JOSHUA 11:2 - KA BAIBL

² bad ha ki syiem kiba shaphang shatei, ha ri lum bad ha ri madan shaphang shathie na Khinneroth, bad ha ka ri them, bad ha ri lum Dor shaphang sepngi,

Khasi CL Bible (BSI)

² bad sha ki syiem kiba ha ka ri lum ha ka phang shatei, kiba ha Them Jordan shathie na ka Duriaw Galilaïa, kiba ha trai ki lum, bad kiba harud duriaw hajan ka Dor.

JOSHUA 11:2 ပူးပေါင်းရင်းမြစ်များ

1 SYIEM 15:20

Kumta u Benhadad u la sngew ïa u Asa u syiem, bad u la phah ïa ki kaptan ki paidïapom jong u pyrshah ïa ki nongbah ki Israel, bad u la jop ïa ka Ijon, bad ka Dan bad ka Abel-beth-maakah, bad ka Khinneroth baroh, lem bad ka ri Naphtali baroh.

1 SYIEM 4:11

u Ben-abinadab, ha Naphath-Dor baroh; u la shongkurim bad ka Taphath ka khun u Solomon:

JINGKHEIÑ 34:11

Te kata ka pud, kan hiar naduh Shepham haduh Riblah, shaphang mihngi na Ain, bad kata ka pud, kan noh arsut, bad kan kot ruh haduh ka rud ka duriaw Khinnereth shaphang mihngi:

LOUKAS 1:39

Ka Mari te ka la ïeng ha kita ki sngi, bad ka la leit kyrkieh sha ka ri lum, sha kawei ka shnong kaba ha Juda;

LOUKAS 5:1

Ka la jia te, katba uta u paidbah u la ïatur sha U ïa ka ban ïohsngew ïa ka ktien jong U Blei, ba U hi U ïeng harud ka pung Gennesaret.

JOSHUA 10:40

Kumta, u Joshua u la jop ïa ka ri baroh, ïa ka ri lum, bad ïa ka shathie, bad ïa ka ri them, bad ïa ki ranab lum, bad ïa ki syiem jong ki baroh; um shym la pynsah uwei ruh: hynrei, u la pynduh khoit ïa baroh kat kiba don mynsiem, kumba U Trai U Blei ki Israel, u la hukum.

JOSHUA 10:6

Te ki nong Gibeon ki la phah ha u Joshua sha ka dara ha Gilgal, ki da ong, “Wat kynran ïa la ka kti na ki shakri jong me; wan kiew kloi sha ngi, to pynim ïa ngi ruh, bad to ïarap ïa ngi: namar ki syiem ki Amor baroh kiba shong ha ri lum ki la ïalum lang pyrshah ïa ngi.”

JOSHUA 11:16

Kumta, u Joshua u la shim ïa kata ka ri baroh, ïa ka ri lum, bad ka ri shaphang shathie, bad ïa ka ri Goshen baroh, bad ïa ka ri them, bad ïa ka ri madan, bad ïa ka ri lum Israel, bad ïa ka ri them jong u de;

JOSHUA 11:21

Ha kata ka por ruh u Joshua u la wan, bad u la pynduh ïa ki Anak na ka ri lum, na Hebron, na Debir, na Anab, bad na ka ri lum Judah baroh, bad na ka ri lum Israel baroh: u Joshua u la pynduh khoit ïa ki bad ïa ki shnong jong ki.

JOSHUA 12:23

u syiem ka Dor ha ri Dor, uwei; u syiem ki Goiim ha Gilgal, uwei;

JOSHUA 12:3

bad naduh ka ri madan haduh ka duriaw Khinneroth, shaphang mihngi, bad haduh ka duriaw ka madan, ka Duriaw Mluh keiñ, shaphang mihngi, ka lynti sha Beth-jeshimoth; bad shaphang shathie, harum ki ranab Piskah:

JOSHUA 13:27

bad ha ka ri them, ka Beth-haram, bad ka Beth-nimrah, bad ka Sukkoth, bad ka Saphon, kaba sah na ka hima u Sihon u syiem ka Heshbon, ka Jordan bad ka rud jong ka, haduh ka rud ka duriaw Khinneroth sha shiliang ka Jordan shaphang mihngi.

JOSHUA 17:11

Bad u Manasseh u la don ha ka jong u Issakhar bad ha ka jong u Asher, ka Beth-shean bad ki shnong jong ka, ka Ibleam bad ki shnong jong ka, bad kiba shong ha Dor bad ki shnong jong ka, bad kiba shong ha Endor bad ki shnong jong ka, bad kiba shong ha Taanakh bad ki shnong jong ka, bad kiba shong ha Megiddo bad ki shnong jong ka, lai tylli ki jaka keiñ.

NONGBISHAR 1:27

Ki Manasseh ruh kim shym la beh noh ïa ki nong Beth-shean bad ïa ki shnong jong ka, lymne ïa ki nong Taanakh bad ki shnong jong ka, lymne ïa ki nong Dor bad ki shnong jong ka, lymne ïa ki nong Ibleam bad ki shnong jong ka, lymne ki nong Megiddo bad ki shnong jong ka: hynrei, ki Kanaan ki shu shong ha kata ka ri.