

Naba u Moses u la lah ai ka ri kynti jong kita ki ar jaid shiteng ha kata kawei ka liang ka Jordan: hynrei, ha ki Lebi um shym ai ri kynti hapdeng jong ki.

JOSHUA 18:7

Naba ki Lebi kim don bynta hapdeng jong phi; namar ka jinglong lyngdoh U Trai ka long ka jingïoh kynti jong ki: bad u Gad bad u Reuben bad shiteng ka jaid u Manasseh ki la ïoh ïa la ka ri kynti sha shiliang ka Jordan shaphang mihngi, ïa kaba u Moses u shakri U Trai u la ai ha ki.”

JOSHUA 22:4

Mynta te, U Trai U Blei jong phi u la ai ka jingshongthait ïa ki para jong phi, kumba u la ong ïa ki: namar kata, mynta phin phai noh, bad phin leit noh sha la ki ïingjaiñ, bad ha ka ri ka bynta jong phi, ïa kaba u Moses u shakri U Trai u la ai ha phi sha shiliang ka Jordan.