JOSHUA 11:6 - KA BAIBL

⁶ Te U Trai u la ong ha u Joshua, “Wat sheptieng namar jong ki: namar lashai hamar kane ka por ngan aiti noh ïa ki baroh ba la pynïap ha khmat ki Israel: men thait ïa ki thied khohwah ki kulai jong ki, bad men thang ïa ki kali jong ki da ka ding.”

Khasi CL Bible (BSI)

⁶ U Trai u ong ha u Joshua, “Wat sheptieng ïa ki. Ha kane ka por lashai ka sngi ngan pynïap ïa ki baroh na ka bynta ki Israel. Phi dei ban pyndkoh ïa ki kulai jong ki bad thang ïa ki kali ïapom jong ki.”

JOSHUA 11:6 ပူးပေါင်းရင်းမြစ်များ

2 SAMUEL 8:4

Bad u Dabid u la kem na u, shi hajar hynñiewspah ki nongshong kulai, bad arphew hajar ki shipai ba ïaleh na tbian: bad u Dabid u la ot ïa ki thied khohwah jong ki kulai ki kali ïapom baroh, hynrei, u la pynsah na ki, shispah tylli ïa ki kali ïapom.

2 SYIEM 6:16

U te u la ïathuh, “Wat sheptieng: naba kita kiba bad ngi ki long kham bun ban ïa kiba bad ki.”

2 KHRONIKL 20:16

Lashai to phin leit hiar ban ïaleh ïa ki: ha khmih, ki wan na ka thiep Sis; bad phin shem ïa ki ha ka bakut ka them, ha shuwa ka khlaw Jeruel.

SALM 46:10

To sngap, bad to tip ba nga long U Blei ma nga: yn pynkyntiew ïa nga hapdeng ki jaid bynriew, yn pynkyntiew ïa nga ha ka khyndew.

SALM 46:11

U Trai ki paid u don bad ngi; U Blei u Jakob u long ka jaka rieh jong ngi. Selah.

SALM 46:9

U pynduh ïa ki jingïaleh thma haduh ka bakut ka khyndew; u pynkheiñ ïa ka ryntieh, bad u kdiah noh ïa u sum; u thang ïa ki kali ïapom ha ka ding.

PROBERB 20:7

U briew u bahok uba ïaid ha la ka jingbeit, suk ki khun jong u hadien jong u.

ISAÏAH 30:16

Hynrei, phi la ong, “Em, namar ngin phet halor ki kulai;” namar kata te phin phet: bad, “Ngin shong halor kiba stet;” namar kata, kita kiba beh ïa phi kin long kiba stet.

ISAÏAH 31:1

Kordit ïa kita kiba leit hiar sha Ijipt ban ïoh jingïarap, bad kiba shaniah ha ki kulai; kiba shaniah ruh ha ki kali ïapom, namar ba ki bun, bad ha ki nongshong kulai, namar ba ki khlaiñ eh; hynrei, kim khmih sha uta U Bakhuid ki Israel, lymne wad ïa U Trai.

ESEKIEL 39:9

“Te kita kiba shong ha ki nongbah ki Israel kin ïamih noh, bad kin ïasliew ding da ki tiar ïapom, bad kin thang ïa ki, ïa ki 'tiehrit bad ïa ki 'tiehbah ruh, ïa ki ryntieh bad ïa ki khnam ruh, bad ïa ki diengduh sum, bad ïa ki sum de, te kin ïasliew ding da ki, hynñiew snem:

HOSIA 14:3

U Asshur un ym pynim ïa ngi; ngin ym shong halor ki kulai: lymne ngin ym ong shuh ha ka jingtrei ki kti jong ngi, ‘Phi long ki blei jong ngi:’ namar ha me, u khunswet u shem jingisynei.”

NAHUM 2:13

“Ha khmih, nga long pyrshah ïa pha,” ong U Trai ki paid, “bad ngan thang ïa ki kali ïapom jong ka ha ka tdem, bad ka waitlam kan bam duh ïa ki sing samla jong pha: bad ngan pynduh ïa ka jinglute jong pha na ka khyndew, bad ïa ka ktien ki nonglam-ktien jong pha un ym ïohsngew shuh.”

DEUTERONOMI 7:16

To men pynduh noh, namar kata, ïa kita ki jaid bynriew baroh kiba U Trai uba U Blei jong me un sa aiti ha me; ka khmat jong me kan ym isynei ïa ki: lymne men ym shakri ïa ki blei jong ki; namar kata, kan long ka jingriam ïa me.

JOSHUA 10:8

Bad U Trai u la ong ha u Joshua, “Wat sheptieng ïa ki: namar nga la ai noh ïa ki ha ka kti jong me; ym don uwei na ki u ban ïeng ha khmat jong me.”

JOSHUA 11:5

Bad haba kine ki syiem baroh ki la ïashem lang, ki la wan shong dara lang ha ki um Merom, ban ïaleh ïa ki Israel.

JOSHUA 11:7

Kumta, u Joshua bad ki paidïapom baroh ryngkat bad u, ki la wan buk ha ki ha ki um Merom, bad ki la kynrup ïa ki.

JOSHUA 11:9

Bad u Joshua u la leh ha ki kat kumba U Trai u la hukum ïa u: u la thait ïa ki thied ki khohwah ki kulai jong ki, bad u la thang ïa ki kali jong ki da ka ding.

JOSHUA 3:5

Te u Joshua u la ong ha u paidbah, “To pynkyntang ïa lade; namar lashai U Trai un leh ïa ki jingphylla hapdeng jong phi.”

NONGBISHAR 20:28

bad u Phinehas, u khun u Eleasar, u khun u Aaron, u la ïeng ha khmat jong ka ha kita ki sngi,) ki da ong, “Ngan dang leit shuh sha ka thma ïa ki khun u Benjamin u para jong nga, ne ngan keiñ noh?” Te U Trai u la ong, “Khie leit; namar lashai ngan ai noh ïa u ha ka kti jong me.”

NONGBISHAR 7:9

Te ha kata ka miet, U Trai u la ong ha u, “To ïeng joit, to leit hiar sha uta u paidbah; naba nga la ai noh ïa u ha ka kti jong me.

1 SAMUEL 11:9

Bad ki la ong ha kita ki nonglam-ktien kiba la wan, “Kumne phin ong ha ki rangbah Jabesh-gilead, ‘Lashai, hamar ba la shit ka sngi, phin ïohlait im.’ ” Te kita ki nonglam-ktien ki la wan ïathuh ha ki Jabesh; ki te ki la sngewkmen.