JOSHUA 11:23 - KA BAIBL

²³ Kumta, u Joshua u la shim ïa kata ka ri baroh, kat kumba U Trai u la ong ha u Moses baroh; bad u Joshua u la ai kynti ïa ka ha ki Israel katba kum ki bynta jong ki ha la ki jaid ki jaid. Bad ka ri ka la shongthait na ka thma.

Khasi CL Bible (BSI)

²³ U Joshua u la kurup ïa kata ka ri baroh kawei, kumba U Trai u la hukum ïa u Moses. U Joshua u la ai ïa ka ha ki Israel kum ka jong ki hi bad u la pynbynta ïa ka ha ki lyngkhot, kawei kawei na ka bynta kawei kawei ka jait. Kumta ki paidbah ki la shongthait na ka thma.

JOSHUA 11:23 ပူးပေါင်းရင်းမြစ်များ

NEHEMAÏAH 9:24

Kumta, ki khun jong ki, ki la leit shapoh bad ki la ïoh ïa kata ka ri, bad me la pynjop ïa ki trai-shnong kata ka ri, ki Kanaan, ha khmat jong ki, bad me la ai ïa ki ha ka kti jong ki, bad ki syiem jong ki, bad ki kynja bynriew kata ka ri, ba kin leh bad ki katba ki mon.

SALM 46:9

U pynduh ïa ki jingïaleh thma haduh ka bakut ka khyndew; u pynkheiñ ïa ka ryntieh, bad u kdiah noh ïa u sum; u thang ïa ki kali ïapom ha ka ding.

EKSODOS 34:11

“To men sumar ïa kata kaba nga hukum ïa me ha kane ka sngi: ha khmih, ngan beh noh na khmat jong me, ïa ki Amor, bad ïa ki Kanaan, bad ïa ki Hit, bad ïa ki Peris, bad ïa ki Hib, bad ïa ki Jebus.

ESEKIEL 45:8

Ha ka ri kan long ha u ka jingïoh bynta ha Israel: bad ki nongsynshar jong nga kin ym banbor shuh ïa ki briew jong nga; hynrei, kin ai ïa ka ri ha ka ïing Israel katba kum ka jaid jong ki.

DEUTERONOMI 1:38

u Joshua u khun u Nun, uba ïeng ha khmat jong me, u keiñ, un ïoh leit shapoh shata: to pynshlur ïa u; naba ma u un pynïoh kynti ïa ka ha ki Israel.

DEUTERONOMI 25:19

Namar kata, kan jia, ynda U Trai uba U Blei jong me u la ai ha me ïa ka jingshongthait na ki nongshun jong me baroh sawdong, ha kata ka ri ïa kaba U Trai uba U Blei jong me u ai ha me kum ka bynta pateng ban ïoh ïa ka, ba men pyndam noh khoit ïa ka jingpynkynmaw ïa u Amalek napoh ka bneng; men ym klet.

JOSHUA 11:18

U Joshua u la ïaleh thma slem bad kita ki syiem baroh.

JOSHUA 12:7

Bad kine ki long ki syiem jong kata ka ri kaba u Joshua bad ki khun Israel ki la jop, ha kane ka liang ka Jordan shaphang sepngi, naduh Baal-gad ha ka them Lebanon haduh u lum Halak, uba leit suh sha Seir; bad u Joshua u la ai ïa ka ha ki jaid Israel ban long ka bynta kat kum ki bynta jong ki;

JOSHUA 18:10

Bad u Joshua u la pynkhalai na ka bynta jong ki ha Sheiloh ha khmat U Trai: bad u la ïasam ïa ka ri ha ki khun Israel katba kum ki bynta jong ki.

JOSHUA 22:4

Mynta te, U Trai U Blei jong phi u la ai ka jingshongthait ïa ki para jong phi, kumba u la ong ïa ki: namar kata, mynta phin phai noh, bad phin leit noh sha la ki ïingjaiñ, bad ha ka ri ka bynta jong phi, ïa kaba u Moses u shakri U Trai u la ai ha phi sha shiliang ka Jordan.

JOSHUA 23:1

Te kham slem, ynda U Trai u la ai ka jingshongthait ïa ki Israel na ki nongshun jong ki baroh kylleng sawdong, u Joshua u la man tymmen bad u la hiar arsut ka rta;