JOSHUA 11:15 - KA BAIBL

¹⁵ Kumba U Trai u la hukum ïa u Moses u shakri jong u, kumta u Moses u la hukum ïa u Joshua; kumta ruh u Joshua u la leh; um shym iehnoh ei ei khlem da leh na kita baroh ba U Trai u la hukum ïa u Moses.

Khasi CL Bible (BSI)

¹⁵ U Trai u la ai ïa ki hukum jong u ha u Moses u shakri jong u, u Moses u la ai ïa kita ha u Joshua, bad u Joshua u la kohnguh ïa ki. U la leh ïa baroh kaba U Trai u la hukum ïa u Moses.

JOSHUA 11:15 ပူးပေါင်းရင်းမြစ်များ

2 KHRONIKL 30:12

Ha Judah ruh ka kti jong U Blei ka la don ban ai ïa ki kawei ka dohnud, ban leh ïa ka hukum u syiem bad ki rangbah da ka ktien U Trai.

JINGKHEIÑ 33:50

Te U Trai u la kren ha u Moses ha ki pyntha ka ri Moab, harud ka Jordan, marpyrshah ka Jerikho, U da ong,

JINGKHEIÑ 33:52

te phin ïabeh noh ïa ki trai-shnong jong ka ri baroh ha shuwa jong phi, te phin ïa-pynjot noh ruh ïa ki dur baroh jong ki, bad ïa ki bleithaw ba la saiñ jong ki baroh ruh phin pynjot noh, bad phin ïa-pynduh noh khoit ïa kiei kiei ha ki jaka lum jong ki baroh:

MATHAÏOS 23:23

“Kordit ïa phi, ki nongthoh bad ki Pharisi kiba arsap! naba phi ai ïa kaba shiphew na ka pudina, bad na ka dill, bad na ka kummin, bad phi iehnoh te ïa kita kiei kiei kiba kham khia ki jong ka hukum, ïa ka hok, bad ïa ka jingisynei, bad ïa ka jingngeit; ka la dei keiñ ïa phi ban leh ïa kine, bad ban ym iehnoh ïa kita kiwei.

LOUKAS 11:42

“Hynrei, kordit ïa phi ki Pharisi! Naba phi ai ïa kaba shiphew na u pudina, bad na u rue, bad na u jhur baroh, phi ryngkang te ïa ka hok bad ïa ka jingieit ka jong U Blei; ka la dei ban leh ïa kine kiei kiei ruh, hynrei, ban ym iehnoh keiñ ïa kita kiwei.

KI KAM 20:20

kumno ba ngam shym la pep ban ïathuh ha phi ïa kiei kiei baroh kiba pynmyntoi, bad ban hikai ïa phi ha kaba paw, bad ha ki ïing ki ïing,

KI KAM 20:27

Namar ngam shym la pep ban ïathuh ha phi ïa ka mon ka jong U Blei baroh.

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.

DEUTERONOMI 31:3

U Trai uba U Blei jong me, u hi keiñ un ïaid sha shiliang ha shuwa jong me; un pynduh noh ïa kine ki jaid bynriew na khmat jong me, bad men ïoh ruh ïa ki; u Joshua ruh, un ïaid sha shiliang ha shuwa jong me, kumba U Trai u la ong.

DEUTERONOMI 31:5

Bad U Trai un aiti noh ïa ki ha khmat jong phi, ba phin ïoh leh ïa ki katba kum kita ki hukum baroh kiba nga la hukum ïa phi.

DEUTERONOMI 31:7

Te u Moses u la khot ïa u Joshua, bad u la ong ha u ha khmat ki Israel baroh, “To long uba khlaiñ bad uba shlur: naba men leit ryngkat bad une u paidbah sha kata ka ri ïa kaba U Trai u la smai ha ki kpa jong ki ban ai ha ki; te men pynshong ïa ki ha ka.

DEUTERONOMI 4:2

Phin ym pyntam ei ei ruh ha kata ka ktien ïa kaba nga hukum ïa phi, lymne pynduna na ka, ba phin ïoh sumar ïa ki hukum U Trai uba U Blei jong phi, ïa kiba nga hukum ha phi.

DEUTERONOMI 4:5

Ha khmih, nga la hikai ïa phi ïa ki hukum, bad ïa ki jingbishar, kumba U Trai uba U Blei jong nga u la hukum ïa nga, khnang ba phin leh kumta ha kata ka ri, sha kaba phin leit ïoh ïa ka.

DEUTERONOMI 7:2

bad ba U Trai uba U Blei jong me u la aiti ïa ki ha khmat jong me, bad ba me la jop ïa ki; men pynjot noh khoit ïa ki; men ym pynlong ka jutang bad ki, lymne leh isynei ïa ki:

JOSHUA 1:7

Tang ba men long uba khlaiñ bad uba shlur bha, ba me lah ban sumar ban leh katba kum ïa ka hukum baroh, ba u Moses u shakri jong nga u la hukum ïa me: wat phai noh na ka sha kamon lymne sha kadiang, ba men ïoh man bha kat sha kaba me leit.

JOSHUA 11:12

Ïa ki shnong jong kita ki syiem baroh, bad ïa ki syiem jong ki baroh ruh, u Joshua u la jop, bad u la pom ïa ki da ka syrti waitlam, bad u la pynduh khoit ïa ki; kumba u Moses u shakri U Trai u la hukum.

JOSHUA 11:14

Te ïa ka jinglute baroh jong kine ki shnong, bad ïa ki jingri, ki khun Israel ki la shim ban long ka jinglute ïa lade; hynrei, ïa u briew baroh ki la pom da ka syrti waitlam, haduh ba ki la pynduh noh khoit ïa ki, kim shym pynsah shuh kawei ka mynsiem.

JOSHUA 11:16

Kumta, u Joshua u la shim ïa kata ka ri baroh, ïa ka ri lum, bad ka ri shaphang shathie, bad ïa ka ri Goshen baroh, bad ïa ka ri them, bad ïa ka ri madan, bad ïa ka ri lum Israel, bad ïa ka ri them jong u de;

1 SAMUEL 15:11

“Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.