JOSHUA 11:20 - KA BAIBL

²⁰ Namar ka la long na U Trai ban pyneh ïa ki dohnud jong ki, ba kin wan ïaleh ïa ki Israel ha ka thma, ba un ïoh pynduh ïa ki khoit, ba kin ym ïoh ka jingisynei, hynrei, ba un pynduh ïa ki, kumba U Trai u la hukum ïa u Moses.

Khasi CL Bible (BSI)

²⁰ U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.

JOSHUA 11:20 ပူးပေါင်းရင်းမြစ်များ

2 SAMUEL 17:14

Bad u Absalom bad ki rangbah Israel baroh ki la ïa-ong, “Ban ïa ka jingpynibuit u Ahithophel lah ka jingpynibuit u Hushai u nong Arkhi.” Naba U Trai u la buh khnang ban pynduh noh ïa ka jingpynibuit ka babha u Ahithophel, khnang ba U Trai un ïoh pynwan ïa ka jingsniew halor u Absalom.

1 SYIEM 12:15

Kumta, u syiem um shym pynshahshkor ha uta u paidbah; namar ka la long ka kam ba la pynjia da U Trai, ba un ïoh pynskhem ïa la ka ktien, kaba U Trai u la kren da ka kti u Ahijah u nong Shilon ha u Jeroboam u khun u Nebat.

2 KHRONIKL 22:7

Te ka jingpynjot ïa u Ahasaïah ka la long na U Blei, ha kata kaba u leit sha u Joram: namar haba u la poi, u la leit mih lem bad u Jehoram ban ïaleh ïa u Jehu u khun u Nimshi, ïa uba U Trai u la thung ban ot noh ïa ka ïing u Ahab.

2 KHRONIKL 25:16

Te katba u dang kren bad u, u syiem u la ong ha u, “Hato ngi la thung ïa me na ka jingsylla jong u syiem? Sngap jar; balei yn shoh ïap ïa me?” Ynda kumta, u nongïathuhlypa u la sngap, bad u la shu ong, “Nga tip ba U Blei u la thmu ban pynjot ïa me, namar me la leh ïa kane, bad mem shym la shahshkor ïa ka jingpyni jong nga.”

EKSODOS 10:1

Te U Trai u la ong ha u Moses, “To leit shapoh ha u Pharaoh: namar nga la pyneh ïa ka dohnud jong u, bad ïa ka dohnud ki shakri jong u, ba ngan ïoh pyni ïa kine ki dak phylla jong nga ha khmat jong u:

EKSODOS 11:10

U Moses ruh bad u Aaron ki la leh ïa kine ki dak khyllah baroh ha khmat u Pharaoh: te U Trai u la pyneh ïa ka dohnud u Pharaoh, ba kumta un ym pyllait noh ïa ki khun Israel na ka ri jong u.

EKSODOS 14:17

Bad ha khmih, ma nga hi, ngan pyneh ïa ka dohnud ki Ijipt, bad kin bud nadien jong ki: te ngan ïoh burom halor u Pharaoh, bad halor u paidïapom jong u baroh, bad halor ki kali ïapom jong u, bad halor ki nongshong kulai jong u ruh.

EKSODOS 14:4

Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 14:8

Bad U Trai u la pyneh ïa ka dohnud u Pharaoh u syiem ka ri Ijipt, te u la beh nadien ki khun Israel: hynrei, ki khun Israel ki la ïamih noh da ka kti badonbor.

EKSODOS 4:21

Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 9:12

Bad U Trai u la pyneh ïa ka dohnud u Pharaoh, bad um shym shahshkor ïa ki, kumba U Trai u la lah kren ha u Moses.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

ISAÏAH 14:24

U Trai ki paid u la smai, u da ong, “Da shisha kat kumba nga la mut, kumta kan jia ruh; bad kat kumba nga la thmu, kumta te kan neh:

ISAÏAH 34:2

Namar U Trai u la bitar lep ïa ki jaid bynriew, bad u la khih bitar ïa u paid jong ki baroh: u la pynjot thiaw ïa ki, u la aiti ïa ki sha ka jingpynïap.

Ka Shithi U Paul Sha Ki Nong Rom 9:18

Kumta keiñ, ïa uba u mon, u isynei; bad ïa uba u mon, u pyneh.

DEUTERONOMI 2:30

Hynrei, u Sihon u syiem ka Heshbon um shah keiñ ïa ngi ban ïaid lait hajan jong u: naba U Trai uba U Blei jong me u la pyneh ïa ka mynsiem jong u, bad u la pynmutlop ïa ka dohnud jong u, khnang ban aiti ïa u ha ka kti jong me, kumba ka paw ha kane ka sngi.

DEUTERONOMI 7:16

To men pynduh noh, namar kata, ïa kita ki jaid bynriew baroh kiba U Trai uba U Blei jong me un sa aiti ha me; ka khmat jong me kan ym isynei ïa ki: lymne men ym shakri ïa ki blei jong ki; namar kata, kan long ka jingriam ïa me.

NONGBISHAR 14:4

Hynrei, u kpa bad ka kmie jong u kim shym tip ba kane ka la long na U Trai; naba u la wad ka lad ban ïaleh ïa ki Philistia. Te ha kata ka por, ki Philistia ki la synshar halor ki Israel.

1 SAMUEL 2:25

Lada u briew un leh pop ïa u parabriew, U Blei un bishar ïa u; hynrei, lada u briew un leh pop ïa U Trai, uei u ban ïasaid na ka bynta jong u?” Pynban, kim shym sngap ïa ka ktien u kpa jong ki, naba U Trai u la thew ban pynïap noh ïa ki.