JOSHUA 11:14 - KA BAIBL

¹⁴ Te ïa ka jinglute baroh jong kine ki shnong, bad ïa ki jingri, ki khun Israel ki la shim ban long ka jinglute ïa lade; hynrei, ïa u briew baroh ki la pom da ka syrti waitlam, haduh ba ki la pynduh noh khoit ïa ki, kim shym pynsah shuh kawei ka mynsiem.

Khasi CL Bible (BSI)

¹⁴ Ki paid Israel ki la shim ïa ki markordor baroh bad ïa ki jingri jingdup na kine ki nongbah bad ki la buh ïa ki na ka bynta ïa lade. Hynrei ki la pynïap ïa uwei pa uwei u briew; ym don uwei ruh uba lait im.

JOSHUA 11:14 ပူးပေါင်းရင်းမြစ်များ

2 KHRONIKL 20:25

Bad haba u Jehoshaphat bad ki briew jong u ki la wan ban shim ïa ka jinglute na ki, ki la shem hapdeng jong ki shibun ka spah bad ki metïap, bad ki jingdeng bakordor, ïa kiba ki la ïalaw noh na ka bynta ïa lade, tam ïa kaba ki lah ban kit: bad ki la long lai sngi ha kaba shim ïa ka jinglute, ka la long kaba bun katta katta.

JINGKHEIÑ 31:9

Ki khun Israel ki la kem mraw ruh ïa ki kynthei ki Midian, bad ïa ki khun khynnah jong ki; ki la lute ruh ïa ki jingri jong ki baroh, bad ïa ki kynhun jong ki baroh, bad ïa ki spah jong ki baroh.

DEUTERONOMI 20:14

hynrei, ïa ki kynthei, bad ïa ki khynnah, bad ïa ki jingri ruh, bad ïa baroh kaba don ha kata ka nongbah, ïa ka jinglute jong ka baroh keiñ, to shim ha lade; bad men ïoh bam ïa ka jinglute ki nongshun jong me, ïa kaba U Trai uba U Blei jong me u la ai ha me.

DEUTERONOMI 20:16

Hynrei, na ki nongbah kine ki briew, kiba U Trai uba U Blei jong me u ai ha me ban long ka jingïoh pateng, men ym pynsah im ei ei ruh em ba pynhiar mynsiem:

JOSHUA 10:40

Kumta, u Joshua u la jop ïa ka ri baroh, ïa ka ri lum, bad ïa ka shathie, bad ïa ka ri them, bad ïa ki ranab lum, bad ïa ki syiem jong ki baroh; um shym la pynsah uwei ruh: hynrei, u la pynduh khoit ïa baroh kat kiba don mynsiem, kumba U Trai U Blei ki Israel, u la hukum.

JOSHUA 11:11

Bad ki la pom ïa ki mynsiem baroh kiba ha ka da ka syrti waitlam, ki da pynduh khoit ïa ki: ym shym pynsah shuh kawei ka mynsiem: bad u la thang ïa ka Hasor da ka ding.

JOSHUA 11:13

Hynrei, ïa kita ki shnong kiba don ha la ki lum, ki Israel kim shym thang, tang ïa ka Hasor hi; ïa kata u Joshua u la thang.

JOSHUA 11:15

Kumba U Trai u la hukum ïa u Moses u shakri jong u, kumta u Moses u la hukum ïa u Joshua; kumta ruh u Joshua u la leh; um shym iehnoh ei ei khlem da leh na kita baroh ba U Trai u la hukum ïa u Moses.

JOSHUA 8:2

men leh ruh ïa ka Ai bad ïa u syiem jong ka kumba me la leh ïa ka Jerikho bad u syiem jong ka: tang ïa ka jinglute jong ka, bad ki jingri jong ka ruh, phin shim ban long ka jinglute ha lade: buh ka jingap thap ïa ka shnong na shadien jong ka.”

JOSHUA 8:27

Tang ki jingri bad ki jinglute jong kata ka shnong ki Israel ki la shim ban long ka jinglute ïa lade, katba kum ka ktien U Trai kaba u la hukum ïa u Joshua.