JOSHUA 11:9 - KA BAIBL

⁹ Bad u Joshua u la leh ha ki kat kumba U Trai u la hukum ïa u: u la thait ïa ki thied ki khohwah ki kulai jong ki, bad u la thang ïa ki kali jong ki da ka ding.

Khasi CL Bible (BSI)

⁹ U Joshua u leh ïa ki kumba U Trai u la hukum: u pyndkoh ïa ki kulai jong ki bad u thang ïa ki kali ïapom jong ki.

JOSHUA 11:9 ပူးပေါင်းရင်းမြစ်များ

JENESIS 49:6

Wat ai ba ka mynsiem jong nga kan wan hapoh ka jingïasylla jong ki: ka burom jong nga kan ym ïasoh bad ka jingïalang jong ki: naba ha la ka jingbitar ki la pynïap ïa u briew, bad ha la ka jingmon pathar hi ki la ot noh ïa ki masi.

2 SAMUEL 8:4

Bad u Dabid u la kem na u, shi hajar hynñiewspah ki nongshong kulai, bad arphew hajar ki shipai ba ïaleh na tbian: bad u Dabid u la ot ïa ki thied khohwah jong ki kulai ki kali ïapom baroh, hynrei, u la pynsah na ki, shispah tylli ïa ki kali ïapom.

SALM 46:10

To sngap, bad to tip ba nga long U Blei ma nga: yn pynkyntiew ïa nga hapdeng ki jaid bynriew, yn pynkyntiew ïa nga ha ka khyndew.

NAHUM 2:13

“Ha khmih, nga long pyrshah ïa pha,” ong U Trai ki paid, “bad ngan thang ïa ki kali ïapom jong ka ha ka tdem, bad ka waitlam kan bam duh ïa ki sing samla jong pha: bad ngan pynduh ïa ka jinglute jong pha na ka khyndew, bad ïa ka ktien ki nonglam-ktien jong pha un ym ïohsngew shuh.”

JOSHUA 11:6

Te U Trai u la ong ha u Joshua, “Wat sheptieng namar jong ki: namar lashai hamar kane ka por ngan aiti noh ïa ki baroh ba la pynïap ha khmat ki Israel: men thait ïa ki thied khohwah ki kulai jong ki, bad men thang ïa ki kali jong ki da ka ding.”